احلى مكياج تحبي يكون مكياجك بيرفكت

1. وبعدها اخترت الشدو المخملي نزيد عليه اذا في سهرة طبعا

السلام عليكم
مرحبا خواتي
تعبت وانا اسوي الموضوع وامانة اذا احد يبي ينقله يكتب منقوول لان صار 3 ساعات وانا اشتغل فييه ولاتحرمونا من ردودكم اوكي
والله حبيت اكتب الموضوع عشان الكل يستفيد طول الليل وانا ادور موضوع بعدين فكرت وقلت نحط موضوع حلوو الكل يتفاعل فيه ويقول رايه
اول شي نبتدي شلون نحط المكياج؟؟
لازم يكون الوجه نظيف
وبعدين لازم نحط كونسيلر نخفي البقع الداكنة وتحت العين وحوالي العيون عشان نوحد اللون في منطقة العين واخترت لكم من ysl انا استخدمه ووايد عاجبني
وبعدها نحط فاونديشن مناسب لبشرتنا وانا اخترت لكم من كلينك انا كمان استخدمها وحلوة وتعطي الوجه انارة طبيعية مجموعه فاونديشن سائلة وبودرة مضغوطة و loose pawder
وخلصنا من الفونديشين جينا حق eye shadow
اخترت لكم مجموعة من الشدو طبعا لمكياج الصباح بنحط الالوان الفاتحة ومكياج السهرات بنزيد عليه حبتين
نبتدي مع جفنشي.. اخترت شي رايق مثلا وحده بتسهر مع زوجها في البيت تحط لها الوان تخليها طبيعيه عشان تزيدد الانوثة

وبعدها اخترت الشدو المخملي نزيد عليه اذا في سهرة طبعا

وبعدها نحط لمعه تحت الحواجب عشان تكون نظرة العين حلوة وانا استعمل red earth هو مادري من وين بس اختي كانت ماخذته اختي من مادري وين ههه عندي ابيض وفيه شوي اضاءة تقدري تحطيه على العين كلها مع كحل اسود يطلع فظيع..
اخترت كمان مجموعة اقلام كحل من GOSH انا استخدم الاخضر والتركواز وفي واحد ذهبي روعه وهذي صورهم
وعندنا الكحل الاسود اللي داخل العين استخدم من ريميل و ysl وفي واحد اسمه سمايلنج بعد حلوو طبعا كل وحده تفضل كحل انا افضل اللي ذكرتهم..
واذا تبين ترسمين عينك بالكحل الكريمي ترا مثل المائي واحسن منه يدووم وايد انا استخدم تبع كلينك وايد زين تجي معاه فرشاة بس تكون عريضة شوي انا ارسم فيها تحت العين وعندي فرشاة ضعيفة ارسم فوق الرموش فيها وهذا هو الكحل ..
وبعد ماتخلصي من عينك تبدي ترسمي حواجبك بالطريقة الصح انتي وشكل حواجبك عادد واستخدم اللي يظبط الحواجب من shesedo وهذي صوته تجي معه فرشاة ترسمي فيها انا عندي فرشاة بعد من شسيدو بس لحالها وضعيفة اسهل ترسم
وعندك كمان تقدري تزيدي اللمعه اذا في سهرة او عزومة او شي مثل هذي من فور ايفر وايد حلوة..
وبعد ماترسمي حواجبك وتحطي القلاتر تاخذي فرشاة كبيرة تمسحي الشدو اللي طاح تحت على وجهك او اي شي زايد بفرشاة مثل ذي او اللي تكون شوي مسطحة عشان تشيل المتناثر تحت عينك
وبعدها تضبطي شوي بالبودرة وبعدها تحطي بلاشر وهذي بعض البلاشر المفضل عندي..
وهذا حلوو من كلينك عجيب <<< انا احب كلينك ههه
وبعدها تحطي المسكرا انا جبت لكم مثل اللي استخدمه من استلودر
وهذي بعد xxL وايد حلوة تكثف الرموش
واخيرا تحطي الروج اللي يناسب مكياجك اخترت لكم بعض اللي استخدمه
واذا تبي تحطي احمر اخترت هذا.. حلو ع الشفايف
وبعدها تحطي لمعه القلوس على كيفك اذا تبي تحطي روج اول او بس قلوس وانصح اذا كان حق الصباح تحطي بس قلوس فيه لون وردي او اي شي عشان يبين الوجه ناعم ومشرق من الصباح
وخلاص انشالله استفدتو ؟؟ لاتحرموني من ردودكم الحلوة حبايبي ..اووكي؟