ازاى تعرفي نفسك انك عنستي

1. موضوع ظريف جاني علي الاميل قلت انقله لكم خلينا نضحك على انفسنا شوي

موضوع ظريف جاني علي الاميل قلت انقله لكم خلينا نضحك على انفسنا شوي

يعنى إيه عانس؟ وإمتى الواحدة تاخد اللقب وتبقى ال(مودموذيل) عانس؟ وهل العانس دي لفظ يتقال على البنت بس ولا على الولد كمان؟!، يعني من الآخر كله عايز يتطمن على نفسه ويشوف هو عنس ولا في طريقة للعنس .. ماهو واضح إنه كتير قوي هياخدو اللقب قريب.. بس اللي حضرتك متعرفوش إن وراء كل عانس عانسة بتدور عليه .. ووراء كل عانسة عانس ناقص يبوس رجل اللي خلفوها..
إمتى بيتقال عليك عانس أو تحس إن المشكلة بدأت:
1 لما تلاقي صحباتك اللي في سنك عندهم محمد، أو أحمد، أو باسم، أو تامر، أو مايكل، ربنا يخلي، وانتي بتروحي تباركي في السبوع وأعياد الميلاد .. بطولك.
2 لما تلاقي جارتك عماله تتكلم مع أم حمادة جارتكم .. برضه وانتي سامعاها كويس .. وبتقولها البت زي الفل والله مش عارفة يا ختي حظها وحش ليه.
3 لما البنات اللي في شارعكم واللي أصغر منك يكونوا ضاربين دبلة شمال، أو حتى دبلة يمين، وانتي لسة بتجيبي اكسسوارات فالصوا من محلات دندشة بتاعة 2 ونص.
4 لما تلاقي كل اللي حواليك بيسألوك .. ها مفيش أخبار حلوة .. مش هنفرح بيكي .. أو بيك قريب.
5 لما تحسي إنك وصلتي لمرحلة إن أي واحد هيعدي من قدام باب بيتكم احتمال يشوفك ويدخل يخلص في البيعة.
6 لما تبدأي تدوري على مجتمعات جديدة تدخليها .. يعني تشتركي في نادى شباب امبابة .. مركز البولينج بتاع بولاق الدكرور على أمل أن يكون في (دكر) سينجل .. راخر منتظر فرصة سعيدة أو تعيسة زيك.
7 لما تبقى الاختيارات اللي قدامك كلها يا إما واحد مطلق، يا إما أرمل، يا إما واحد بيئة وأقل منك في التعليم .. وجاي يتأمر على اللي خلفوا أهلك.
8 لما تجاوبي على كل اللي بيسألوكي بالجملة المشهورة .. لسه ملقتش ابن الحلال المناسب.
9 لما تحسي إنه مفيش مانع أن تتجوزي واحد متجوز طالما هيريحك.
0لما مامتك تقعد في اي فرح تنادي على الولاد وتقولهم .. طارق متيجي تسلم على بنت خالتك، أو .. محمد شايف مروة احلوت إزاي .. وطبعا مروة اللي هو إنتي .. بتبقى ضاربة الحته الشفتشي وحاطة الروج المشمشي.
1لما تصبري نفسك وانتي شايفة إن كل اللي متجوزين مش مرتاحين، وانتي سينجل، وعايشة حياتك ومستقبلك المهني زي الفل، ومحدش بيتحكم في حياتك.
.. لو حسيتي بكل الأعراض دي .. يبقى ألف مبروك إنتي أخدتي اللقب!.