اعتبرها زلة لسان

اعتبرها زلة لسان!
نقره على هذا الشريط لعرض الصورة بالمقاس الحقيقي
مدخل...
احب ك<<<< اعتبرها زلة لسان
كنت حاسه انك تكذب علي
ورغم هذا ماحكيت!
يمكن كنت ابيك تعترف وبنفس
الوقت ماتمنيت!
لو تدري بحالي الحين
وش كان سويت!
مابيه ....اببتعد عنه...
واختفي من حياته ....ياما رددتها وماقويت!
ماكنت متوقعه انك على ذبحي نويت!
طعنتني بخنجر غدر وبكل جرأه وماستحيت!
وانا اكتب هالسطور تدري وش حسيت!
قعدت اسئل نفسي!
ليه حرمني منه وانا بعدي ماتهنيت!
لاشفته ولالمسته ولا في احضانه ارتميت!
ولامن عشقه او حنانه ارتويت!
ليه سويت فيني كذا!
جاوبني وليه قبل احتويت!
دامها في حياتك حقيقه...ليه عني خبيّت!
ماتبي تخسرها او بمشاعري تسليت!
هقيتها من الكل لكن انت
بالذات وربي منك ماهقيت!
اثاريك تقول دقي على الثاني
ماتبيها تشوفه { ويت} !
صدقني عطيتك فرص كثير
بس انت على نفسك جنيت!
كنت انغز بالحكي ...انتظر
منك تجي وتقول سامحيني زليت!
لكن للاسف الحقيقه عرفتها
من غيرك! ومن غدرك بكيت!
حطها في بالك زين!
لو مهما يصير انا الشموخ
مانهزيت ولا انحنيت!
بدوس على قلبي لو في يوم لك حنيت!
رقمك مسحته...وراح انساك ورب البيت!
لا ويقولون كذبه بيضاء!
يحبك مايبي يخسرك!
لكن انا في شرعي مالها اسم
غير انك عن ذبحي ماتوانيت!
وفي لحظه بعت حبي ورضا غيري شريت!
هالويكند جيت ملهوفه عليك
ابيك تشوفني تراني لك تحنيّت!
دورتك مالقيتك واتصلت بك
مارديت! وعن انظاري تواريت!
يمكن انا مجروحه الحين
ومن نارك انكويت!
لكن اعتبرني مت وحيت!
بس تدري وش اللي قاهرني حيل!
ياما حذروني منك ليه عنهم اذني صميّت!
ليه وش اللي يدفعه يلعب بي!
سؤال قعدت ادور له اجابه مالقيت!
لقيتني اصّبر نفسي بجملتين....
كثر الله خيرك يافلان ماقصرت كفيت ووفيت!
وانتي ياشموخ رددي ليت وليت وليت!
مخرج...