استخدامات ماتتوقعونها لملمع الزجاج

من خلال تجربتي الشخصية اكتشفت أن هناك استخدامات كثيرة لملمع الزجاج و حبيت إنكم تستفيدون منها و تعطوني رأيكم بعد التجربة و هي :
1= طبعا و ظيفته الأساسية وهي تلميع الزجاج و المرايا.
2= تلميع الأثاث كالطاولات و المكتبات و التلفزيزن الكمبيوتر و الدواليب .
3= تنظيف التسريحة اللي عليها العطور المغبرة و المكياج والكريمات وغيره.
4= استخداماته في المطبخ كثيرة تلميع سطح الرخام و تلميع الثلاجة من الداخل و الخارج + الفرن + الغسالة ….
5= طريقته العجيبة و الرهيبة في تنظيف بقع السجاد يعني بخي من الملمع شوي على البقعة و افركيها بفرشاة السجاد ترجع كانها جديدة انا شخصيا ابخ كل السجادة من فترة لفترة و افركها كلها بالفرشاة و اشغل عليها المروحة عشان تنشف بدل ما اوديها المغسلة خاصة اذا كانت البقع بسيطة و مو صعبة .
6= يزيل الروائح من الكنب او السجاد مثلا ريحة حليب الأطفال و ريحة استفراغ الاطفال ( تكرمون) و لما يتعلموا يروحو الحمام ( فاهمين قصدي ) تروح الريحة بخي و افركي بمنشفة نظيفة و مو باسفنجة المطبخ لانه راح يختلط الحابل بالنابل وراح تروح الريحة بس لا زم تاخذين ملمع ريحته قوية شوي و نوعية جيدة.
7= تلميع الاحذية ( تكرمون) احذية الكبار و خاصة الصغار اللي مليانه طين ووسخ تبخين شوي على الحذاء و تمسحين بمنديل او منشفة راح تشوفين النتيجة مذهلة.
8= استخدامات اخرى كثيرة و متنوعة مثل تنظيف الأبواب + اللوحات + التلفونات+ الابجورات و الثريات+ اشجار الزينة + التحف + الجدران + بقع السراميك اليومية .
Oo ملاحظة oO
حاولي دايما ان يكون في متناول يدك عشان لا تتكاسلي في التنظيف على رف عالي في المطبخ بحيث يكون في نفس الوقت بعيد عن الأطفال لانكم تعرفون اثره الخطير .
اتمنى الموضوع يفيدكم وسلامتكم
منقول