اغراض المكياج للعروس مساعده

الله يوفقك موضوع روعه وجاء في وقته لاننا محتارين ونبي احد يفيدنا ...
مشكورة

السلام عليكم
بصراحه موضوع ممتاز وبكوني متزوجه قريب بالصيف الماضي تجربتي بالمكياج كانت ممتازه لأنني من اول انا اعرف للمكياج واعرف الي محتاجه له وايش الأشياء الي تنقصني
لأني احس اكبر خطا ممكن تسويه الوحده انها تشتري مكياج من أول وجديد وبكميات كبيره وما تستخدمها
وخصوصا الي ما عندها خبره بالمكياج او هي اصلا ما تحط لنفسها فتكون محتاره والي يشتغلون بالمحلات المكياج يستغلونها ابشع استغلال
فهذي خطوات او نصائح بسيطه ممكن تتبعها اي وحده حابه تشتري مكياج ويكون كامل

اهم اهم شي لازم الوحده يكون عندها قائمه بلأشياء الي تنقصها او الي محتاجه له (أساس,بودره,شدوهات,ارواج,بلشر,كحل,مسكره)

اذا انتي ما تعرفين الي يناسبك او اي ماركه انا انصحك دائما اشتري شي انتي اصلا مجربته ومرتاحه معه ,طيب اذا ما تعرفين او اصلا انتي ما قد حطيتي لفسك مكياج ارجعي لخبيرة مكياج قد حطت لك واسئليها النوع الي استخدمته عليك , اذا لا يوجد خبيره مكياج انصحك تروحين لMAC الي بالفيصليه فيه قسم نسائي ويوجد خبيره ممكن تساعدك على اختيار النوع والدرجه المناسبه

اهم شي بإختيار كريم الأساس 1.يكون مناسب لنوعيت بشرتك (بشره جافه,مختلطه,حساسه,دهنيه),2.يفضل اللون نفس درجتك او اغمق بدرجه علشان يكون مناسبك وما يكون مشهب او زي القناع, 3.لا تشترين الأساس قبل ما تجربينه على وجهك وتشوفين اللون بإضائه طبيعيه واتركيه مده ما تقل عن ساعه علشان تشوفين اذا هو كويس وما يتشقق او يمكن ما ينسب نوعية بشرتك) 4.يفضل انك تجيبين نوعين من الأساس الأول يكون ثقيل للمناسبات والثاني يكون خفيف للإستخدام اليومي او ممكن بدل الأساس الخفيف يكفي بودره مضغوطه اذا بشرتك خاليه من العيوب بالنسبه للأساس الثقيل انا استخدم full covereg من MAC جدا ممتاز للمناسبات يعطي تغطيه كامله بالنسبه للأساس الخفيف استخدم اساس كلنيك او اساس من بنفت على شكل اصبع

البودره يفضل انه يكون عندك نوعين بودره : 1. بودره سائبه طبعا تستخدمينها لمن تخلصين من المكياج ونستخدمها تحت العيون لمن نحط مكياج العيون 2. البودره المضغوطه هذي تشيلينها معك للرتوش او ممكن تستخدمينها لوحدها لطله مشرقه طبيعيه

الشدو انا بصراحه افضل شدوهات MAC و ميك اب فور ايفر لأنك ممكن تشترين زي العلبه وتعبين الألوان الي تحتاجينها او تشترين بالحبه الي يناسبك طبعا بالنسبه للألوان جيبي الألوان الأساسيه مثل الأسود والي ينحط تحت الحواجب نايلون من MAC خطير وعندهم شي اسمه Pigmint زي الشدو بس بودر بعلب زجاجيه لك ولزمن لو تحطينه على اي لون شدو يعطيك لمعه مو طبيعيه وعندك درجات كثيره وطبعا لازم تجيبين كذا درجه فاتحه مثل الوردي والبيج والبرونزي واذا تحبين الشدوهات الكريميه فيه طبعا تستخدم من دون اساس لوك طبيعي (طبعا التجربه خير برهان) لازم تجربين الألوان على عينك علشان تشوفين اذا يناسبك تجنبي الألوان الفاقعه مثل البرتقالي والأحمر لأنه يبين عيونك كأنها تعبانه الألوان المعدنيه جدا ممتازه وهي موضه الحين مثل الذهبي والنحاسي والفضي بس تكون بارده واسئلي عن الألوان الي تناسب السموكي جدا خطيره

