افكار للحفلات التنكرية مجهود شخصي

السلام عليكم ورحمة الله وبركاته
هآااي بنات كيفكم هذا اول موضوع لي في المنتدى واتمنى انه يعجبكم
لأن العيد قرب واكثرنا بسوي حفلات تنكرية مشان هيك جبت عدة افكار
ان شاء الله تعجبكم ويلا نبدأ :
1- ممكن تتنكري على هيئة رجل تلبسي الثوب والشماغ وتجيبي كحل وترسمي
سكسوكة وشنب ولا تنسي السبحة والنعال << اخاف الناس يتغطوا منك
او تجي وحدة تغازلك هع هع .
2- ممكن تصيري مومياء تلبسي بنطلون ابيض وبلوزة بيضاء وجيبي المناديل الرول
ولفيها على جسمك وجيبي صندوق طويل وقصيه على طول جسمك
وتخبي داخله وبعدين اطلعي وخرعيهم .
3- سوي نفسك عجوزة البسي لبس قديم وسوي تسريحة قديمة او جديلتين
ومكياج قديم او برقع والبسي عباية راس وخذي عكاز ولا كل شوي تأوهي
وقولي آه يارجولي آه يابطني .
4- اعملي حالك كانك طالعة من المختبر البسي بالطو ابيض ونظارة كبيرة دائرية
وانفشي كشتك وامسكي الانبوبة حقت المختبر ولوني وجهك باللون الاسود .
5- اعملي نفسك زي الايمو البسي شورت لحد الركبة مشرشر ومقطع
شوي من تحت والبسي بلوزة سودة وانفشي شعراتك وحطي
عند فمك اي شي احمر يعني كأنو دم نازل من فمك
وبيضي وجهك مرة بالبودرة وحطي كمان كحل اسود عند عيونك
وحاولي انو يكون لبسك اسود × اسود .
6- البسي لبس هندي اشتري ساري حق الهنود وحطي بين عيونك
نقطة حمراء والبسي اكسسوارات هندية واتركي شعرك مستشور عادي
واحفظي كم انشودة هندية واتعلمي رقص هندي.
7-سوي نفسك كأنك زورو البسي بنطلون اسود وبلوزة طويلة
سوداء واربطي شال اسود وقفازات سوداء واربطي
شعرك ذيل حصان والبسي قناع اسود وقبعة سوداء
واشتري سيف لعبة >> الله يالبطلة .
8- البسي لبس صيني وارسمي كحله مستقيمة وسوي
شعرك كعكة وحطي فيها الخشبة ولوني وجهك ابيض وحطي روج احمر
وامسكي بيدك مروحة يدوية .
9- او انك تلبسين مريول ابتدائي ويفضل لوكان قصير والبسي تحته
هيلا هوب ابيض وسوي بكلتين وحطي شبرات والبسي
الشنطة والجزمة وحطي بيدك مصاصة >> واذا احد زعلك
انبطحي على الارض وصيحي .
10-سوي نفسك سودانية ولوني وجهك اسود وابسطي لك بسطة .
11- سوي نفسك شحاذة والبسي ملابس قديمة او مقطعة
وبعدين دوري على الناس ورددي كلمات استعطاف واشحذي منهم >>
قصدي خوذي العيدية حقتك وهجي.
12- سوي نفسك عروسة البسي فستان ابيض حق اعراس وامسكي ورود
وسوي لك تسرحية كشخة ومكياج >> ويا حبذا لو تتفقي مع وحدة من صديقاتك
انها تلبس لبس الرجال وانت الحرمة والضيوف يزفونكم .
13- سوي نفسك مرجوجة المكياج محيوس وملابسك مهي متلائمة مع بعض
يعني بنطلون احمر على تيشرت بني وجاكيت اخضر او تلبسي شراب طويل وردي
على شراب مقطع اصفر ونفس الشيء مع تسريحتك مثلا خلي
نص شعرك مضفر والنص الثاني بكيرلي او اي شي من ابداعاتكم
>> تصلح هذي للي شخصياتهم رجة.
14- البسي لبس هاواي قبعة مليها بفواكة بلاستيكية والبسي تنورة
خضراء وشبكي فيها الفواكة البلاستيكية والبسي بلوزة خضراء
وخلي اطرافها قش وكمان التنورة .
آآه تعبت
سوري هذا الي لقيته في مخي >> يعني تعبي وجهدي
وابغى اشوف الردود الي تفتح النفس وكل وحدة تقول
ايش الشي الي عجبها اكتر والي تبغى تضيف افكار ماعندي مانع
يالله بآآآاي