استعيدي جمالك واطبخيه على نار هادئة

أولا:نظمي وقتك
استعيني بادفاتر .. اكتبي فيها اعمالك الشهريه .تنظيم الوقت يخليك تركزين بالاعمال الي بتسوينها
يخليك مرتاحه ويبعد عنك التراكمات
مثال للزوجه: قرايه صفحتين من القرآن الكريم يومياا
يوم بالاسبوع حمام الهنا( صنفره وماسكات )
3 ايام بالاسبوع رياضة
يوم طلعه رفيقات أو اهل ... الخ
ثانيا: تقربي من الله سبحانه:
بقولك بالبدايه في كل شي تسوينه بحياتك مع زوجك إحتسبي فيه الاجر وخلي نيتك لله
وتوكلي على الله
وخلي عندك يقين بالله مو في زوجك
واتبعي هالنقاط قبل لا تطبقين اي شي عشان الله يوفقك وايسر أمورك
-إذكار الصباح والمساء
-الاستغفار كثر ما تقدرين باليوم بالسياره بالبيت بالدوام دايم قولي
أسغفر الله الذي لا إله إلا هو الحي القيوم واتوب إليه
-لا تهجرين القرآن .. ولو صفحتين كل يوم إذا أنت مو متعودة على قرايته شوي شوي لين يصير جزء اساسي من حياتك
-وقت الزعلا سجدي لله وقري سوره يس واشتكي لله وحده ولا تشكين لغيره صدقيني بتحسين بسكينه وراحه نفسية
-وقت الفرح تعلمي تسجدين لله سجده شكر عشان رب العالمين يزيدكمن خيره
صدقيني راح تكتسبين من السجود طاقه سبحان الله تريحك وتييبلج الطمأنينه
-الدعاء الدعاء الدعاء .. اختاري أوقات استجابه الدعاء
كل هذا مثل ما قلتك مع اليقين بأن الله يستجيب دعاء عبده عاجل أم آجل
__________________

ثالثا:عنايتك الشخصية
تعلمي معي كيف تسعدين تفسك بالاساس .. أي شي تسوينه لزوجك لازم تعرفين انك مسويته لنفسك ولا تقولين ما يهمه لا تقولين مو داري عني .. انتي بعد
ولا يهمك !!!!
خلي همك نفسك انشغلى بالرغبه بالتغيير واستمتعي باي شي تسوينه وهالشي هو طريقك لتغيير نفسك.. لأنك بهالحاله بتعززين ثقتك بنفسك
ولا يهمك كلام غيرك
دامك على صواب .. وما سويتي شي تستحين منه
خليك انثى مميزه ا بهري زوجك وكل من حولك..
ب جمالك
اناتقتك
انوثتك
حققي جاذبيتك وهي بدايه الخيط للنجاح وتحقيق ما تتمنين
العناية بالشعر
نسيتي الاستشوار !!
رابطه شعرك من يوم تسبحتي لين اليوم الثاني
نسيتي الحمام زيت والكريمات والفير !!
شعرك نص جمالك .. اعتني فيه وخليه يصير نفس دعايات الشامبوهات اللي تشوفينهم بالتلفزيون
حافظي على طراوته ونعومته وترتيبه وخليه لامع مقبول المنظر
يعني هالله هالله بالعناية بالشعر لان الرجل بصري يركز على الموجود قدامه
زيدي على هالفتنه لمسات من عالمك الجمالي تدلعي قدامه بشعرك تعمدي اغراءه ا لعبي بشعرك حركيه نزلي خصلات على خدودك وعلى ويهك نثريه بحضنه وخليه يمسح عليه
وطبعا هالشي ما راح يتحقق الا بالعنايه مثل ما قلنا
يا الله ابتدي من اليوم
- ماسكات
- زيوت طبيعية ( زيت الصبار - زيت الأفوكادو - زيت الخروع - زيت الزيتون )
- شامبو وبلسم مناسب لنوعيه شعرج
- ولا تنسين مع أي علاج تستخدمينه لشعرك......
تسوين مساج لفروه الراس قبل وبعد .. عشان تلقين فايده من هالعلاج اللي تستخدمينه سواء ان كان زيت أو ماسك .. وعطي روحك الوقت دلكي برقه وبحركه بطيئه لين تحسين ان الزيت نغلغل لداخل الفروه بعدها غطي الشعر بقبعه بلاستك وخلي شعرج يستفيد لمده ثلث ساعه على الاقل
وهذي بعض خلطات الزيوت:
زيت جوز الهند مع لب ثمره الصبار
زيت السمسم مع العسل والبيض
زيت الخروع مع المايونيز وصفار البيض
وبعد ما ينتهي الوقت دللي روحك بالشامبو وحطيه بايدك بطريقه ناعمه فركيه وحطي لكل طرف شوي في شعرك ولا تستعجلين في غسله وآخرتها انتي الخسرانه
- قصي اطراف شعرك بالشهر مره عشان تزيد حيويته وكثافته
- استخدمي مشط مصنوع من الخشب عشان تتفادين التقصف
بعدها بتلقين شعرك من اروع ما يكون اصبغيه أو حنيه مثل ما تبين وخليه يقول
واو ايش الجمال بطيح امسكيني ههه

العناية بالبشره
الوجه
حددي نوع بشرتك وابدي بالاهتمام فيها
جافه دهنيه مختلطه استخدمي المنتجات الخاصه فيها
غسول كريمات ماسك تقشير ولا تبخلين على نفسك بالغالي دامك تقدرين
جربي جلسات النضارة وشد البشره بمراكز التجميل
وبالبيت بعد اهتمي بعمل الماسكات الطبيعيه للبشره
قناع العسل وزيت الزيتون يقضي على الشوائب ويخلي بشرتك كلها نضارة وحيويه
الجسم
اهتمي بالاسترخاء
اهي ساعه وحدة من ال صباح ساعه وحده ماتتعبك (ساعه بالاسبوع ) حدديها لجسمك
سويلك حمام مغربي وصنفره وغسلي بأروع الشاورات
وتهني بعدها بحمام الورد
الاسترخاء يساعد على إزاله التوتر من الجسم ويخفف عنك ضغوط اليوم ويعطيك حيويه
وبعدها رطبي الجسم بأحلا ما عندك من كريمات عطريه بأروع السبريهات
دايما وابدا استخدمي الكريمات ذات النكهات الطبييعيه خليه يشم فيك ويقرب منك ويدمن على ريحتك
خصصيلك يوم بالشهر للمساج
اما انك تجيبينها لي عندك او بمقدرتك انتي تتعلمين طريقته المساج افضل
جهزيلك غرفه وحطي الزيوت المعطره والشموع واستقبلي اللي بتسويلك الجلسه بشاي اخضر وابتسامه عشان تعطيك من قلبها او انك انتي تقومي بذلك
مارسي الرياضه مرتين اسبوعيا سواء بنادي أو بالمنزل مع شريط فيديو.. أو حتى المشي في الجو النقي
واهتمي بالاكل الصحي .. بتحسين ان فيك نشاط وحيويه .. وبعدها بتحسين انك اصغر من عمرك

تابعوني لا تروحون
باقي الكثير
باي
باي
مع الف سلامه

مشكورة خوش موضوع

مشكوره نصائح قيمه وخفيفه على النفس
ننتضرك

يسلمو اختي ع الموضوع
روعه

يعطيك الف عافيه يالغلا