استخدمتي دواء للنفاس وصرتي بعدها شي ادخلي علميني قريب بولد

اولا الله يسهل لك الطلق والولادة
وثانيا ماعندي فكرة يالغالية لان ولاداتي قيصري يعني ماتتضرر المنطقة من تحت
واحب انصحك ان اللي ينفع غيرك قد ما ينفع لك
يعني مرة دخلت ع موضوع لنظام فيافي
لقيت بعضهم استخدموه ومدحوا في الردود والبعض قالوا ما افادهم
وما دام انتي بولادتك الثانية يعني صار عندك خبرة ايش اللي نفع معاكي وايش اللي مازبط حاله وما افادك
استخدمي نفس اللي استخدمتيه من قبل
والله يعينك

انا مره استخدمت نظام فيافي وحسيت صراحه بتغيير حتى زوجي لاحظ بس اللي مخليني متردده منه عشان هالخلط والطحن والحوسه شغله ابي اشتري من وحده جاهز ومضمون ومجرب وبعدين يالغلا المشكله مو بس في اللي تحت الأرحام يبيلها عنايه من الخراب يكفي كان فبطنك فيه ادمي انتبهي خذي لهوم والتمره

هلا يااختي
الله يقومك بالسلامه
بصراحه انا وخواتي امي تسوي لنا الدوا
ومضمون جدا وغير كذا امن
اذا تبين ارسلك كل الدويات يعني طريقتها من عيوني
وانتي تصلحينها بالبيت واعلمك كل النظام اللي نمشي عليه
وفيه دوا نجيبه من الكويت تسويه عمتي لكن هذا الدوا للي فيها خراب
ومتاز جدا ومضمون بس مايبين بسرعه اذا كان الخراب من زمان يعني حسب الحاله
وحده عالجتها عمتي سبع شهور وماشاء الله تشافت لان الخراب ماينفع اهماله يزود الحاله
وبس

طيب اختي حرم عبدالله ارسليه لي الله يوفقك

في قسم الحمل والولآده يمكن يفيدوك هنآك أكثر حبيبتي ..
إحترآمي ..