الأرواج بالنسبه للأرواج عدي واغلطي طبعا دائما جيبي الي يناسبك وترتاحين له عندك MAC الفيفا جلام روعه وعندك الأحمر rushin red هذا احمر مخملي وعندك احمر بلمعه ذهبيه مره حلو وعندك لانكوم ارواجهم حلوه وكمان شانيل وطبعا زي ما قلت قبل (التجربه خير برهان) ظروري تجربينها على شفايفك يمكن اللون ما يناسبك او ممكن تحسس بك

الكحل طبعا لا يوجد غنا عن الكحل الأسود بس اهم شي الي تستخدمينه لداخل العين لاتستخدمينه لبرا علشان ما تحسس عيونك ويفضل يكون خاص بالعيون الحساسه . يفضل الي تستخدمينه برا العين يكون نوعا ما كريمي يرسم بسهوله ويساعدك اذا بتعملين سموكي اذا تحبين الكحل الملون جيبي لون يكون أخضر غامق او زيتي حلو اذا بترسمينه من تحت العين مع شادو معدني مره حلو او كحلي او رمادي لا تكثرين

المسكره طبعا نفس الشي اذا انتي مرتاحه مع نوع معين خلاص استمري عليه وانا اشوف انك تجيبين ثنتين وحده عاديه والثانيه ضد الماء للمناسبات وقت الحر والرطوبه ممتازه ما تسيح وانا ما احب المسكرات الملونه ما لها داعي

البلشر نفس الكلام الي قبل بس انا افضل يكون عندك بلشر درجه برونزيه مره حلوه ويغنيك عن كريمات البرونزاج حطي اساسك العادي وبعدين مرري بفرشه كبيره على اكمل الوجه وعلى الخدود بلشر خوخي يطلع لوك حلو مره بس اهم شي لا تبالغين بوضع البلشر حاولي دائما تتدمجينه مع البودره ويفضل استخدام فرشه كبيره علشان ما يكون محدد ودائما ابدي على تفاحة الخد اذا ابتسمتي تبين لك وبعدين بشكل دائري طلوعا الى منايت الشعر وادمجي اذا حسيتي انك كثرتي بالبدودره السائبه وفرشه كبيره مرري عليه وادمجي علشان تخففين اللون ويكون عندك بلشر على وردي يعني درجتين او ثلاث تكفي وجيبيلك اضائه للوجه تكون على شكل بلشر موجود عند MAC هذي روعه كلمسه اخيره سواء للمناسبات او للطلعات العاديه

ان شاء الله ما أكون طولت عليكم
واذا فيه اي سؤال او ملاحظه ما نستغني عن تعليقاتكم

موضوعج ابدآآع بمعنى كل حرف من هالكمله وفعلا تشكرين عليه شكر كبير الله يوفقج

(MeMe1979) مشكوره ياعمري على النصائح الثمينه
بنسبه لماك كيف اسعاره موب غالي كم سعر كريم الاساس والشدوو لاني ودي اشتري منه
ودي اعرف الاشياء الا ساسيه الي اشتريها يعني مثل الارواج كم لون
والله انا محتاره مدري كيف ابدى اشتريه
وبنتظار الفراشات ونصائحهن للعرايس

يسلمو على هالموضوع

آآآآآآآآآآآآآآآآآآآآآآآب

موضوع اكثر من رائع
لي عودة باذن الله
بما اني من عشاق الميك اب

رفع لعيونك
//
الحمدلله .. عدد خلقه ورضا نفسه وزنة عرشه ومداد كلمآته