اش اخر ماشريتوه من السوق خلونا نستفيد وانا بقولكم

شوكلاته مره

30-07-2022 - 08:05 am

يابنات ياحلووين كيفكم
مين تحب الميك اب ودوم تشتري بتكون معي هنا دوم الدوم
بنكتب هنا كل وحدة وش اخر شئ شرتة من السوق وفادها او لا
عشان كلنا نجرب مع بعض
وانا راح ابدا بنفسي
اخر مرة رحت شريت من فور يو فور ايفر من دبنهامز في جدة
كريم يخلط مع الاساس يعطي اضائة للوجه يغنيني عن البودرة
وينحط بالسهرات على الجسم والرقبة بجد فضيع وفية منة الوان كثير
انا نصحني البائع بلون طبيعي جدا بجد خلى وجهي رهيب
وخلطتة مع كريم الاساس المائي من فور ايفر
تصدقون من حلاوتة نسيت احط بودرتي ورحت السهره
بعطيكم اسمة وهو ب130 يمكن وفية 5 الوان اعتقد
وردي بيج برونز ابيض وفضي
وهذي صورتة لكم ياحبايب صورتها بجوالي خ
وشريت قلم لون تركواز الحلو فية انة مرة تركواز اكحل العين فية وثابت مايروح
واصلا الطالع الان الكحل التركواز ..
واخر شئ اخذت من كريولاين خافي العيوب
واقولكم السالفة بالصالون يستخدمونة لة شئ رهيب والله يخلي المكياج
ثابت وشكلك مرتب وحلو يعني يستاهل حقة فية
انا ماعندي الحمدلله شئ يستاهل الخافي بس تحت عيوني احمر
وهو يوحد لون البشرة ويثبت الشادوو هذا اهم شئ
وكريولاين يابانات رهيبة بكل شئ
واخذت علبة ارواج بالفراشات برضو من كريولاين ...
يالا كل وحدة تقولنا وش اخذت من جديد وتعطينا فايدتها منة يابنات
الي تعرف بودرة للاستعمال اليومي حلوة تقولنا ليش
لان انا استخدم سهرات جيرلان لوس بودر وردي
ابغى شئ يومي مع اني ماحب البودرة بس لاحتياط
اجمل تحية ياحلوين

التعليقات (9)

أم أموله

30-07-2022 - 11:09 am

صباح الخير أختي ...ترا حتى أنا قاعده من الصبح مثلك (الله يتوب علينا) أخر مره من شهر تقريبا ...شريت من ميكب فور أيفر ايفر...باليت أرواج درجات الوردي.....وقلم كحل (بنسل)لونه أزرق تركواز ...وشريت من جيفنشي روج من درجات البيج(المجموعه الأخيره) وبس ....كان نفسي أشتري عطر ألور الجديد بس الفلوس ما كفت ,,,, أنشاء الله هالشهر أشتريه....

شوكلاته مره

30-07-2022 - 12:10 pm

هلا عيوني ام اموولة
ههه قعدت الصبح صارت يوم عن يوم عندي
عن العطور انا ابغى اشتري فلاور بومب قريب
بس عندي الان عطورات لحد الان مافتحتها والله شسووي
بس اموت بالعطوور
تسلمي ياقلبي على المشاركة
وقلم التركواز نفس الي عندي
يابنات وينكم
لازم نجيب قهووة

قمر 15^

30-07-2022 - 01:11 pm

لي رجعه واذا جبتوا القهوة لاتخلصون الحلا >>>خ
مشكورة حياتي

شوكلاته مره

30-07-2022 - 02:12 pm

الان حزت الغداء خ
وش طابخين اليوم
اقول يالا شاركونا
بكل شئ
بودرة ارواج عطور ولا شادو قلووس
سمعتو عن جلوس جيرلان الجديد بالعسل يم يم باخذة قريب

شوكلاته مره

30-07-2022 - 03:13 pm

يعني مرة ماتروحوون سووق؟؟؟
ولا بس ماتبون نستفيد من خبرات بعض
يالا مشكورين على ذوقكم

باربي حلوة

30-07-2022 - 04:14 pm

اختي الكريم الي من ميكب فور ايفر انتي متأكده ان ينخلط مع كريم الاساس
او يمكنه بيس ... ياريت تردي علي و شكرا لك على الموضوع الحلو

شوكلاته مره

30-07-2022 - 05:15 pm

لا حبيبتي الببسس انا شريتة لحالة واحطة قبل كريم الاساس
بعدين اجيب كريم الاساس واخلط معاه الي تشوفين صورتة فوق واحطة
يعطي وجهك اضائة ولون مشرق مرة يغني عن البودرة الملمعه
بجد يريح ويخليكي فرش مرة
وللجسم يستخدم بروحه يعطيك لمعه لجمسك وكانة مراية فهمتي
يالا نبي خبراتكم بس

مزيووونة

30-07-2022 - 06:16 pm

انا اخر مرة رحت السوق خدت عطر سينما عرض خاص حاطين الغرشة في شنطة صغيرة دهبية حلوة وحاطين مع العطر بودي لوشن وخديت روج وردي وقلم تحديد وردي من بورجوا

أزهار مبعثره

30-07-2022 - 07:17 pm

انا من زمان ماجددت المكياج عندي اشياء والله مابعد استخدمتها
بس بسأل عن المكياج المائي هو يعني على شكل بودره ويستخدم بالفرشاه المبلوله بمويه صح والا انا غلطانه ؟؟

الفزعه يابنات←
مستحضرات التجميل ما مكوناتها→