بيفيدونك البنات... انا قيصري

هلا اختي الله يقومك بالسلامة
بصراحة أنا ما أؤيد الأشياء اللي تشترينها مخلطة
يا حرمة خالطتها يا مخلوطة عند العطار
نصيحة لك من أخت دارسة وفاهمة لا تاخذين اعشاب مخلطة وذلك لعدة اسباب :
1: تدرين الأعشاب أيام يكون مختلط فيها حصى وأيام الله يعزك يختلط فيه براز الفئران ومع الخلط ماراح تقدرين تميزين
2: انتي عارفة انه انه فيه أنواع من الأعشاب الأفضل انها تؤخذ لوحدها وبكميات قليلة جدا
3 : وهو الأهم الحبة السوداء ( حبة البركة ) تكون مخلوطة مع الأعشاب والأغلبية يقومون بطحنها وهذا الشيء يجعل الحبة السوداء سامة ، سبحان الله الحبة السوداء تؤخذ بدون طحن
4 : يتم خلط الأعشاب بنسب عشوائية وهي عبارة عن ادوية فإذا اكثرتي من استخدامها قد يضر هذا بالكلى لديك
حبيبتي اللي بغيت أوصله لك انه لا تاخذين اعشاب مخلطة من احد
لكن خوذي لك الأعشاب انتي بالبيت لأن بعضها ضروري جدا
الأعشاب ضرورية لكن المشكلة الجهل فيها
يعني خوذي لك شوي كمون كمية قليلة منه لأن الكمون سبحان الله لديه القدرة على طرد الغازات ( وانتي ما شاء الله فاتحة رجولك وقت الولادة والهوداء داخل طالع )
خوذي لك شوي جدا حبة سوداء وتأكدي من نظافتها
خوذي لك دارسين ( قرفة) الأفضل شرب القرفة بموية حارة افضل من لهمها
خوذي لك يانسون
بالنسبة للمرة ياعمري اول ما تولدين اشطفي جرحك فيها مع الملح
وبعدين لا تتشطفين فيها كل يوم
صيري اذا تبين خوذي الفوطة الصحية الله يعزك وحطي عليها نقطة من المرة بعدين البيسيها لكن لا تحطين المرة عالجرح ببداية نفاسك عشان ما ينشف بسرعه
بعد ثلاثة اسابيع تشطفي بالمرة عشان يبدا يشد الجرح زين ( المرةةة تشد بقوه )
الملح ممتاز جدا وهو معقم رائع خصوصا ان المنطقة معرضة للبكتريا
اذا بتشربين من منقوع المرة شوي تأكدي انك ما تاكلين مضاد حيوي ( لأن المرة عبارة عن مضاد فتقوم بابطال المضاد الحيوي اللي تاخذينه)
خوذ لك المرة اذا بتشربينها ملعقة كبيرة وحدة 3 مرات في اليوم ( هي مضاد قوي ومفيد فلا تاخذينها بكميات كبيرة )
الأشياء اللي تجيك مخلطة من الحريم يطحنون معها مرة كثير وممكن تكوني تاخذي مضاد وهذا الشيء ما يصير
الحلبة ممتازة لو مدة الاسبوع الأول تقوي الظهر بعد الطلق
العدس والماش ( الماش مهم جدا ) جيدين جدا فهم يساعدون على سرعة التئام الجرح الداخلي والخارجي
تبين أعشاب مخلطة انتي اخلطيهم بالبيت نصيحة لا تاخذيهم من احد
خوذي لك على الريق دائما ملعقة عسل وكأسين ماء دافىء
الرطب ممتاز جدا ، يؤخذ من الرطب بقدر قبضة يدك يوميا
الزنجبيل من الأعشاب المهمه ويؤخذ بالأسابيع الأولى ثم يتم ايقافه بعد ثلاث اسابيع تقريبا
أو يتم التخفيف منه جدا بالاسبوعين الأخيرة
بالسبوعين الأخيرة ابدئي بأخذ الرشاد بكمية قليلة
بإمكانك أخذ تمرة وعجنها مع حبات الرشاد حتى يسهل بلعه
تقريبا جميع أنواع الخضار والفواكه مسموحة لك بإستثناء التي تحتوي على مواد لزجه مثل الباميا والملوخية والشمام
...............................................
أما بالنسبة للي تقول منكم انها والدة قيصري والقيصري ما يأثر فأنا أحب اصحح لها المعلومة
بأنه ممكن الوحدة بعد القيصري قد تحتاج لرعاية اكثر من الطبيعي
صحيح ما فيه راس شقك من تحت لكن لا تنسين انه رحمك طلع برا جسمك وتم فتحه وفتح طبقات من البطن مما يستدعي دخول كمية من الهواء إلى داخل الأرحام وقت العملية
أتمنى اللي ما شافت الولادة القيصري تفتح عاليوتيوب وتكتب ولادة قيصري وتتفرج
سبحان الله رحمك ينفتح من فوق ويدخله هواء
يتم تنظيف الرحم من الدم بعد العملية لهالسبب اللي تولد قيصري تطهر بدري قبل اللي والدة طبيعي لكن لا تعتقد انه رحمها نفس أول قبل تحمل
رحمك انفتح ودخله هواء ،، صحيح ما انفتح من تحت لكن انفتح من فوق
يعني لو ما اهتميتي بنفسك بتلاحظين وقت الجماع أصوات تطلع من رحمك تسبب لك احراج
حتى اللي والدة قيصري تحتاج لعناية
انتوا لا تعتقدون ان العناية لسبب انه يرجع شكل من تحت مرتب
لا العناية لأجل انه رحمك يرجع نفس أول زين والهدف اخراج الغازات والتخلص من الافرازات
ايوه الجلسة الصحيحة مهمه
يعني لا تجلس الوحدة فاتحة رجولها والا متربعه
وحلو ان الوحدة تربط نفسها بجلال والا شي تشد بطنها لجو وتربط فخوذها ( الشغالات الاندونيسيات يعرفون يربطون )
ابتعدي عن شرب البارد
والمشي وقت النفاس شيء مهم جدا مع شفط البطن وقت المشي لتفادي شر الجلطة
والزنجبيل يحتوي على مادة مسيلة للدم لذلك ينصح بشربه بالاسابيع الأولى لتفادي شر الجلطة ، ولا يسمح بشرب الزنجبيل للتي تتناول أدوية مسيلة للدم
ابتعدي عن الشحوم
كولي البر ، والأكلات البر أفود لك من الأشياء البيضاء
ادري طولت عليك لكن حبيت افيدك لو بشيء بسيط

لاحول ولا قوة الا بالله
رفع لعيونك

يا اخت حرم عبدالله اذا ممكن تكتبين طريقة والدتك الله يحفظها لك او ترسلينها على الخاص الي يريحك اكون لك شاكره
نظام الاخت vip_sa حلو وماشاء الله طريقتها حلوه
وعموما اذا تبغين جاهز ومستعجله فعندك ادوية ابا الخيل فيه نظام للنفاس يبيعه بمية ريال واذا تبين لهومات مع الغسول ومدري وش يجي معه بعد فيه ب 200 بس ما انصحك تستخدمين التحاميل الي يبيعها