افيدوني عن مستشفى العسكري في البحرين

بليز ردوا علي....
ابي مساعدتكم.......
يعني محد يعرف هالدكتورة...
عيل اشلون يقولون شاطرة......
بليز رد واحد على الاقل..
هذا وانا جديدة هني...

هلا ومرحبا فيج اختي
والله انا سمعت عنها الزين وسمعت عنها الشين
يعني مثلا سمعت وحده تقول تغربلت وياها كل ما تاخذ موعد تروح ما تلقاها مسافرة او ما تجي ولا يعطونها خبر وتقول ما عندها اهتمام فيها
وسمعت غيرها تمدحها
بس على حسب ما سمعت من كذا وحده يتبين ليي انها تخصص مرضاها يعني تفضل فيما بينهم يعني مرضى تهتم فيهم ومرضى لا
واما عن د احمد بركات انا تعالجت عنده ما انكر ان المصاريف واجد بس هالشي عنده وعند غيره يعني اسعاره ما بتشوفينها اعلى من غيره او يمكن حتى قدها بس دكتور ما عليه كلام من حيث التعامل مع المريض ومن حيث خبرته يعني حتى الدكاترة الثانيين يمدحونه
اما من حيث المستشفى العسكري فبما ان زوجش عسكري فاتوقع بتستفيدين من هالناحيه وتاكدي افضل
تحياتي

عباير...
الف شكر على مرورك ويعطيج العافية..

د .احمد بركات ما عليه كلام...
بس اسعاره مبالغ فيها اشوي بالنسبة لغيرة...
وعيبه ان من كثر الناس عنده تتنتظرينه ساعات حتى تشوفينه...
والي مكرهني فيه .. اني لما حملت عنده..بعد حملي بفترة بسيطة سافر وتم بره شهر .. وخلال هالشهر تعبت وايد وحاولت اروح لدكاترة غير لكنه كل واحد كلامه غير...لين اجهضت وكان الحمل توام..الحمدلله على كل حال والله يعوضني...
لكن بركات وقت اللي تبينه ما تلقينه...وهذا الشي اللي مو قادرة انسا ه منه. .
بس ما قلتي لي شنهو المشكله اللي تتعالجين منها عند بركات..؟؟وهل استفدتي؟؟وكم مدة العلاج...؟؟وكم كلفج..؟؟؟
تحياتي,,,,

هلا أختي
أنا سمعت عن ثنيتن راحوا لها واستفادوا، إنشاء الله الله تستفيدين أنت عندها، وإذا رحت عندها ان شاء الله خبرينا عن تجربتج والله يرزق كل محرومة الذرية الصالحة عاجلاً غير آجل

هلا والله
اولا خلي في بالج اني ما ادافع عنه ونفس ما اشوف فيه مزايا بعد اشوف فيه عيوب
انا معاج ان كل زحمه والانتظار ممل جدا
وتحسي الموظفات الي هناك والممرضه يموتوا فرح وقت الدفع
وثاني سلبيه انه الوحده من تسوي للعمليه تقدري تقولي ينتهي دوره خصوصا لما العمليه تفشل وهالشي صار مع صديقتي
لليوم شايله عليه لانها بعد العمليه تبيه لانه تعبت والممرضات ما يرضوا يخلونها تكلمه على الرغم انها مو من البحرين !!!!
اما عن نفسي من خلصت العمليه وبانت النتيجه ما دقيت عليهم ابدا ولا رحت
وانتي تعرفي متابعه الدكتور كلش مهمه في فترة ما بعد العمليه مو بس وقت العمليه
المهم نجي لقصتي
مشكلتي اني سليمه الحمد لله زوجي العدد عنده كلش قليل
نصحنا بالحقن المجهري وتوكلنا على الله بس للاسف ما نجحت والحمد لله
وزوجي العدد ما تغير بعد
مده العلاج شهر تحضير بعده العمليه
كلفنا تقريبا 1700 دينار ( الف وسبعمائه دينار ) ما شاء الله
من اول زياره لاخر تحليل سويته
والسعر غالي اكيد بس الواحد شيسوي قيمه العمليه لوحدها في ناس مثل سعره اما عن باقي الشغلات من ابر وادويه ما ادري عن اسعار برة
وهي قصتي بالكامل
اي استفسار اسالي

شكرا لك زوجة الطيار...
شكرا لك عباير..
الله يرزقني ويرزقكم الذرية قريبا...يارب...

هلا خواتي
انا بروحي ادور على دكتورة زينه بهالمواضيع
عندي تكيس وزوجي الحمدالله مايشتكي من شي
وما أدري استقر على أي دكتورة
موزة إلي تسألين عنها سمعت إنها زينه لكن بنفس الوقت سمعت إنها ما تهتم دائما بالشخص
ولا يندرى
في أحد عنده خبر عن إفتخار العجيمي ؟؟ إلي عيادتها فوق رويان إلي بالبديع

مرحبا اختي جان..
صراحة د.افتخار ما سمعت عنها شي لا زين ولا شين...
بس د.احمد بركات في مستشفى البركة للخصوبه ممتاز وشاطر جدا ويضع الخطة العلاجية بما يتناسب تماما مع حالتك..يعني حتى لو تروحين كذا مره كل مرة يغير خطة العلاج لضمان الحصول على افضل علاج..انا معاه حملت مرتين مره بتوائم..وبعد شهرين حسيت بدم ينزل علي...حاولت اراجعه لكنه كان مسافر لمدة شهر..الى ان اجهضت...وقبلها رحت له وحملت لكن لم يبقى الحمل....
انا كنت اتمنى توائم طول عمري...ولما يصير الحمل ..اجهض بسبب اهمال طبيب..صحيح كل شي بيد الله..لكن الطبيب له دور...
علشان جذيه ابي اروح لموزة..وان شاء الله تكون زينة...
تحياتي للجميع....