اقمشه لاهل الرياض والقصيم وجده والدمام تفضلوو

اهلا وسهلا فيكم انا بصراحه قعدت اتصفح منتدى الازياء وشاهدت كثير من طلبات ع محلات اقمشه ودلوني واللي من الرياض واللي من القصيم فقلت اكتب العنوان للمدن اللي اتذكرها مكتوبه بكيسة المحل اللي باادلكم عليه بس ادعولي بليز
المحل هذا تبع مجموعة الكيسائي طحت عليه بالصدفه وفكرت اني اول من اكتشفه تخيلو وطاح وجهي كل من قلتله طلع يعرفه !! المشكله اني افكره حق رجال بس لان بابا يشتري منه
واول مره اروح معاه خ اقولكم سالفتي و لا تضحكون علي !
كنت رايحه مع بابا مشوار ومر بالطريق محل هالاقمشه وحب اني انزل معاه اساعده في اختيار اللون والنوع الخ الخ ويختار لاخواني مره وحده
هذا المحل مره راقي وشكله خطير ماودك تطلعين منه
وبابا واخواني من زمان يتعاملون معاه لانهم لاحظوا ان اللون مايتغير وقماشهم ماينكمش ولا في تكهرب واشياءات تحرج
المهم خلونا في المحل
تخيلو حسيت مافي حرمه الا انا في المحل وفجاه قلت خلني عشان مايطلع شكلي غلط و لا اتفشل اخاف يقول راعي المحل وش تبي هالحرمه نازله!!<<هذي افكار توديني وتجيبني من الفشيله
و قلت ابريح نفسي من الاحراج و سويت نفسي اساله كذا اصرف!
فقلت له في اقمشه نسائيه عندكم تخيلو الصاعقه
طلع فيه انا طارت عيوني لمن ورانياها مره تجنن خطيره بغيت اخم المحل كله
وطحت فيه طيحه وفكرت اني اول من اكتشفه من البنات بس طلع كثير من صحباتي يقولون معروف ومشهور ويشترون منه كمان لول
هالمحل في بالاندلس وكمان بالمعيقليه والديره وكاتبين قريبا بحي السليمانيه!
م ايش كمان عن طلبات المساعده الخاصه بالاقمشه@_@
اي بعد يابنات انا كنت اشتري تنانير زارا للجامعه وتعروفون معد نزلوا بضاعتهم القديمه اللي نعرفها تخيلوا صرت اشتري قماش رجالي اسود وافصل عليه تنوره مره خطير يكررف للدوام وللجامعه
عاد العبايات ماجربت بصراحه لاني ماافصل عادة اشتري جاهز من توايلا اكثر حاجه ومن النجمه الفضيه وجربت كمان نيو ستار كلها مو شينه يعني عمليه ومره كرفت عندي وطولت
بالنسبه للمرايل انا اشوف حقات مريول الحر تكرف شكل مرايلهم اقمشه رجاليه<< عنز طاحت في مريس
عاد مادري اذا كان قريبا بيكون في اقمشه رجاليه تصلح فساتين سهره لا تستغربون مابقى الا هي ههه
اتمنى اني افدتكم وقدمت لو جزء بسيط من المساعده للاشياء اللي مجربه واي وحده برضوا لها تجارب تفيد اللي طالبين مساعدات واكيد ماراح ينسونا من دعائهم