استفيدو من القصه هذي

1. اخواتي


2. السلام عليكم ورحمة الله وبركاته


3. المهم ما اطول ادخل في الموضوع


4. وهده صورة مين؟


5. كانت صورة اخوي الصغير عندو 7 سنين


6. رد الرجال ..لابسة بني وحاطة نضارة وتخينة وبيضة وفي الاربعينات

اخواتي

السلام عليكم ورحمة الله وبركاته

انا الحمد لله اكتب مواضيع كتير فالمنتدى وترددت طويلا لكن اتمنى ان تستفيدو من موضوعي وبنفس الوقت ان تقولو لي هل هده الانسانة تستحق الصلح ..اود ان اقول لكل اخت في هدا المنتدى اياكي والتقة العمياء حتى في اقرب الناس اليك .والله السهم الغادر ما يجي غير من الناس الي احسنت اليهم وحبيتهم

المهم ما اطول ادخل في الموضوع

انا قبل ما اتزوج والحمد لله كنت عايشة مع ابوي وامي وكانت عايشة معانا اختي من ابوي مطلقة وبنتها اكبر مني بثلات سنين واخدة الشقة تحت وكانت علاقتها بيا كره غريب وديما لما احد يمدحني او حد يتقدم لي تمرض وتقعد تبكي وكانت تسوي مشاكل بين ابوي وامي ومخلية حياة امي جحيم لدرجة انو ابوي صار يجيب راتبو كلو لاختي هده وصارت هيا تصرف على البيت ومتحكمة بامي وابوي ومعيشانا بحرمان بكل شي
المهم وسط المعاناة هده بنتها كانت تدرس معايا بسنة تالتة ثانوي مع انها اكبر مني كانت فاشلة في الدراسة وتعيد السنة مرتين . في اخر السنة نجحت وكان مجموعي كبير وفرحت وفرحت امي وسط كل الاحزان لكن للاسف بنتها رسبت والله انها غضبت علينا وصارت تصارخ وتقول انتي يا بنت البدوية تنجحي من اول سنة وبنتي لا عاد ما اهتميت من فرحتي خليتها تغلي اربعة ايام قعدت الاربعة ايام عند خالي قلت اريح نفسي من وجهها ارحم
اتصلو بيا البنات صديقاتي وتواعدنا نخرج نتغدا برا احتفالا بالنجاح لاننا كنا مشاء الله الاوائل ... المهم خرجنا واتمشينا وضحكنا ووحدة فينا الله يذكرها بالخير الحين متزوجة بأمريكا راسها والف سيف نروح جنب البحر مع انو برد الجو قلنا اوك مو مشكلة وتمشينا لين البحر .جنب البحر على طول في مقبرة قديمة و كانو مكتشفين فيها اثار وسفن تحت الارض الناس تدخل تتفرج دخلنا نشوف ونتمشى مع ان المكان شوي يخوف لكن كانت عليه حراسة
واحنا نتمشى اتفاجأت برجال جاي عندي خفت انا ورجعت ورا وكانت معاه حرمة كبيرة يطالعو فيا ..
الحرمة قالت هيا والله هيا يا سبحان الله
انا اتبلهت ايش هيا ولا ما هيا لأكون بنتهم واما مش عارفة ولا يبغو يخطفوني ..قلبي صار يدق بقوة واتفجعت
ما قدرت انطق من الخوف
وشوي والرجال يقولي هادي صورتك افا ...والله صورتي

وهده صورة مين؟

كانت صورة اخوي الصغير عندو 7 سنين

قال الرجال اسمعي انتي ربنا بيحبك اليوم الصبح جات حرمة وقعدت تنبش في قبر وشايلة معاها مكنسة قديمة و منديل معقود فيه شعر وكتابة سحر وشغلات تانية ما عرفتها وراقبناها لين ما حفرت تقبة وحطتهم ومسكناها وطلعنا السحر من مكانو وحرقناه وخلينا الصور لكن هيا وسط الزحمة هاوشتنا وهربت
انا رغم كل كلامو ما صدقت قلت طيب ايش اوصافها وايش كانت لابسة ..؟

رد الرجال ..لابسة بني وحاطة نضارة وتخينة وبيضة وفي الاربعينات

اي والله هيا ..كانت اختي بنت ابوي ..من دمي ولحمي الي كنت اقول رغم كل المشاكل الي بينا لو تشوف حد يضرني هيا اول من يوقف معاي ..ما قدرت امشي ما قدرت اكمل الطريق اتعترت ودموعي كانت متل المطر
حكيت لأمي القصة وعطيتها الصور لكن الى الان ما واجهناها لكن مرت ست سنوات على القصة هده وانا ما انساها واختي هده ما شفتها من 4 سنين ومقاطعاها لكن ابوي يوم يجي بيتي يقول الله غضبان عليكي لأنك مقاطعة اختك وهدا حرام
يا اخوتي كيف اكلمها وانا عارفة انها تكرهني ..انا الحين عندي عندي طفل جاي وزوج ممكن تسويلنا سحر ممكن تضرنا ...مرات احس اني غلطانة وابغى اتصل فيها ولما انزل اشوفها لكن سبحان الله قلبي ينقبض واتراجع ولما تحصل مشاكل بيني وبين زوجي او تجيني حالة الخوف للاسف انا من ستة شهور وانا عندي مرض الله اعلم هل هو نفسي ولا سحر اخاف واشوف خيالات واخاف من الموت واتوهم ان زوجي يقول كلام ولما اسألو يرد انو ما كلمت ....الحمد لله هالاسبوعين الله راحمني واقرا قران وحالتي تحسنت كتير لكن ابوي كل ما اتصل يقول عيب اختك تهاجريها بالكلام يا بنات هل هده انسانة تستحق التسامح ..ليش اسامحها واروح لها وانا خايفة نها ليش بيحصل معايا كدا
ليش الانسانة الي وتقت فيها وكانت صديقتي كانت تبغى تسرق زوجي دخلتها بيتي وحطت لي سحر بالحمام ؟؟ليش الناس كدا ؟ليش الحسد والحقد ليش نضر بعض ؟؟وين القناعة والرضى
وين نلاقي الثقة بهدا الزمن ؟ وين نلاقي الأمان منقول