ادخلوا ضروري للأهميه

آآآآآآآآ بس يابنات اشكي لمين وإلا لمين ومالي غيركم بعد الله تخففون عني معاناتي... انا مشكلتي مع زوجي جننتني والله حاسة اني بأمرض وتجيني حاله نفسية بسبته.....زوجي في صفة سيئة ماكانت فيه بدايه زواجنا وهالحين بان معدنه وانكشف القناع المزيف إللي كان حاطه...تخيلوا يابنات يحب ينتقم مني والله مثل الطفل الصغير اللي يعاند ابسط مثال شوفوا اذا ماطبخت له والله يطربق الدنيا فوق راسي ويردها لي مثلا بإنه يحرمني من الخرجة اواني أزور أحد أو مثلا من السوق أو من مصاريف البيت واغراضه او حتى من المصروف ويبان في وجهه والله نظرات الأنتقام والله وانا أفهمه زين أعرفه لا جاء يوم الخميس يردها لي وتلاقينه ما ينام معاي زي اللي بيأدبني ..ومو بس على الطبخ على أشياء كثيره والله زهقت من العيشه معاه يبغى يرفع ضغطي بأي طريقه جني والله يسوي فيني مقالب والله وانا فاهمته تقولي متلبسه شيطان...الآدمي انقلب ماكان كذا بداية الزواج صاير يدقق في كل شئ ما يعجبه شئ والله وأنا ماني مقصره في شئ معاه والله شاهد علي..ان غيرت في البيت ماعجبه ان اشتريت لبس ماعجبه ان طبخت هم ماعجبه صاير غثى على قلبي خلاص ماعاد في اتحمل كرهههته بس صابرة ومتحمله واطنشه قد ماأقدر تعبت ياناس منه وربي لو المرأه تتزوج اكثر من واحد وجائز لها كان من زمان تزوجت واحد يحبني ويراعي مشاعري مو واحد على الطالعه والنازله تعليقات فيني وفي بنتي بس ربنا عارف بصبر المرأة وتحملها أكثر من الرجل وإلا هو ماعنده صبر بدليل الرجل يطلق ويتزوج وماعنده صبر لكن تخيلوا متحملته وماني متصوره اقضي بقيه عمري كله معاه اذا بيجلس على الشكل هذا...والله صار يذلني بكل شئ أحاول اتجنبه قد ماأقدر تحسيه انه عدو ماهو زوج حنون بمعنى الكلمه اتاري القناع كان عليه بدايه الزواج والآن شاله والله يابنات ماني قادرة اطالع فيه وابتسمله احسه من جو منافق وكذاب حاسه قلبه قاسي علي حتى اّذا ابغى اشكيله عن حاجه مايسمعلي واخرتها يقولي اقلبي وجهك...وبعدين يجي يعتذر بدون نفس والله معليش انا آآآآسف طيب والنهايه معاه في كل مره يغلط ويعتذر احسه انه أهان كرامتي واحيانا تمتد يده علي تصورا والله مكملت ثلاث سنوات على زواجي كرهته بس صابرة عليه حتى انه سفرني وبعد ما رجعنا ذلني بالسفر...هيا بالله ايش رايكم وينه عن حديث رفقا بالقوارير فيه عفاشه مفكرني واحد من اصحابه يعاملني هذه المعامله طيب انا ايش ذنبي اذاهو صريح ما يعرف كيف يتعامل مع الانثى اصلا ....جني..دفاشه فيه وغباء يرمي كلام جارح واسكت واطنش ويقولي انا صريح عايدي اتقبلي مني اخواتي مايزعلون مني اذاسويت فيهم كذا طيب اخواته غير وانا غير ياناس انا انسانه ماأحب ان كرامتي تتهان بكلمه جارحه من اي شخص فما بالكم من زوجي اللي هو اقرب الناس لي وبعدين يقولي انتي مريضه بمرض الحساسية الزايدة والله هو المريض وصراحته وجرحه لي بتخرب بيته ما يعرف ان الأنثى ماتحب الرجال اللي يجرحها ويهينها والاسلوب هذيستخدمه مع اصحابه مو مع زوجته .....آآآآآآآآآه تعبت وما ابغى اكمل