اساس كريولان و بودرة ماك

اسمحيلي افيدج من خبرتي ومن اللى اعرفه
دام بشرتج دهنيه تقدرين تستخدمين نوعين من الكريم الاساس
تقدرين تستخدمين الكومباكت فاندويشن وهو عباره عن الكريم الاساس المضغوط وهذا يصلح للبشره الدهنيه ويوجد منه في كاريولاين وماك وفور ايفر وغيرها من الماركات يستخدم للاستعمال اليومي
بس ليش نقول ماكره كاريولاين لانها من الماركات البروفيشنال
وتقدرين تستخدمين الاكوا كلار من كاريولاين وهذا للبشره الدهنيه او المختلطه بس هذا تغطيته كبيره يعني ثجيل حلو استخدامه بالمناسبات وطريقته انج تبللين فرشاه الفاندويشن بالماي وبعدها تاخذين لج من الاكوا كلار وتوزعينه على كامل الويه وبعدها بالاسفنجه تقومين تثبتين الفاندويشن بالطبطبه وبعدها بالمسح عشان تشيليل الزياده وبالتالي ما تشوفين مع الوقت تكتل بالكريم الاساس مثل ما تشوفين في كثير من الاسئله الشائعه
ولفتره الصباح في كريم اساس اسمه تن تد فانوديشن من ماركه كاريولاين لجميع انواع البشره هذا حلو لفتره الصباح لانه فيه ترتيط وفيه فيتامينات تقيج من اشعه الشمس وهذا لو حطيتيه وهو ذو تغطيه خفيفه ويصلح للبشره الصغيره في العمر اللى هم مثلا اللى اعمارهم 15 الى 18 او 19 ويبغون يحطون مكياج فما يعطيهم عمر اكبر من عمرهم ويصلح للاستعمال الشخصي وهذا من ماركه كاريولاين
وعندج اللكود فاندويشن اللى هو كريم الاساس السائل بتشوفين مكتوب عليه لكود فاندويشن وليس كريم فاندويشن الكريم الاساس السائل يصلح لنوع بشرتج ويصلح للاستعمال اليومي مثل المضغوط او التن تد
بالنسبه لدرجه اللون تختلف الدرجات بس على حسب وصفج للون البشره
عندج درجات NB او CARAMEL او NATURAL وهي كلها تجي بدرجات مرقمه على حسب لون البشره تقدرين اطلعين الدرجه اللى تناسبج اكثر
وفي نوع السيلكي فاندويشن SILKY FOUNDTION
وهذا يخلي بشرتج ناعمه بملمس مثل الحرير وحلو للصباح
هذا بالنسبه لسؤالج الاول
بالنسبه لسؤالج الثاني هيه لازم تحطين كريم مرطب قبل الكريم الاساس لسببين
اول شي تسوي لج ترتيط لبشرتج والشي الثاني عشان تكون مثل جدار حمايه للبشره
وبما ان بشرتج دهنيه عندج الفيس بيس ويوجد منه الوان انتي يصلح لج اللون الاخضر لانه خاص بالبشره الدهنيه وموجود عن اغلب الماركات ومنهم عندهم بيس واجد بلون واحد
عند كاريولاين تحصلينه والحلو فيه انه طبي وما يسبب الحساسيه
وعندج الكريم المرطب في بدي شوب بالصبار وخاص لجميع انواع البشره وخاصه الحساسيه
انا للاستعمال اليومي استخدم اللى من بادي شوب واللى حق المناسبات والعزايم وغيرها استخدم اللى من كاريولاين
اتمنى اكون افدتج واي شي تامرين به ما يردج الا لسانج

مشكوره اختي محتاجه لها عالمعلومات المفيدة ويا ليت تحطين لنا اي خبرات عندج عشان نستفيد تسلمين وما قصرتي

محتاجه لها تسلمين على هالخبراات..
استفدت حيل منها"
وصاحبة الموضوع بالتوفيق يارب

روحكم الاسلم يارب
وان شاء الله صاحبه الموضوع هم استفادت منه

اختي محتاجه له ألف شكر لك ياقلبي انتي افدتي الجميع مو بس صاحبه الموضوع ياقلبي الله يوفقك وينولك اللي في بالك ويجزيك ربي ألف خير

اختي محتاجه له مشكوره افدتي الجميع الله يوفقك ويجزيك ألف خير .

مشكورة اختي محتاجة له ما قصرتي معاي
يعني برايج آخذ كريم اساس سائل من كريولان NB بس بسالج هذا خفيف و لا ثقيل و هل تغطية قوية لمشاكل البشرة
و ياليت تعطيني خبرتج بالنسبة لبودرة ماك شلون اهي بالتغطية مناسبة و لا لأ
و ياليت لو تعطيني تقريبا بجم الاسعار بالاسواق تقريبا بالنسبة للكريم المرطب و الاساس السال و البودرة
و جزاج الله الف خير

يسلموو محتاجة له افدتينا وايج
دلوعة غرامه انا بالنسبة لي للبشرة الدهنية احسن شي المرطب السائل افضل من الكريم لانه اخف و تمتصه البشرة اسرع و مايدهن الويه >> انا استخدم اولاي للاستعمال اليومي
و مثل ماقالت لج البشرة الدهنية يناسبها كيك فاونديشن يعني بودرة موب سائل>> و اذا سائل تاكدي انه اويل فري