اكثر شي يعجب زوجك

1. وابدأ بنفسي

السلام عليكم ورحمة الله وبركاته
احييكم اخواتي واطرح موضوع ما ادري اذا مكرر او لا
الزوج دايما يعجب بزوجته كلها على بعضها الله يخلي لكم ازواجكم
الازواج دايما يعجبون باشياء في زوجاتهم اكثر من غيرها , بعض الازواج يصرح بها الشي وبعضهم يحتفظ به لنفسه وما يصرح به , لكن الزوجه الذكيه تحس وتشعر بها الشي بدون ما يصرح لها الزوج
وتختلف الاشياء اللي يعجب بها الزوج وتتراوح بين العاديه مثلا:
زوج يعجبه شي في شكل زوجته مثلا عيونها او شعرها او طولها او غرضها وغيره
وزوج يعجبه اكثر تصرف يصدر من الزوجه مثلا ضحكتها , مشيتها و طريقه كلامها
والعريبه احيانا مثلا :
زوج يعجبه شكل زوجته وهي تغسل الملابس واخر تعجبه وهي نايمه , وحتى منهم اللي يعجبه شكل زوجته وهي معصبه وزعلانه [/
وفيه طبعا اشياء تعجب الزوج مو مجال ذكرها في هذا المكان
خلونا نشوف ايش اكثر الاشياء اللي تعجب ازواجنا فينا سواءا هم صرحوا بها الشي او احنا اكتشفنا وخاصه الاشياء اللي ما توقعناها

وابدأ بنفسي

ثاني اسبوع من زواجي احنا في الفندق وزوجي يناظر على ايدي وقال تعرفين شي :ا يدينك ما شا الله عليهم حلويين واحسهم صغار , طبعا صادني نوع من الغرور العابر , قلت خلني اتدلع وانا اتحرك في الغرفه صدمت الطاوله بايدي وقلت اخ , قالي عسى ما شر ؟ قلت وانا اتصنع الالم ايدي انصدمت بالطاوله , على طول قام وسمى على ومسك ايدي وهو متاثر انا طبعا انبسطت على الاخر, في الليل عملت نفس الحركه وسالني عسى ما شر ؟ قلت ايدي صدمت في التلفزيون , قالي ان شا الله التلفزيون ما انكسر !!!! والله انصدمت , بس كان يمزح طبعا
انتي عزيزتي ايش اكثر شي فيك يعجب زوجك ؟