البخل المادي والعاطفي

1. موضوعي //قصة احدى صديقاتي وتعز علي كثير حبيت استشيركم فيها..؟؟

السلام عليكم ورحمة الله وبركاته..
قبل ابداء بالموضوع اتمنى الي ماعندها رد يكتفي بدعوه لي لان فيه ملك بيرد ولك بالمثل...

موضوعي //قصة احدى صديقاتي وتعز علي كثير حبيت استشيركم فيها..؟؟

انا عروس لي ست شهور مشكلتي بدات من اول ليله لي بس ماتوقعت انها مشكله الي هي ان زوجي المصون مرا جاف معي بالكلام لدرجة من اول يوم اخذته ليومكم هذا ماسمعت الكلمه الحلوه ولاحتى بغرفة النوم ولايوم حسسني باهتمامه اواحبه واكيد الاغلبيه ماراح يصدقون بس هذي الحقيقه انا قلت يمكن يستحي ومشيتها بس الصدمه الثانيه لبسي ماعمره علق حتى قمصان النوم مايبدي اي ردة فعل عليه ولاكانه شايف شيء لدرجة اني اروح اشتري لبس بروحي ولما البسه مااشوف ردة فعل وشعري اقصه واغير فيه ماينتبه سكت قلت يمكن مايعرف يعبر المهم استشرت صديقه لي قالت انتي خلي لسانك حلو عوديه مع اني حيويه بس قلت بحاول طبعا جت الصدمه ان مره قالي انتي موعاجتني توقعته يمزح سكت جاء مره ثانيه وقال انتي ماعليك حسوفه لو رحتي وانتي بلشه ويقولها بضحكه طبعا انا سكت ومايحتاج رسالته وصلت لانه قد قالي اناصريح والي يزعل بكيفه غير كذا بخيل مرا لدرجة انه مرا شراء لي علاج وكانت قيمته 150 قال غالي فيك شوي واغراض البيت بطلعت الروح يجيبها واحيانا يكون بالعمل والبيت مافيه اكل ولايفكر يجيب ويتعذر ان العمل رفضوا يطلعوه اجلس يوم كامل على كاس لبن طلعات تمشيات نسيتها من شهر العسل يقول مصاريف حدي اذا كان مروق بر :( انا صبرت مقدر اقول لاحد مع اني فكرت بالطلاق بس قلت لادامه يحترمني بصبر اخر صبري صار يهيني وكلامه بذيء معي وصار يهين اهلي قدامي ويضحك طبعا ازعل مايهمه ولايفكر يراضيني اخرشيء كرهة حياتي معه والحين عند اهلي من اسبوعين ولافكر يكلمني ولامسج..
ملاحظه::من اول يوم لي معه ماارسل لي الامره بس وانا دايم ارسل واذا سافر مايفكر يتصل الااذا جاء بياخذني ولمافتحت جواله لقيت مسجات لاصحابه كلها شوق وحب ؟؟؟؟؟
بنات انا محتاجه لدعواتكم بجد بجد نفسيتي تعبانه واحاول اخبي على اهلي وان الوضع عادي بس قسم لوبكره يطلقني يمكن انجن مع ان مافي شيء حلو معه يخليني اصبر بس اناحبيته وماتخيل نفسي مع غيره اوبدونه