اقوى وحسن وافضل واروع الخ مثبت مكياج وقت الصيف ماراح تصدقون

1. ماغيره ..


2. فازلين

السلام عليكم ورحمة الله وبركاته ..
أكيد مشكلتكم الصيف والزواجات بالصيف والمكياج اللي مايثبت من الحر والعرق بالصيف ..
وكم انواع مثبتات المكياج بالسوق ماركات تنفع ولا ماتنفع ...
لكن شيء اقوى من هالماركات العالميه يثبت المكياج 100% مضمون ..
تدرون وشو .....
اللي هو ..

ماغيره ..

فازلين

الصراحه انا احطه على وجهي قبل وضع اي شيء أكون غاسله وجهي كويس ومنظفته ومجففته أحط مسحات خفيف من الفازلين على كل مكان حتى الشفايف مااكثر ترطيب بس وعلى الشفايف بعدين احط كريم الاساس كثير كان او قليل بعدين احط البودره وباقي المكياج والله العظيم ثبات قوي ومضمون ..
وصراحه هذي فكرة وحده من الاخوات يوم أشتكيت في موضوع مشكلة صديقتي ان الكريم الاساس مع البودره اي ماركه جربت كل الماركات الطبي والغالي واللي كل ماهب ودب جربته لكن بشرتها حساسه جدا جدا جدا راحت لطبيب وقالها مافيه كريم اساس راح ينفع مع بشرتك وحطمها .. كل ماحطت المكياج كان بشرتها جدار قديم وبدت الصبغه اللي فيها يتقشر خدودها وجبهتها ولحيتها تكون بشرتها حلوه وطريه ورطبه وش حلوها قبل ماتحط اي شيء واذا حطت المكياج تقشر وجهها بشكل فضيع لدرجة انها ماتروح لزواجات الا نادر ..
وكان اليوم اللي مااتقدر ماتروح له الا هو زواجها ماتدري وش الحل لبشرتها وقالتلي ساعديني قلت اسالك رحت وسألت وردت علي وحده يارب توفقها وترزقها خيرات الدنيا والاخره يارب العالمين وقالتلي الفازلين مسحات ( شخوط ) حتى الشفايف حطي عليه ...
والله طلعت بشرتها خيال ولا تغير المكياج روعه وقسم بالله يوم شفتها بزواجها ماتصدقون شوي وتطير من الفرحه عشان مكياجها حلو لاول مره في حياتها ..
ولي قريبه من النوع اللي ( حراره) يعني راعية تصبب عرق باقل حرارة بالجوء ..
رحت اسوي لها مكياج نظفت وجهها وجيت احط فازلين قالت انتي منهبله تحطين فازلين على بشرتي وانا من النوع اللي يتصبب عرق .. قالت لها هذا يثبت المكياج قالت انا مااقدر احطه لاني راح اتصبب ..
والله ومسكها ومسح كل مكان بوجهها بالفازلين وشفايفها وحطيت المكياج عليها وطلعت قمر راحت لزواج ومن بكرا جت لمي وقالت لي تصدقين مع ان الجو حار ومت حر بسياره يوم رحت للزواج الا ان المكياج ماتحرك من وجهي ولا تغير ويجنن جيت للبيت وعلى ثباته .. لكن ......
الرقبه ماحطيت فيها فازلين بس كريم اساس وبودره طلعت رقبتها خرايط من الرطوبه ههه تقول انها يوم رحتللبيت انهبلوا اهلي ليش رقبتك كذا خرايط تقول وجيت وتذكرت انك ماحطيتيلي فازلين برقبتي وفرق بين الرقبه والوجهه ..
وقالت خلاص الفازلين هذا اهم شيء عندي قبل المكياج ..
اكيد تدرون عنه وانه مثبت قوي للمكياج لكن حبيت اقول للي مايدرون زي قريبتي ..
وإن شاءالله يارب اكون افدتكم يارب ..
استودعكم الله
دعواتكم الله يخليكم ان الله سبحان تعالى يكون راضي عني دنيا واخره يارب ..
منقول للأمانة