اخواتي العزيزات مملكه جديده وابي شوركم

1. هو يقوللي عادي لاتستحين وغازليني مافيها شي وانا مو قادره

السلام عليكم ورحمة الله وبركاته
اخواتي الفراشات اسعد الله ايامكم حبيباتي
اتمنى من كل سيده فاضله عندها الخبره ورجاحة العقل وللبنوتات المملكات صاحبات الخبره
انكم تساعدوني بنصايحكم وتعطوني من تجاربكم
انا مملكه مالي اسبوعين على ولد عمي هو في نفس الوقت ولد خالتي بعد
هو يحبني وميت فيني ويكلمني يوميا لانه على حد قوله مايقدر يصبر على فراق صوتي
يتكلم بكل العبارات من حبيبتي وعمري و الخ
وانا ميته حيا واحس انه متضايق مني لاني مااتجاوب معاه مثل مايعاملني ماادري ماني عارفه كيف اتكلم معاه انا احبه وعندي كلام كثير نفسي اقوله ونفسي اقوله حبيبي وعمري بس مايطلع معاي الكلام مااقدر وش اسوي ؟

هو يقوللي عادي لاتستحين وغازليني مافيها شي وانا مو قادره

وامس الليل ارسلت له رساله عبرت فيها وقلت احبك ومن هذا الكلام لكن مارد علي لابرساله ولا غيره ماادري وش فيه ابي اعرف ردة فعله بإعتقادكم ليش سكت وهل انا غلط يوم عبرت عن مشاعري ؟
عل فكره انا طلعت معاه مره بعد موافقة اهلي ومرافقة اخوي الصغير وابوي ماوافق اللا لانه واثق فيه ومن الاهل واقرب من القريب وهو في منطقه وانا في منطقه وبيجينا في رمضان ويبيني اطلع معاه بعد هل هذا الشي ينفع او مااوافق بس احسه بيزعل
انصحوني وكل وحده تقوللي من تجاربها الله يخليكم وينولكم اللي في بالكم يارب العالمين .
اتمنى التفاعل وانا اختكم في الله كونوا سبب بعد الله في تسهيل سعادتي
ولكم مني كل الحب والدعاء ان شاء الله