ادعولي بتفريج هم شعري

انا حقولك قصتي
انا كان شعري سايح والحمدالله
لكن للأسف مره سافرت بلده وانا سادس ابتدائي ومعروف عن دي البلده انها جاافه واغلب شعورهم حاافه ومقصفه ومنفوشه
وانا ماعمري رحتها غير هذه المره اول مره في حيااتي وتوبه
المهم كنا نعرف فيها نااس كتير وكلوهم يعجبهم شعري ويقولو زي الاعلانات>>> ماشاء الله ما يقولها اعتقد
المهم ولمن رجعت شعري شويا شويا ينعدم بدا من تحت الين فوق دحي
صار ناشف وكلهم يقوولو لي بااين انو الشعر مو طبيعي كانو محروق بلاوي العين الله يكفيني ويكفيكم شرها
وللعلم انا نادر ما استخدم الاستشوار>>> بس في المناسبات الكبيره
وباقي المناسباات جل رغوه او احيانا بديل الزيت
مافي ولا وصفه استخدمتها ونفعت
جلست فتره اقرا عليه واستخدمت مويه مقريه وزيت مقري>>> انا قريت عليه
ولا فاد شي غير بنسبه ضئيله
من الخلطات اللي استخدمتها>>>اللي فاكرتها
زيت زيتون مع فلفل رومي
ما ينوز وزيت زيتون وزيت سمسم
عسل وبيض
مويا البصل والتثوم مع الحنا
مويا البصل والثوم مع السدر وزيت سمسم
زيت اللو الحلو
وقد استخدمت الحلبه والموز بس ما ني فااكره الخلطه ايش
دي الاشياء الطبيعيه
اما الاشياء الصناعيه
فاشكول وفاتيكا >>> عدمو شعري بزياده دولا الاتنين بعدين واحد اديتو صحبتي لانو ناسبها والتاني اديتو الشغاله قالت تبغاها
لدرجه احيانا ما احب اطالع في المرايا عشان شعري
واحيانا والله اطالع فيه وما القى نفسي الا وانا امسح دمووعي من الحاله اللي انا فيها
انا اعرف انو الشكوى لغير الله مذله
والله اني انا ادعي ربي بس احيانا والله استحي ادعي اقول اكيد فيلو خير دا الشي
انا دحين قرب زواجي>>> الله يرزق كل البنا الازواج الصالحين عاجل غير اجل ويسخر الازواج لزوجاتهم
والله ماني عارفه ايش اسوي
غير انكم تدلوني ع وصفه مضمونه
رجا ما ابغى وحده تحط ليا زيت للبيع او خلطه للبيع
اللي تبغا تحط ليا شي تحتسب الاجر ع الله وما في احسن من التجاره مع الله
واللي مرره ميته عشان تحط ليا منتجاتها تدعي ليا وبس وجزاها الله خير
ادري طولت عليكم بس والله اني محتاجه دعواتكم كلكم

• *انا اقولكم ليش ما ابغى منتجات للبيع

لان اكتشفت مره انو وحده حاطه منتج حقها وجابت بنات العيله وصحباته وصحباتهم يمدحو فيه وهذه بحد ذاتها مصيبه لانها من غير ذمه و امانه
وبعدين بدل ما تكتبو للرفع او up
اكتبو دعوه عشان ايو واحد يقراها تاخذي اجرها ان شاء الله
ومشكورين