اقناع زوجي

والله انا زيك عجزت فيه ابي اقنعه ولا اقتنع وبالنهايه سما علي امه والله اسم بنتي شين مع انه اسمي مرره حلو وجديد بس ما ادري وشالحل والا كان سويته ههه

بدايه دعواتي لك ولإبنتك القادمه
كل امرأه تعرف نقاط الضعف عند زوجها
وتعرف طريقة اقناعه
وتختلف طرق الاقناع من شخص لآخر
كلميه بهدوء وبدون انفعال
واشرحي له شعورك
واهم شي المكان والوقت المناسب
وبعدين قولي له وانت وقلبك
تبي ترضيني او تزعلني ؟
واتركيه يفكر براحته
ولا تفتحين الموضوع مره ثانيه إلا قبل موعد ولادتك بيومين
وقولي له ( ها وش ناوي ترضي قلبي وإلا يهون عليك تكدرني في اول حمل لي )
وان شاء الله ما يحصل لك إلا كل خير
دعواتي

قولي له امك على عيني وعلى راسي ولو تبيني احطه بعيوني 000 ولعبي فيه بكم كلمه
وبعدين قولي حرام المسكينه تتعقد اذا كبرت 0 وحاولي تقنعينه بهدؤ لان بعض الرجال يعاند ويحاول يثبت شخصيته 0 الله يوفقك ويسخر لك زوجك0

انا اعتقد العكس ........كونه بيسمي ابنتك على امه هذي ميزه لك و لابنتك....خاصة انك زوجة ثانيه ..........هو اسم لاراح ولا جا وكل واحد يحلي اسمه........اخزي الشيطان وخذيها كورقة رابحة تكسبين بها قلب زوجك واهلة ما تسوى عليك ابلعيها واهضميها مضبوط.....لانه اذا مصمم بيسمي وانت ما تشوفين الجادة " لاتؤاخذيني " .........وفية مثل اجنبي يقول " اذا ما تقدر تغلبهم انضم اليهم " تقومين بالسلامة..

قولي له البنت الثانيه ان شاء الله لآسميها على اسم امك بس لآن هذا حملي اول خليني افرح فيه ( مع دموع التماسيح طبعآآ ) ^_^

حبيبتي قولي لو والدتك على راسي من فوق واذا صح تبغى ترضي والدتك سمي البنت اسم تفتخر بيه لما تكبر لانها راح تتعقد.. اختي حاولي ما امكن باي وسيلة تقنعيه فكري في مستقبل بنتك لانها المسكينة راح تتعقد ياليت الاخوات يساعدونك اكثر.
الله يقومك بالسلامة.

الله يهدي زوجك ........

والله انك انتي وبنتك الربحانين بالنهايه
يااختي وش البنت تتعقد حرام عليكم هو اسم لاراح ولا جا وش اسمها يعني عمشه عادي وربي
المهم ترضين زوجك وامه وصدقيني انتي كذا بترضين زوجك شوفي وش بتكون مكانتك بقلبه والله راح يعزك ويغليك ولايرضى عليك وامه نفس الشي بتحطك بعيونها والله بيثيبك لانك فرحتي هالمسكينه امه
انتي خيلي ولدك يسمي بنته عليك ياحي اللي يرد الجميل يابنت الناس وهي ماقصرت مع ولدها كبرته وربته وخلته احسن الرجال مو خساره فيها انه يسمي عليها
تعوذي من ابليس وسمي البنت والخير بأذن الله راح ينصب عليك من ورى هالتسميه
والله يهديك ان شاء الله

الحل انك تدعين انه ربي يسخر لك زوجك ويهديه لانه اي حل ثاني ماراح ينفع انا زوجي كان يقولي انتي تسمين البنت وظل طول فترة الحمل يقول نفس الكلام ولما ولدت سمعت من الناس اللي تبارك لي انه مسميها تخيلي الصدمه لما كلمته قال اخوي عرض علي اسم ومابغيته يروح بنفسه ياسلام المهم طلعت ونزلت وبكيت وزعلت وحتى بنتي ماقدرت اناديها 3 اسابيع كامله لاني كل ماجيت اقول اسمها احس بغصه بصدري واخر شئ رضخت للامر الواقع والحين اسم بنتي عندي احلى اسم مع اني كنت مستثقله دمه بس من اشوف عيونها انسى ثقل دمه واللي يقهر انه بعد ماسماها قال والله انا مدري وش جاني على هالاسم شوفي القهر ...
بس اختي اعرفي انه اسمها مكتوب بصحيفتها من يوم نفخ فيها الروح بس من اللي بيطلع هالاسم
اسفه على الاطاله والله يهدي لك زوجك وماتصيرين مثلي