اختي انخطبت ورافضه ابي رايكم

السلام عليكم
صباح الخير
اختي جاها عريس، العريس اخو زميلة اختي بالمدرسة(اختي معلمة)، بالنسبة للشاب فعمره 32 سنة و يعمل بمستشفى الحرس الوطني طبيب، وحالته زينه، وسالنا عنه قالوا اخلاقه ممتازه والرجل كريم وطيب وكل الناس اللي سالناهم عنه يثنون عليه، يقول اخوي ان اغلب الموظفين بالمستشفى اللي يعرفونه يمدحونه يقولون شخص طيب وحبوب، وسالنا عنه بحارتهم كلهم يمدحونه، بس اختي ماتبيه لانه سمين ومو وسيم اختي شافة صورته تقول يشبه فهد الحيان بصراحة احنا متضايقين منها، ماندري وش نسوي لها.
هي مو رافضة رفض تام بس مترددة وكل شوي ترجع على سالفة انه سمين وموب وسيم او شكله مقبول(هو مو قبيح مره يعني شكله اقل من عادي) بس بصراحة ما سالنا عنه الا وحلصنا الناس يمدحونه حتى اهله محترمين وطيبين.
وش الحل معها، وتشوفون ان موقفها مبرر انها ماتقبله بسبب السمنة وانه موب وسيم او موب مقبول كشكل؟