اخيرا عرفنا السبب حسبي الله ونعم الوكيل

السلام عليكم ورحمة الله وبركاتة
شخباركم بنات
والله سارلى يومين ماعرف انام وانا محترق قلبى على حال اختى واخوى من الحرة مالى الا هل دعاء اقولة بكل صلاة
عندى اخت سارلها 4 سنوات مطلقة والسبب مشاكل عائلية وللحين ما فى احد دق باب البيت لخطبتها
واى احد يفتح الموضوع مايرجع يتكلم فية مرة ثانية احنا انصدمنا اختى بطبعها مرحة وايد مشاء الله عليها حبوبة وما حد يشوفها الاذكر الرحمن مرت هل سنوات وحنا على هل حال
اهى تقول انها نسيت موضوع الزواج لكن شلون تنسا وهى مالها احد لا ام ولا اب حتى اخوانى مصيرهم يتزوجو نسينا موضوع اختى وقلنا الله يسهل امورها ويرزقها ابن الحلال
الحين بنزوج اخوى الحمد الله شغلة زين وعندة بيت رحنا طلبنا وحدة قالو ابن عمها يبيها
طلبنا بعد وحدة قالو موافقين بس عطونا وقت نسال عنة بعد فترة بعد واحد من عيلتها يبيها
تمينا على هل حال لوصل العدد 7 او 8 اخوى تعقد
مو عارفين السبب
اخر وحدة كان اخوى طالبها من اول والبنت موافقة والرفض من امها الان اخوى اسمر مو ابيض معنة مو اسمر لا احنا نسمية قمحى
البنت تزوجت وبعد شهرين تطلقت اخوى بس عرف انها تطلقت قال طلبوها لى مرة ثانية احنا ما اعترضنا
رحنا وطلبناها قالو بنردلكم خبر بعد ما نسال عنك بعد اسبوع راحت اختى الكبيرة تسال لانهم وايد طولو
تقوللها ام البنت انةسالنا عنكم ناس من عيلتكم قالو انة انتو سمعتكم مو زينه واختكم تطلقت بسبب فضية شرف
وما خلو كلمة مو زينة الا قايلينها عنا حتى اختى الكبيرة زوجها تزوج لانها مريضة بسرطان وما رحم حالها قالو عنها الشر
حسبي الله عليهم والله يابنات والله شاهد علينا انة احنا بحالنا ومالنا به هل سوالف لكن ماندري ليش قلوب الناس سودة والله اكتبلكم وقلبى يتقطع
وللاسف الى قايل عنا هل كلام واحد من لحمنا ودمنا تربى معنا واكل من اكلنا
احلفكم بالله يابنات تدعون دعوة من قلبكم الله يفرج هم اختى واخوى وينصرنا عليهم ويرزق اختى الزوج الصالح في القريب العاجل