الاختبار التحصيلي

ياليتني أقدر أساعدك والله ما أعرف وأظن التسجيل يخلص يوم السبت ..
و أبغى أعرف عن مكانها والتخصصات اللي فيها وهل تقبل زي نسبتي 85.35 وعلى الأقل موقعها ..

اهلين ام دارينو
موفع التجيل في جامعة الملك سعود هذا الرابط جربي حظك فيه يقبلك او مايقبلك...
http://www.ksu-admit.net/default.aspx
حطي في اسفل الصفحة تقديم جديد... والله يعينك..

سلام ياحلوة انا راح افيدك على حسب تجربتي العام والحمدلله اني انقبلت في الطب بعد معاناة الاجازه كلها راحت في قبول وتسجيل ...... لاو الله حبيبتي ماعليك مني انا عايشه للتحطيم المهم ماعلينا ,,,,,,....شوفي ياخلود أول شئ سجلي عن طريق النت.....ا ذا تبغي تعرفي طريقة الترشيح ادخلي موقع الجامعة .... وبعدين روحي للجامعة في نفس الموعد المحدد لك على حسب النسبة ( بعد ماتخلصي من الترشيح بالنت راح تظهرلك الأشياء اللي لازم تجيبها معك وال هي : استمارة الترشح من النت بعد طباعتها - أصل شهادة التانوية العامة - صور شخصية - نموذج الكشف الطبي ( ودا ماراح سألونك عنه ف البداية)وبعدين هم راح يعطوك بطاقة دخول الاختبار ويوم الاختبار راح تجيبيها معك اما بالنسبة للاختبار التحصيلي فهو قسمين : قدرات عامة - اختبار تحصيلي
القدرات العامة : جزء كمي (رياضات يعني قوانين قديمة من الابتدائي والمتوسط ) - جزء لفظي ( يعني لغة عربية مثلا : المرادفات - المتضادات وحاجات زي كدا )
الاختبار التحصيلي : هذا عاد تضمن اللي درستيه في المرحلة الثانوية كلها : كيمياء و فيزياءو أحياء و E
شوفي انا العام ذاكرتله من ملازم قديمة اعطتني هي وحدة من صاحباتي وجبت كتاب اسمه الأمين في تنمية المهارات لاجتياز اختبار القدرات للقبول في الجامعات من مكتبة العبيكان وفيه كتب ثانيه بس انا ماجبتها والاختبار له ورقة مخصصة للاجابة الورقة تستخدمي فيها قلم رصاص عشان كله تضليل وبعدين هم يعطوكوا الكتاب اللي فيه الأسئلة وحيكون مقسم لأجزاء كل جزء له وقت مخصص للاجابة
ان شاء الله اكون افدتك بس ترى انا في جامعة طيبة بس اعتقد الفكرة وحده في كل الجامعات والاختبار على حسب ماسمعت انو السنة هدي حيكون يوم الاربعاء 29\6 صح نسيت ادخلي على موقع اسمه قياس ان شاء الله يفيدك لأنه انا العام حملت منه كتاب اسمه قياس مفيد مره فيه نماذج اختبارات وبالتوفيق وتفائلي خير

اليوم رحت الجامعه حسبو النسبه المتوسطه وقبلوني
بس اعطوني بطاقه مكتوب اسمي والرقم السجل المدني
مااعطوني ورقه اكتب البيانات لان صحبتي لماراحت للعلوم الطبيه خلوها تكتب بالورقه
مهمه الورقه ولاعادي ادخل بالبطاقه فقط ؟
والله اني خايفه لما رحت كنت مرتبكه

سلام أساور ايش هي دي الورقة صاحبتك ايش عبت فيها اعتقد هي مو مهمة اهم شي بطاقة دخول الاختبار اللي عليها صورتك ومكتوب عليها رقم السجل وبعدين ان شاء الله لازم تدفعي رسوم اشتراك لدخول الاختبار اعتفد من مصرف الراجحي والوصل اللي راح تاخديه من المصرف هو التاني مهم لازم تجيبيه يوم الاختبار

والله ماادري ايش بالورقه
بس يمكن للعلوم الطبيه الله اعلم
بس هما كتبوا بالكمبيوتر
انا دفعت بمصرف الراجحي 100ريال واعطاني سند
بس اللي خايفه منه هي الورقه الله يستر

لا ياعمري يا أساور لا تخافين عادي خليك ريلاكس كل يمشي لوحده ما يحتاج نشيل هم ..... ياحليلك يأساور أهم شئ ادرسيلك كم معلومة تفيدك في الاختبار الاتعالي ايش رايك في الجامعة ..................... حلوه صح ولو تبغي اي حاجة نحن في الخدمة من هنا لي نهاية السنة التحضيرية ويارب اشوفك في كلية الطب على فكرة انا مو كتوتة انا اختها وترى كتوتة قدك
ودمت بود وبطلي خوف ..................... نصيحه اخويه

ياهلا فيك وفي اختك
الجامعه روعه ان شاء الله نتقابل هناك
بس ان شاء الله اجاوب بالاختبار وارتاح من الهم

وأنا كمان رحت اليوم بس خسارة ما شفتك يا أساور
حسبوا النسبة في المواد العلمية وأعطوني بطاقة الدخول للإختبار التحصيلي ’’
بس يابنات ترى الاختبار يوم الاربعاء 26-6 وإلا غلطانة ؟؟؟
بالتوفيق إن شاء الله للجميع ,’,’,’