افضل مكياج استخدمته

انا حبوبة طليت عليج
بس للاسف انا ممنوع احط مكياج لسه صغيورة المهم اقولج خبرة الماما الحنونة
تحط كريم اساس ماك وفوقه كينبو
بودرة ما تستعمل<< بشرتها جافة
ايلاينر من لانكوم
الاروااج من كل الماركات على حسب اللون الموجود والحلو
الشدو من ماك وايد حلو
الاضاءة من مكياجي مدري شسمه بالضبط
والعطر فور ايفر من ديور وجوي
ودمتي سالمة

روضة الجنة
الله يخليك بجد في روضه من رياضها ويعطيك الف عافيه
على مرورك اللي اسعدني
يللا ثاني وحده ولها دعوة من ظهر الغيب

طحت عليج يا أم ريانه ....
مرحبا أختي اليانور ....أنا أحب كريم الأساس من كلينك وشانيل ...بالنسبه للكحل من فر أيفر وماك ...أما البودره فكمان شانيل للمضغوطه وكلينك للبودره السايبه ...والمسكره أفضل لانكوم (هيبنوس)...والجلوسات والارواج من كل قطر أغنيه ...اللي يعجبني أشتريه...الكونسيلر من ديور (ما جربت غيره) والعطور ....بيور بويزن وألور

وانا وراكم لكن بطلع واجي طايرة
ادعولي

هلا أختي اليانور..........................
أفضل أساس : ماك للسهرات+ البودره,كلينيك للطلعات الخفيفة+البودره .
أفل كونسيلر: كاولاين.
أما الأرواج والشدو و الكحل و الجلوس والإيلاينر فمن كل بستان زهرة

ام ريانة
الله يوفقك اختي ولايحرمك من الجنه وان انتي متزوجه الله يسخر لك ابو عيالك وعيالك
واذالا الله يرزقك بولد الحلال الطيب اللي يحبك ويستر عليك
ام امولة
مشكورة اختي ويعطيك الف عافيه وماقصرتي والله يوفقك دنيا واخره
قمر 15
والله انتي بجد قمر لان عندك ذوق ودخلت موضوعي ورديتي علي
والله يخليك قمر دوم مو بيوم
نوني
الله يعطيك العافيه ويخليك دايمافي حضن حبيبك والله لا يحرمكي منه
وين الباقي مايردون تبوني ازعل

ي اليانور........... اسمعي شور اختك واستعملي اللي بنصحك فية لاني رسيت عليها بعد عناء وتجربه
1- كريم اساس كانيبو مع بودرة كانيبو المضغوطة (يعني وزعي الاساس عدل وكثريه افضل وحطي فوقه البودرة بالماي )
2- افضل كحل وبدون منافس ( محمود سعيد ) بشهادة خبيرات التجميل بقطر وشهادة زوجي طبعا ..سوادة يلفت النظر
3- افضل اضاءة عالاطلاق كرايولاين (اللي عليها صورة قناع) تنحط اخر حاجة تحت مكياج العين لانة يحددة ويبرزة وعلى الانف وعلى رؤوس الخدود والذقن يصير وجهك كانة مسطر زي اللبنانيات
4- افضل شادو ماك خاصة الابيض اللؤلؤي
5- افضل ارواج فور ايفو
6- افضل مسكرة لانكوم اللي تكثف وتطول
7- افضل عطر ....احب العطور العربية لانها تثبت ومميزة.اما العطور الفرنسية احب برايفت كولكشن من استي لودر و1881 من شيروتي الدائرية.
واسمحيلى الغالية اذا طولت بس طيعي شوري ..........وقولي لي شرايج......

مشكوره اختي صاحبة الموضوع
بس حبيت اسأل الاخت ام لماوي
كحل محمود سعيد تقصدين السايل واللا القلم؟؟
وبالنسبه لأضائة كاريولاين تقصدين باودر واللا كريمي؟؟؟وبكم اخذتيه
ومشكورين

حبيبت ىقلبي انا احذرك من ماركت ماك سمعت والله اعلم ان وحدة حط المكياج عليه سبب له حساسه فضعيه ياقلبي
وبالتوفيف منك العيال ومنه المنال ياقلبي وتعيشوا مثل العصافير