اخواتي مين تقدر تسااعدني وتسوي ليا جدول تنظيف وتريب للبيت

ياناسوا بيتك صغير مره ^_^
طيب قولي لي أنتي موظفه وكم ساعه !!
وزوجك كيف دوامه
وعندك أطفال ولا لسى ؟؟
أنتظرك"

لالا حببتي مو موظفه
وزوجي دوامه حلوو من بعد الفجرويرجع على 11 ونص او 12
وعندي طفل بسس
ومشكلتي الاكبر السهر

لاتشيلين هم كلنا ببداية الزواج مرينا بكذا
أول شيء تسوينه نظمي نوم ولدك ,, ماتجي الساعه 9 إلا هو نايم
أنا نظامي في الاجازات وبرمضان أخلي الصغار ينامون بعد الفجر لاتقولين حرام ولا ينمو ..
بس احنا مضطرين برمضان بنكون صايمين وبنام لحد الظهر طيب والصغار لو كانوا صاحين من بيجلس معهم !!!
وفي الاجازات اسهرهم لاننا مانقدر نخرج ونلعبهم الا بعد العشاء من جونا الحار
المهم ..أنتي نظمي نوم ولدك الساعه 9 وهو نايم"
ولا راح يصحى الا بعد 12 او 13 ساعه يعني على 9 الصبح ^_^ من غير شر
أنتي على الساعه 11 يكون نومك ^_^ طبعا بعد ماينام ولدك هذا وقتي مع زوجك تطلعون تسولفون ألبسي له واهتمي به بهالوقت وجهزي أغراضه لدوام بكره^_^
قبل أذان الفجر بنص ساعه اصحي واتهجدي وادعي بالبركه واستغفري كثير
غسلي حمامك وشغلي فواحات البيت (عندك زيت التوت من بودي شوب مره يعجبني والفواحات اشكال وانواع بكل مكان ^_^)
صحي زوجك وتأكدي لما يصحى ويشم ريحه حلوه يتغير مزاجه ويتنشط حيل
بهالوقت صلي الفجر ورتبي سريرك
وسوي لك ساندوتشات وعصيرات طازجه ,, افطري مع زوجك وودعيه لدوام
بعد مايروح هالوقت ملكك أنتي لذاتك
ساعه وحده تكفي لبيتك غسلي وكنسي ونظمي وبعدين حطي لك خلطات على بشرتك وشعرك
لحد الساعه 9 صحي ولدك وحمميه والعبي معاه شوي
وأبدأي سوي الغداء ..ع العصر سوي كيك وعصير أو معجنات ..بعد المغرب سوي العشاء وتعودوا تأكلونه بعد العشاء مباشره
بعد هالوقت انتي فاضيه تطلعين تتمشين تتسوقين كله بمزاجك .
الله يوفقك وييسر لك آمرك ..

اختي توفي افادتك
بس بزيد عليها جدول الخدمه فالساعه اللي تقول عليها للخدمه
مثال
السبت..10 دقايق لغرفة النوم ..عشرين للمطبخ..5دقايق حمام الله يكرمك وتكوني منزله الغسيل الابيض ومفرقته وتغسلين فيه خلال هذا الوقت..10 دقايق تكنيس وانشري الغسيل وامسحي الارض وبكذا وفرتي وقتك
الاحد..5 دقايق غرفه النوم ,,20 للمطبخ ..5 للحمام كرمتي..ونضفي المجلس واقعدي عالكوي الابيض
الاثنين..10 لغرفة النوم ..30 للمطبخ ويشمل تنضيف الثلاجه 5 للحمام وكمان تكوني موزعه ملابسكم الملون وفالغساله لين تخلصي وكنسي وامسحي الارضوانشري الغسيل
الثلاثاء ترتيب خفيف لغرفة 20 جقيقه للمطبخ والحمام 5 وتنضيف عميق للمجلس وكوي الملون
الاربعاء ترتيب غرفه النووم وتنضيف عميق للمطبخ واحمام كرمتي وكنس ومسح
الخميس والجمعه بس ترتيب وتغسيل النحاس بس يعني كنك فاجازه ويوم الاربعاء زوري اهلك والخميس مع زوجك خرجه والجمعه اهل زوجك
بكذا حياتك ملكك
بس انصحك بالدعاء والاستغفار تقربي الى الله اكثر تسعدي فحياتك
وحاولي باسرع وقت تنجزين عملك
ادعيلي ربي يسخر لي زوجي ويهديني ويحقق اللي فبالي

تقريبا كانك توصفي بيتي و كلنا بنسهر بس الفرق بيني وبينك انو جسمك شبع خمول اي لو اشتغلتي شوي كانك اشتغلتي طول اليوم وعلشان كدا حركي نفسك اتخيلي انو في احد جاي عندك حتلقي نفسك تشتغلي هنا وهنا ..........حاولي انك تنجزي اعمالك الين اقصى حد بعد العصر ام الغسيل هذا له يومة والكوي من بعد ماتصلي المغرب وانت جالسة تتفرجي التلفاز ........لاتزعلي مني انا بس ابغى احرك شي فيك علشان تنفعي نفسك لانة لاجدول ولاغيرة ينفع لان الانسان مايعرف اش ضروفة يعني انت ادرى بحياتك تحياتي .

زهرة اللوتس طريقت مره حلوه نفسي لازم احس انه احد بيجيني انضف البيت كل
وانا بيتي صغنون زيها

الله يسعدكم يا رب
وييسر اموركم

فراشاتيي ؟