ادخلوا وفيدوناا

ســــــ sooomaــــوماا

25-06-2022 - 03:35 pm

السلام عليكم ورحمة الله وبركاته
كيفكن ياحلووات .. ان شاء الله بخيرات
بس توعدوني تتفاعلوون معي
ابي كل وحده مناا تخبرنا كم مرة تنظف بيتهاا
وكيف تقسم وقتها بين زوجها وبيتها واهتمامها بنفسها
انا عني مرة حايسه ومو عارفه كيف اقسم وقتي
ابي انظف بنفس الوقت ابي اجلس مع زوجي والله صرت مررة حايسه يالله فديتكن تفاعلوا فيدوا واستفيدوا

التعليقات (9)

جنى وجوري عيوني

25-06-2022 - 06:21 pm

والله ياقلبي بحكم دراستي الغسيل اخليه يوم الثلاثاء والاربعاء ارجع انام واصحى على طول التنظيف
الثقيل خميس وجمعه ماأكون في البيت وطول الاسبوع الحمد الله ماعندي شغل كثير بس غسيل الصحون تنظيف غرفه الجلوس والحمام الله يكرمك يوم وراء يوم وطبعا انظف قبل مايجي زوجي من دوامه اصلا مستحيل اشتغل وهو في البيت عشان ما يزعل فيعني انتي حاولي تصحي قبل الظهر لو ماعندك شي وتنظفي احس شغل الصباح فيه بركه والوقت يطول وبالتوفيق ياحياتي ^_^

حبيبي أبومشعل

25-06-2022 - 07:22 pm

شوفي حبيبتي انا اصحى عشر اواحدعش طبعن ياسوي فطور يايجب زوجي نفطر ونقعد نسولف لحد الظهر عاد يروح يقابل الاب وانا اصحي العيال ولدي عمره سنتين وبنتي عشر شهور افطرهم وحطهم عند التلفزيون طيور الجنه عاد اروح ارتب غرفتي وطلع الملابس إلي تحتاج غسيل اغسل الحمام وقفل الباب عشان مايدخل شعول يحوس اروح للمطبخ انظفه وقفله واخذ غسيلي وروح اغسله عاد زوجي يضايقه صوت الغساله فيقوم عند العيال يلعبهم يروح بعده ينام إلي بعد العصر عاد في هالوقت اخلص غسيلي وسوي الغدا وستناه يصحا نتغدا عاد عيالي ينامو ساعتين كذا نضامهم عاد اروح اخذ شاور وكشخ وروح الحبيبي بس ماروح ويدي فاضيه اسوي اي شي وروح له عاد حتى لو صحو عيالي اجيبهم عنده بالمجلس ونقعد مع بعض لحد وقت النوم العشاء دايم خفيف او من برا والاربعاء والخميس ماغسل الملابس ولا اكنس ولا امسح إلي أذا بيجيني احد وعاد نسهر للفجر انا وزوجي وقت طويل نقعده مع بعض ادري طولت بس ولله فاضيه وبي اسولف مرسيه على الموضوع

الهائمة بالجنة

25-06-2022 - 08:23 pm

حبيبتي مافي مثل شغل الصباح يظل البيت طوال اليوم نظيف وتحسين إنك مرتاحة ماوراك هم ..
أول مايروح زوجك الدوام نظفي ورتبي وغسلي الملابس ودورات المياه وبعدين ارجعي كملي نومك..
واصحي قبل مايجي بساعه وحجهزي الغداء وخذي شور وحطي قلوس وعطر وخلاص أحلى بيت وأحلى زوجه..

أم المفهين

25-06-2022 - 09:24 pm

بالتوفيق
اللهم صل على نبينا محمد

Ғ š ғ ỏ ơ я i &#

25-06-2022 - 10:25 pm

انا السبت انظف السبت انظف البيت
الاحد اغسل الملابس
الاثنين اغسل الحمامات
الثلاثاء اكوي الملابس
الاربعاء راحه
طبعا اغسل الصحون كل يوم الصباح
وانا انظف كل يوم من الساعه 10 لما 2 و 2 ونص يجي زوجي من الدوام
و طبعا وجبه وحده باليوم والعشاء دايم برا

*دلوعة زوجي*

25-06-2022 - 11:26 pm

انا ادرس ودراستي صعبه وعندي ولد وبنت الله يحفظهم
وعندي شغاله وبتروح بلاجازه والله مو عارفه ايش بسوي اذا راحت مابي وحده ثانيه
بس الدراسه اوف دايم انصح البنات مايتزوجون الابعد مايتخلاجون

فداكـ الروح

26-06-2022 - 12:27 am

كل يوم تنظيف اللبيت كله ماحب يكون وراي شغل كل يوم تنظيف تمسيح كنس كل شي ماحب اراكم الشغل
والحمدلله عندي وقت اهتم فيه لنفسي ولبناتي ولزوجي

النجم الخفي

26-06-2022 - 01:28 am

أنا ولله الحمد حاليا عندي شغالة ..
لكن قبل كنت أنظف البيت من إلى كل ثلاثاء..
والمواعين كل بعد وجبه على طول ماأحب المراكمه..
والملابس كل تغييرين...
وبالنسبه لزوجي نجلس على الغداء والعصر و الوقت الفاضي..
وبالتوفيق للجميع..

حب الرياض

26-06-2022 - 02:29 am

شوفي هو يعتمد على مساحة البيت..وعدد الاطفال وشغل الزوج ووجودة ...
بالنسبة لي انا شقة وعندي ولد على وشك يكمل 3 سنين ..وبيتي مو سراميك ..
انا اكنس البيت مرتين بالاسبوع وغسيل الصحون بوقتها المطبخ كل اسبوع والغسيل مرة في الاسبوع كمان والحمام وانتي بكرامة كل مادخلته شطفته .. ..وانا زوجي غالبا برا البيت فعندي الوقت اللي اتكشخ فيه

الى كل زوجة ثانية احذري←
مشكلتي مع ام زوجي→