ادي الخبز لخبازة

طبختنا اليوم خاصة لرمضان البف العجينة خمسة ونص كاسة طحين ابيض = نص كاسة طحين اسمر=2بيض=بيالة زيت =ملعقة صغيرة ملح =ملعقة صغيرة سكر=الموية حسب العجن وخوذي بالك طريقة العجن مهمة لانتفاخ العجينة ضعي المكونات الجافة مع بعض ثم انخليها ثم اضربي البيض ضربا مبرحا حتى يعترف اقصد ينتفخ اضيفية للطحين ثم صبي فوقة الزيت حبة حبة تصبي وتعجني تصبي وتعجني حتى تنتفخ يدك بس لاتدعين علي هاه ماعلينا خلاص خلصنا الزيت اذا مو محتاج موية وشفتية متماسك وناعم خير وبركة واذا لسة محتاج اديلو نقطة موية بس لاتكتري لحفي العجينة وخليها ترتاح شوية بعد الضرب البطالي الي كلتو من يدك الحلوة وفي هذة الاثناء اعدي الحشوة اللي هي لحم مفروم وكزبرة ناشفة وفلفل اسود وبقدونس وشوية ملح وشوية زيت وممكن تلقي بيضة وتخليهافي الاخر تضيفيها مع الحشوة تبلي الحشوة على النار ولمى تجهز طفي النار واضيفي البيض الحشوة التانية حطي جبن وزعتر والتالتة حطي خضار مقطعة ناعم ومطبوخة تكون العجينة ارتا احت وهديت ابدي احشيها يعني افرديها ووزعي الحشوة بالتساوي وقصصيها نص دايرة وضفريها على جوى سخني الزيت وابدي عملية القلي وانتبهي على صوابيعك هاه موتقولي مقلتلك راععي وانتي بتقلي يكون الزيت حار وبعدينا وانتي بتقلي يكون في يدك مغرفة غير الملعقة المنخل اللي حتشيلي فيها هادي غير هادي المهم ايشتسوي بالمغرفة اللي بيدك ايوة تشيلي من الزيت الحار وتصبي على البف علشان ينتفخ مهمة النقطة هادى خودي بالك منها ايشبك مكشرة الهرجة ماعجبتك ولا اية وبالصحة والعافية على قلبك حبيبتى وادعيلي رب يرزقني بزورة