اعتبروا يالمتزوجات لاتهدمون بيووتكم بيدينكم

*مرح*

18-01-2022 - 09:04 pm

السلام عليكم ورحمة الله وبركاته
اخواتي الحبيبات
موضوع جداً مهم
وللأمانة ..منقول
أتمنى مايكون مكرر
حبايبي انا بدخل بالموضوع مباشرة وقسم بالله اني ماكتبت الموضوع
الا من خوفي عليكم وحرصي على حياتكم الزوجه من الانهيار ...
استغرب من بعض النساء الي تعرض صور لحياتها مع زوجها وتعرضها
وكأنها تسترجع البوم مع زوجها وتكتب عليها التعليق بالتفصيل ..
البعض يقول هذي صوري ليلة ذكرى زواجي وتصور غرفة النوم
ودورة المياه -اعزكم الله- والبعض توصل فيها الجرئه تصور ملابس نومها ..
البعض الان بيقول عادي طيب نستفيد من بعض صحيح نستفيد من بعض..
لكن ربي يسعدكم ويحفظكم .. بعرضكم لصوركم الخاصه
فيه من يشاهدها من بعض البنات الي نفسها تتزوج ولسه ماتزوجت
والي زوجها مهملها وعمره ماصار بينهم ليالي جميله وهادئه ...
بمثل الصور المعروضه
تقولون طيب راح نكتب ماشاء الله تبارك الله على الموضوع .. حبايبي
العين حق والبعض حتى لو مو نيته الحسد وحتى لو قال ماشاء الله ..
بعضهم يفزون ويحسدون لاشعوريا مو عمدا منهم ...
وهذي قصة اخوي مع زوجته ... ولكم فيهم العظه والعبره ...
اخوي وزوجته متعلقين في بعض لدرجة الجنون حتى انهم لهم 5 سنوات
من زواجهم ولا جاء لهم اطفال وكل واحد حرص منه مايجرح شعور الثاني
وقسم بالله ماراحوا يكشفون بالمستشفى .... من درجة حبهم في بعض..
وحياتهم ماشيه على افضل حال ...
زوجته مشرفه في احدى المنتديات.. المهم نزلت صور لأحدى الليالي الجميله لهم
وكانت الصور مره روعه من ترتيب في المكان والاغراض يعني جنان
وقسم بالله العظيم بعد نزوول الصور مالقوا خير ...
ياليتكم بس تشوفون كيف انقلب حالهم كل واحد ماصار يبغى الثاني وهي
عند اهلها الان ...
وعلى الوضع هذا لهم اشهر ... من مطوع لمطوع وبماء زمزم وقرأت قران عليهم..
والدليل انهم فيهم عين ....
اذا كانوا بعيدين عن بعض هو يبغاها وهي تبغاه واذا جوا ببيت واحد وحاولنا
نخليهم في مجلس واحد مارضوا وكأن الواحد عدو الثاني ومجرد افتراقهم عن
المكان يحنون لبعض ...
حالها وحاله مايسر عدو ولا صديق .... وربي اكتب لكم ودموعي تسبقني ...
بيت اخوي وحياته انهارت بسبب صور فقط ...الامر مو سهل كل وحده
اذا كانت مبسوطه في حياتها تقول الحمد لله وتشكر ربها وتدعي ربها يديم عليها
النعمه الي هي فيه مو تحوس نفسها ...
وقصه اخوي وزوجته لكم عبره واتمنى انكم تنشرونها من اجل اخذ العبره منها.
اللي ابغاه منكم تدعون ربي يعافيهم ويشافيهم ويخليهم لبعض ....
وربي مااشوف الكيبورد من دموعي وحسرتي عليهم ...
اللهم اني اسألك بأسمك الاعظم ...واسألك بقدرتك وعزتك وعظمتك
اللهم انك تعلم حال اخي خالد وزوجته اللهم فرج عنهم واجمع شملهم
اللهم انك اعلم ببر خالد لوالدي اللهم عوضه خير بره بسعادته في الدنيا والاخره
الله يحفظكم ويوفقكم ويسترعليكم ويسعدكم ....امين يارب العالمين
مانشرتها اللي من حرصي وخوفي عليكم وعلى حياتكم ... اتمنى كل من يدخل يرفع الموضوع بدعاء لهم .. وجزاكم الله الف خير
اعذروني اذا تسلسل الحديث فيه لخبطه لاني مااشوف من دموعي ..
الحمد لله على كل حال ..

______

والله حالهم يحزن مرة تكفون يامتزوجات لا تهدمين بيتك عشان غيرك والله محد ينفعك لاخرب بيتك
واللي تحتاج مساعدة في هذا الامور مو لازم تقولين لها وش سويتي خليها تتصرف تدعي ربها يرشدها
واذا بتساعدينها ارشديها بدون ماتقولين سويت وسويت
احس ببكي والله

التعليقات (8)

ام وجد الغاليه

18-01-2022 - 11:46 pm

والله انها صادقه العين حق وفي كثير يتمنون يكونو مكانها الله يجمعهم على خير
شكرا مرح على الموضوع

==المشتاقه==

19-01-2022 - 12:47 am

لا حول ولاقوة الابالله العلي العظيم والله كلامك صحيح ياختي انا استغرب من البنات اذا نزلو صور طيب خلاص مبسوطه قولي بس لاتنزلي ماتدري وش الي مخبيلك ورا هذي الصور الله يهدي الجميع والله يشفي اخوك وزوجته والله حزنت عليم يارب لاتفرق بينم يارب

دلوعة خآلد

19-01-2022 - 01:48 am

جزاك الله خير ............ والله انك صادقه وماقصرتي

!! الليـــدي !!

19-01-2022 - 02:49 am

لا حول ولا قوة إلا بالله العلي العظيم
صحيح والله الإنسان حتى ممكن يحسد نفسه اجل كيف لغيره
الله يجمع بينهم يارب ويرجعهم لبعض آمين............

*مرح*

19-01-2022 - 03:50 am

أم وجد
المشتاقة
دلوعة خالد
العفو اخواتي الحبيبات ومشكورين عالمرور
وترى الموضوع منقول يعني مو اخوي اللي صارت له الله يحفظه
والله يشفي كل مريض ويفرجهم كل مهموم

*مرح*

19-01-2022 - 04:51 am

الليدي
اي والله صادقة
الله يسعدك ويحفظك يارب ومشكورة عالمرور

فداكـ الروح

19-01-2022 - 05:52 am

مشكوره حبيبتي
الله يشفيهم يارب ويردهم لبعض

حنوووونة

19-01-2022 - 06:53 am

لاحول ولاقوة الا بالله العلي العظيم..
الله يشفيهم يارب ويبعد عنهم العين والحسد وذكريهم بالرقية الشرعية (بأسمك اللهم أرقي نفسي من كل شئ يؤذيها ومن شر كل عين وحاسد الله يشفيها) 7 مرات والله يرفع عنهم كل بلاء وشر ويبدلهم مكانه فرح ويسر ..

الي تبي تعرف زوجها سعيد معاها أو لا تدخل←
فكرة حلوة لزوجك ادخلي وشوفي→