اذا غسلتي شعرك وكنتي مستعجله ومالقيتي وقت للاستشوار تعالي

اهلين وسهلين
اليوم جبت لكم طريقة للشعر جربوها واعطوني النتايج
اذا خلصتي تروشتي ,, وجيتي تنشفين جسمك بالمنشفه ,, مالك الا انك تنزلين راسك على تحت ,,
وتقلبين شعرك ,, بالمنشفه نشفيه وانتي منزله راسك ,, منغير ماتمشطينه ولا شي ,, بس اقلبيه
وحركي بالمنشفه ,, بعدين وخري المنشفه وانتي منزله راسك ,, واجمعي شعرك بشكل عشوائي ,,
بحيث يصير كله متجمع عند اعلى الجبهه وحطي شباصه ,,
الحين تقدرين تدهنين جسمك وتلبسين وتتعطرين وتتمكيجين .. بعد ماتخلصين فكي الشباصه
يكون شعرك رطب شوي ,, حركييه بأصابعك بشكل عشوائي مع نفش ....... هنا اذا كان شعرك ناعم خلاص انتهت العمليه تقدرين تطلعين وهو كذا ,, يعطيك منظر طبيعي رائع
اما اذا كان شعرك جاف تقدرين تحطين اي كريم مرطب ,, اذا جيتي تحركين باصابعك بشكل عشوائي تحطين الكريم ..
اما اذا كانت عندك من قدام قصه قصيره مره ؟؟
تقدرين انك تستشورينها بس هي لحالها والباقي تخلينه مموج ,,,
للمعلوميه ,, ترا هذي الحركه تخلي الشعر يتنفس من الجذور وتوخر القشره ,,
لانك لمن تقلبينه ,, كل الجذور تكون بالشكل المعكوس وبالتالي تخلي اللي تحت الشعر والجذر يتنفس ..
أن شاللة تستفيدون منها وامتكون مكررة