افكار لوحات التعزيز تفضلوا يامعلمات

عندي فكرة استخدمها لطالباتي وهي سباق السيارات .. انا عاملة صفي خمس مجموعات وكل مجموعةلها لون سيار ة غير عن المجموعة الثانية المهم اعلق لوحة واحط فيها السيارات على خط السباق والمجموعة اللي تشارك تتقدم سيارتها خطوة وطبعا شوفي المنافسة والمشاركة حتى النايمة تصحى والكل يبي ياخذ كاس السباق .ان شاء الله تعجبج واذا عجبتك ممكن اعطيك افكار ثانية وشكرا

مشكوره حبيبتي عالفكره
طيب عندك افكار ثانيه ؟؟

لوحة النقاط..
طبعا كل الافكار الي راح اعطيج اياها ماتنفع الا على نظام المجموعات .. مثل فكرة النقاط وهنا خلينا نطبق على صف فيه 25 طالبة مثل صفي يعني راح اعمل خمس مجموعات وكل مجموعة فيها 5 طالبات..
الهم نجيب صور ورود واتأكدي ان عدد اوراق الوردة على عدد الطالبات في المجموعةيعني 5 طالبات وخمس وريقات في الزهرة ولازم تكون الوان الورود مختلفة ويكون عددالورود 5 على عدد المجموعات ماننسى ..
الخطوة الثانية نكتب اسم كل طالبة على ورقة الزهرة وفي المنتصف نكتب اسم المجموعة مثل ماعملت في الصورة
والخطوة اللي بعدها .. تقومين بتجليدها تجليد حراري ومن ثم تلصغين المغناطيس اللاصق من الخلف يعني خلف كل الورود الخمسة وتلصقينهم على طرف السبورة وتعملين نسخة ثانية من الورود بس هالمرة توزعينهم على كل مجموعة مثل مجموعة الفراشات تلزقين لهم على طاولتهم وردة بنفسجية مكتوب عليها مجموعة الفراشات ومجموعة الاميرات ...الخ..
وبعدين اثناء الحصة اي مجموعة تكون هادية وتشارك معاك تحطين لها ستيكرز او ملصق او نجمة على الدائرة الصفرا وفي حالة حبيتي تكرمين طالبة جاوبت على السؤال تحطين الستيكرز جنب اسمها وبهذا تكوني عززتي في الطالبة حب المشاركة حتى الطالة اللي ماتشارك راح تشوف زميلاتها نملت ورقتهم بالملصقات الا هي وبتحسين بالنظام في الصف ...

مشكوره ملقصرتي افكارك حلوه
طيب ابي منك افكار اطبقها بشكل فردي وليست مجموعه
واذا ماتعرفي ياليت تسألين احد؟

عندفكرة الاوسمه ثلاث أوسمه ذهبي وفضي وأخضر لكل وسام شروطه
أعلنيها على هيئة مسابقة وزعيها على الفصول الي تدرسين
عندي صور لها إن شاء الله راح أنزلها كامله في موضوع مستقل في الايام الجايه

انا عندي فكره السلم وهي انك تكتبين اسماء الطالبات على قطع فلين وتثبيتينها على شكل درجات سلم كل طالبة تجاوب يصعد اسمها درجه لين توصل مرحله معينه وكل مرحله تاخذ بطاقه تفوق والطالبه اللي تصل للقمه قبل الاخرين تكون جائزتها اكبر من الاخرين

وعليكم السلام ورحمة الله وبركاته
عندي فكرة حلوة
شوفي ممكن تعملي زي لوحة الشرف
فلين كبير تعملي فيه زي اصيص الزرع ممكن من الكاسات الورق وتحطي فيها من الفلين الاخضر
وتجيبي ورود صغيرونة وشكلها حلو ومرتب
طبعا كل كاسة ملصق عليها ورقة بإسم البنت وكل بنت تجاوب تحطين في الاصيص تبعها وردة
وفي النهاية اللي تجمع اكثر عدد من الورود تكون لها هدية مميزة
وهذا اللي عندي الان
دعواتك ياعسل