اخواتي ساعدوني الله يفتح عليكن من اوسع ابوابه مشكلتي في زوجي

1. مشكلتي ياخواتي في زوجي

السلام عليكم ورحمه الله وبركاته
اللهم اجعل من تساعدني ان تجعلها من عتقائك في هذا الشهر المبارك انه على كل شي قدير
اختكم في الله حديثه عهد بالزواج ومحتاره هل تستمر مع هذا الزوج ام تنفصل

مشكلتي ياخواتي في زوجي

انا اول ماخذيته توقعته طيب لكن اكتشفت انه حار مره طبعا انا خذيت رجل سبق له ان تزوج امراءه جلس معها 45 يوم وطلقها من اجل اهلها ولكن ماخذيته لين حلف انه مطلقها وسالته هل معك عيال قال لا لو اني دجاجه نفقس ونطلع
المهم تخيلو بعد 8 ايام من زواجنا نزلني عند اهلي وراح لاهله 3 ايام تخيلوا يابنات وانا توني متزوجه
اخبر الرجال اول ماياخذ مره يطير بها وانا الحمدلله على كل حال
بس يابنات مو كذا ماقد مشاني اذا بياخذني وداني مطعم وكل يوم يهاوشني على الصغيره والكبيره
ولا عمرنا جلسنا مع بعض يوم كامل اذا جا العشا قال انا معزوم ونزلني عند اهلي وجا ياخذني الساعه 3 او 2او وحده على حسب
وبعض الاحيان يتركني باليومين والثلاثه
طبعا انا الحين عند اهلي وراح لاهله كما يزعم ولا اعلم صدقه من كذبه
ومب جاني الا بعد العيد يابنات والله مالي الا شهرين من زواجي وهذا كله يصير فيني
طبعا جواله ماعمري فتحته قدامه ممنوع اشوف جواله وقد صار لي مشكله بسبه جواله
وفتحته من وراه مره لقيت رسايل حرمته قبل الطلاق ولقيته يعاكس بنات بس قبل زواجه بي ولقيت مسميات عنده بجواله استحي اقولها لكم واحترمكم فما يليق لي ذكرها لكنها تشيب العين
بنات لما طلبته فلوس عشا اقضي للعيد ذبحني بالفلوس الي اعطانيها وقال لي ليه وليه ومدري ايش
ولين الحين يسالني اذا باقي منها شي او لا
تخيلو جاني يوم من الايام وقال لي تراني علي بنت من مرتي الاوله
انا انهبلت لكن بكل هدوء مسكت نفسي
قلت ليه ماقلت لي حلف بالله انه مادرى عنها الا بعد زواجنا بسبوعين بس مايبي ينكد علي واني قلت لك الحين عشان تسمعين الخبر مني ماتسمعينه من احد ثاني
كنت مصدومه وصامته ولاناقشته ثدرون وش قال لي
ترى الوضع عادي يابنت الناس ماتبيني روحي لاهلك ويادار مادخلك شر
علما بان هذه الكلمه يرددها في كل زعل بينا كاني لعبه بيده
ومشيت سالفه البنت مع اني مو مصدقه ان في هذا الكون مره عاقله بتخبي طفلها لين ينولد طيب وان جحده ابوه
انا داريه انه يكذب علي وتدرون ليه علمني ببنته لانه كان عازم عمته وخاف تقول لي لان بينهم مشادات
وقال لي لاتصدقين اي حرمه تقول لك شي عني وسانديني وساعديني قلت ابشر ولا يهمك
بس يابنات حتى حقي في الفراش
يقول لاتجيبين عيال الا بعد اربع سنوات ولا ينزل فيني ولا يمتعني,,اسفه على الكلام هذا
كله عشان مايبيني اجيب عيال
طيب انا وش ذنبي احب يكون لي طفل يقول لي ماما
يعني لافلوس ولا عيال ولا يحسسني بالامان
كل من جاه اثناء غيابي عن البيت يدخله بيتي حتى غرفه نومي قد دخل فيها رجل بحجه انهم يقوسون بيتنا
غير انه مايثق فيني ولا يعلم باسرار البيت
بنات تعبت نفسيتي
كل مافكرت واستخرت اني اتركه احس شي يقول يابنت الناس حرام عليك احمدي ربك يصلي ولا يدخن ولا يسكر اكبر نعمه
بس اذا جلست مع نفسي اقول بخيل وكذاب وحار ولايثق فيني وانا
مدري ايش السالفه
اليوم انا جايتني الدوره ومتعبتني مره وهو عند اهله
بنات ارسل لي رساله
توقعون سال عن صحتي لا والله قال لي
عمتي اعطتك فلوس؟؟
ههه موسوس بالفلوس
انصحوا اختكم حديثه العهد بالزواج انا ماعندي غيركم
الله يسخر لمن تساعدني زوجها ويوفقها بدنياها واخرها
تذكروا قول الرسول من فرج عن مؤمن كربه فرج الله عنه كربه من كرب يوم القيامه