اخيرا لقيت لمعه للجسم مثل ممثلات هوليود بالصور

1. قبل فتره اشتريت منتج من بينفت << وينك يا ارتوسته !!!


2. هذا شكل السائل الخاص للوجه ..


3. وتجي معاه اسفنجه كبيره .. وقوام مثل الفاونديشن المضغوط .. ناعم

السلام عليكم ورحمة الله وبركاته
دايما ليما اشووف ممثلات هوليود بالتلفزيون او بالصور .. دايما دايما دايما يلفت نظري لون جسمهم ولمعته !
الجسم ..
1- صافي ولونه واحد .
2- لونه برونز حلو .. لون الشامبين او الخمري .. برونز على ذهبي .
3- فيه معه خياليه لاهي كثيره اللي تلالي وتكسر العين ولا خفيفه ما تبين !! وهي حلات اللمعه انها تكون نااعمه
و وايد تلاحظون هالشي على بيونسي .. و جينفر لوبيز .. لندسي لوهن .. ايفا لونغوريا .. وغيرهم
والصراحة لمعتهم تاخذ العقل .. وايد تعجبني ..

قبل فتره اشتريت منتج من بينفت << وينك يا ارتوسته !!!

اعتقد واايد ناس يعرفونه .. بس للي ما يعرفونه حبيت اعرفهم فيه << يعرفونه وما تعرفون وعرفونا
هالمنتج اسمه hollywood glo وجاي على شكلين .. سائل (للوجه وممكن استخدامه للجسم ) ومضغوط ( للجسم ) .. قبل جم يوم استخدمتهم .. روعه .. وايد حلوين .. وانا عموما ما احب استخدم البرونز مو حلوو علي ! لكن هذولي برونزهم روعه .. ويخليج تلمعين بشكل وايد رااقي .. واايد حبيته وناسبني لاني احب اللمعات اللي بهالطريقه الناعمه

هذا شكل السائل الخاص للوجه ..

وعلى فكره ترى هالمنتج ^^ جائزه عالميه ( من افضل منتجات تجميل شتاء 2005 )
وممكن تخلطونه ويا الاساس .. او ممكن بعد تخلصون مكياجكم تحطون شويه منه على الخدود .. وعلى عظمة الخدين .. وعلى طول الانف .. وللعلم هو ما يعطي لوون برونز برونز (اسمر ) كثر ما يعطي لمعه برونزينه خفيفه ولونه برونز ناعم على وردي << ماني عارفه اوصف اللون بس اللون وايد حلوو الصراحة
وهذا اللي للجسم ..
وهو مثل الاولي ما يعطي لون قووي .. كثر ماهي لمعه بلون ناعم .. يعني لو انتي متعوده تحطين اساس على جسمك .. حطي كريم اساس ثم حطي هذا فوقه !

وتجي معاه اسفنجه كبيره .. وقوام مثل الفاونديشن المضغوط .. ناعم

وطبعا اذا تبين شكل جسمك يبين مثل ممثلات هوليود .. اخذي لك تان .. او استخدمي سيلف تان .. او روحي سوي جلسه برونز .. اللي ترتاحين له .. واستخدمي هاللمعه على جسمك بعد ما تصيرين برونز .. راح تبينين مثلهم واحلا ان شاء الله << عاد مو تطولين تحت الشموس على اساس تصيري برونز واخرتها تحترقين واخذ اثمك
ان شاء الله عجبكم هالموضوع الخفيف اللطيف الظريف .. << ما صار موضوع !!!!!!
والله اني حابه افيدكم .. ولا ابي منكم غير صالح الدعاء ..
موفقات جميعا..منقول للافاده
بنات هذا الموضوع نقلته عشان اسالكم هل المنتج هذا موجود بالسعوديه اللي تعرف تفيدنا ولها دعوة مني من ظهر غيب
فين مكانه بالضبط وكم سعره بليز ضروري افيدوني يافراشات واللي ماتعرف ترفع الموضوع بليز