ادعولي تكفون

1. السلام عليكم ورحمة الله وبركاته

السلام عليكم ورحمة الله وبركاته

كيف حالكم يافراشات؟ انا عضوه جديده في هاذا المنتدى الاكثر من رائع وهاذي اول مشاركه لي فاليت ماتردوني وكل اللي اطلبه منكم انكم تعون لي بالذريه الصالحه وتنصحوني
انا متزوجه من سنه و3 اشهر وفي بداية الزواج زوجي ماكان حاب اني احمل الا بعد سنه من الزواج فوافقت ويوم كملت 7 شهور من زواجي بديت اشتاق للاطفال واتمنى ربي يرزقني الحمل لاني احب الاطفال موت وقلت لزوجي فكان يرفض يقول احنا انتفقنا سنه ويوم كملنا 10 شهورماصبرنا وتركت المانع للعلم انا استخدم مانع طبيعي والحين لي خمسه شهور ماحملت من تركت المانع ولا حتى كشفت لا انا ولازوجي
وانا بصراحه ودي اكشف بس ماادري كيف افاتح زوجي بان احنا نروح نكشف لانه ماجاب للكشف سيره والحين هودايم اذا قرب موعد الدوره يقولي ان شاء الله ماتجيك ويبغاني احمل وانا بصراحه مره طفشانه واحيانا ابكي من ضيقة الصدر لان كل اللي تزوجوا بعد ماشاء الله اللي حامل واللي عندها بيبي وكلان الناس واسالتهم تضاليقني
بسالكم يابنات من اللي تاخرت بالحمل وبعدها ربي رزقها ؟
وش الاشياء اللي استفادتها من تاخير حملها ؟
كيف افاتح زوجي ان نروح نكشف وانا الحمد لله دورتي متنظمه؟
ومدتي تاخيره تشوفونها قصيره ولا لا؟
اتمنى اجد الجواب الكافي على اسئلتي والنصائح الكافيه
واسال الله العظيم رب العرش االكريم ان يرزقني واياكم الذرية الصالحه انه سميع الدعاء
واعتذر جدا على الاطاله لاني كتبت قصة حياتي
بس والله مالي الا الله ثم انتم
فياليت ماتردوني
وتمنياتي لكم بالتوفيق