استخدامات اخرى لفرشاة الاسنان

السلام عليكم
وشولونكم و اخباركم و علومكم مع المطبخ و حوسته
يوه ياشين تنظيفه و كثر مواعينه
جايتكم بالزبده
= 1 =
إذا تبين مصفاة تلق لق كنه جديده فما عليك الا انك تجيبين فرشة الاسنان و تدخلينها في كل مكان فيها ما راح تطولين لا تخافين
و بعد كذا اغسليها بالسفنجه عادي و شوفي وش تصير
= 2 =
إذا بتنظفين المجلى من داخل
الفرشاة احسن من اسفنجه او فوطه او اي شيء حطي عليها شوي صابون و نضفي حتى تقدرين توصلين لمناطق نا توصلينها بالاسفنجه
= 3 =
لما تفكين الخلاط (( الكاس )) لا تفكرين بغير الفرشاة نظافه % و برضه للقاعده (( الجهاز نفسه )) خصوصا إذا خلاطك يسرب (( الله بالخير يعني ) توصل لكل جخر فيه
= 4 =
و العاب طفلك العضاضات و غيره خصصي لها فرشاة اسنان خاصه من جد فرق كبير لما استخدم فرشة الاسنان عن غيرها طبعا مع الصابون
= 5 =
شعلة البوتوقاز المسكره افتحيها بالفرشاة ما تبي لك شيء نظافه فوريه
= 6 =
خ تدرون اني انظف سماعة التلفون و برضه الارقام و الريموت بالفرشاة يا حبي لها كل شيء تسويه
= 7 =
الشامواه جربي تنظفينه برشاة الاسنان و الله يبتل كنه جديد بس انتبهي يجي احد يستخدم ها الفرشه
= 8 =
الملابس إذا جتها بقعه لها وزنها اقشعيها بالفرشاة تحت المويه على طول تطلع
= 9 =
إذا انسد الدش حق الحمام او اي حنفيه ثانيه طبعا من الاملاح جيبي الفرشه و تشيلها لك على طول بس لا تصير يابسه حييل
I :0151 it