اراء ترفع الضغط ولاتنقلون موضوعي

1. المهم انا بكتب قناعاتي


2. والاختلاف في الاراء لا يفسد للود قضيه


3. وهذا كله بفضل الله اولا واخرا

السلام عليكم ورحمة الله وبركاته
في موضوع شاغلني من فتره واليوم بس قررت اكتب عنه عشان نشوف انتم معي او لا

المهم انا بكتب قناعاتي

والاختلاف في الاراء لا يفسد للود قضيه

كل ما جات وحده تشكي من زوجها انه يشوف مقاطع يوتيوب او رقص او مناظر خليعه او صور او اكتشفت زوجها المصون يكلم بنات على النت او تجي وحده وتشتكي انها مكتشفه عند زوجها جوال ثاني ويكلم في بنات وفيه ارقام اكثر من بنت او او او .................الخ
وللاسف القائمه تطول نجي الان للشي اللي يرفع الضغط تجي وحده من العضوات المحنكات المبدعات وبكل ثقه ترد اول رد وتقول
اياني واياك تواجهينه او تلمحين له انك عرفتي لا من قريب ولا من بعيد ولاتواجهينه ابد ابد :والمسكينه صاحبه الشكوى بتكون زي اللي بالع الموس لايقدر يبلعه كله ولا يقدر يطلعه
والله يابنات غلط اجل اتفرج فيه يغلط الى متى وانا ساكته
وللاسف الكلام اللي زي السم والوحده مسويه نفسها دكتوره في الحياه الزوجيه وهي دكتوره في الخراط والفلسفه الفاضيه
تجي تقول اكيد انتي ماترقصين له واكيد انتي ماتكشخين له واكيد انتي مقصره معه واكيد انتي ماتتدلعين له واكيد واكيد واكيد
طيب على اي اساس هالشكوك كلها وبدل ماتساعدون بالعكس تكبون زيت عالنار بها الاراء
الغبيه والشكوك اللي مالها اي صحه ومجرد تخمينات
والحل كله سهل باذن الله اولا لابد من المواجهه بلطف وثقه بنفس الوقت
واخذ موقف وازعلي عليه كم يوم بس بدون تقصير في واجباته
وذكريه بالله وبيني له ان هالشي يعتبر خيانه وزنا نظر وان اليد والعين ستشهد عليك يوم القيامه
ودعيه يحمد الله على انه لم يختم له بذلك واعطاه طوله العمر ليفكر و يكفر عن اللي سواه
وكله كوم اذا جابت الوحده طاري الاستاذه الناعمه؟؟؟؟؟ اكيد عرفتوها واستشهدوا بقصصها وانها استطاعت ان تجعل زوج فلانه يتخلى عن عشيقته ويرجع لزوجته ههه

وهذا كله بفضل الله اولا واخرا

ملاحظه:انا شخصيا لا اؤمن بما تكتبه الاستاذه الناعمه من قصص وامور كتصنيف الانماط والشخصيات للرجل من شمالي وشرقي و
المهم عزيزتي صاحبه الراي قبل لا تكتبي مشاركتك فكري في كل كلمه كتبتيها باي حق تحكمي على حياة الوحده بالفشل اذا ما صارحت زوجها وتقولي لها ستندمين اذا واجهتيه وراح يسويها علني قدامك ولا راح يفكر في زعلك بعد كذا ليه ياسبحان الله هل جربتي وخالطتي كل الازواج والرجال اكيد لا اذن من اين لكي هذا
اذا انتي ابتليت بشخص لعوب لا يقدر فهناك الف غيره يقدر ويحترم زوجته وان زل عاد واعتذر وندم
اخيرا هذا شي قاهرني من زمان وحبيت تشاركوني ان اصبت فما توفيقي الا بالله وان اخطات فمن نفسي والشيطان