اذا تهاوشتي مع زوجك وش تسوين تعالي اقولك

1. مراحب فراشات

مراحب فراشات

يوجد نقاط مهمة عند حدوث خلاف بينك وبين زوجك لازم تراعينها لو إنك في تمام غضبك منه :

• إدعي ربك دعوتين الأولى (إن ربي يهدي سركم) والثانية (إن يبعد عنكم دروب الشيطان الخسيس) .
• ماتتطاولين عليه باللسان وترفعين الصوت أبد أبد أبد هذي مو مقبولة نهائي ولا فيه زوج يرضاها

ولو فكرنا على روقان وحطينا مكانا بمكان الزوج مع إخت أو أخو المهم أحد أصغر منك لكن عقليته كبيرة مو صغير
وإختلفتي معه وتهاوشتي ورفع صوته عليك والله ماتتقبلينها كيف زوجك ؟ وحتى لو زوجك بنفس عمرك .

• السكوت حل جدا جدا فعال وإذا كان الوضع صعب والزوج بقوة معصب ممكن تروحين عن وجهه هذا إذا هالأمر

يزيد من عصبيته .

• تأكدي إن المناقشة معه وهو غاضب ماترجع لك بأي فائدة لأن هاللحظة أهم شي عنده نفسه بيتكلم

عن اللي يبيه واللي يرضيه واللي معصبه منك و و و . . فلما يهدى ويمر وقت عالمشكلة تكلمي معه وبهدوء .

• الإحترام والله ياإخواتي أنو أهم من الحب ب 1000 مرة إذا راح الإحترام فعلى حياتك السلام

حاولي تحافظين على النقطة حيل .

• تنازلي ولا تعاندين وتركبين راسك وتقولين لازم أنتصر عليه و و و . . . لعلمك الرجال أطول مني ومنك نفس إنا

نتعب وهم مايتعبون .

• حاولي إنك ماتبكين لأن كثرة البكاء تطفشهم ، بدل مايرحمك ويهدى يزيد ويغتاض منك ويتنرفز من

دموعك ممكن مو كل الرجال سوا بس الغالب مايحب بكاء الزوجات .

• إذا إشتد الوطيس وقال لك إطلعي روحي بيت أهلك ومن هذا الكلام فلا تستجيبين ولا تطلعين من بيتك ولا خذي نصيحتي لا تسويها

تفكرين بالكرامة والعزة لأن مابين الزوجين كرامة وصدقيني لزوم البيت رغم الخلافات راح يزيد من غلاك عنده على
مر السنين ولاتنسين إن الله الرحمن مايضيع عليه شي وبيكون لك مردود من صبرك على أذية زوجك لك . . ولو
فرضا طلعتي فاتأكدي أنو راح يخسر لكن خسارتك أكبر .

• لاتكثرين الشكوى للمقربين منك لأن قد يكون هالشي سبب في زيادة ألمك إلا بالعكس حافظي على سرك

ولما تتراضين مع زوجك انتم بالتأكيد بتنسون لكن هم لا بيظل راسخ بذهنهم هالشي وبيحاتون ويفكرون ويخافون من
تكرار المشاكل خاصة لو كنتي عزيزة عليهم .

• لاتتضايقين وتزعلين بقوة لما تتهاوشين معه لأن المشكلة بالآخر بتنحل قوي نفسك مثله وتعلمي من المشاكل

دروس تستفيدين منها بأيامك المستقبلية مع زوجك .
وممكن يكون فيه نقاط كثيرة أنا ماقلتها لكن حبيت أوصل البسيط منها ومن تجربة والله لأن صارت الأنفس ثقيلة والدنيا
مو زي أول تغيرت وغيرتنا حتى بالحياة الزوجية
منقول للفائده