البنات اللي ما انقبلوا بالجامعات ثلاث فرص

السلام عليكم ورحمه الله وبركاته
انا سألتني احدى الاخوات وكانت ما انقبلت في جامعات الرياض
سألتني عن الفرص المتاحه لها ..
وأجبتها ....
ومن باب حب لاخيك كما تحب لنفسك ومن باب المؤمن اخو المؤمن
حبيت اكتب لكم رسالتي لها عسى ان تفيدكم بشيء ..
شوفي عندك ثلاث فرص للقبول
الفرصه الاولى
النظام الانتقالي جامعه الملك سعود
أيش هو هذا النضام
هو انك تدرسين سنتين في كليه خدمه المجتمع
التابعه لجامعه الملك سعود واذا جبتي معدل فوق 2 تقدرين تحولين لجامعه الملك سعود في عليشه وتصيرين مثل طالبه من طالباتها
وتاخذين مكافأه طبعاً في كليه المجتمع للاسف مافيه مكافأه
ولما تحولين تصيرين مثل اي طالبه في عليشه
ويكتب في ملفك ان خريجه من جامعه الملك سعود ..
وتقدرين تحولين اذا جبتي معدل 4.5
من الترم الاول يعني تدرسين ترم واحد وتجتهدين ويقولون انهم متعاونين وتقدرين تجيبين في هاذي الكليه معدل حلوو
اما عن التخصصات اللي فيها هي
كل التخصصات اللي في جامعه الملك سعود
قانون ..علم نفس ..تربيه خاصه ..رياض اطفال
اداره اعمال . محاسبه .تعليم ماقبل المرحله الابتدائيه ..والخ
والتسجيل فيها الكتروني وراح يبدأ ان شاء الله
ناس يقولون في واحد رمضان وناس يقولون في خمسه رمضان ما ادري بس خليك متابعه لمنتدى جامعه الملك سعود
كليه خدمه المجتمع
الرابط http://www.cksu.com/vb/f27/
وهذا رابط التسجيل بعد تفضلي ..
Untitled Page
وفيه فرصه ثانيه بعد
الي هي الدفعه الاحتياطيه في جامعه الامام
كيف التسجيل فيها
عاد اسأليني انا ..خبره فيها
ثلاثه من صديقاتي انقبلو فيها الحمدلله
واللحين بأذن الله اربعه راح يسجلون بنفس الطريقه وحده منهم بتروح بكره ان شاء الله
يوم 23 ثمانيه
وبعلمك وش صار لها ان اشاء الله
الطريقه هي
تخلين احد من خوانك او ابوك او اي احد
يروح جامعه الامام حقت الطلاب
قسم عماده القبول والتسجيل
ويعطيهم ملفك وراح ياخذونه ان شاء الله
وتطلع الاسماء قبل الدراسه بأسبوعين
ويقبلون ناس كثير نسبهم نازله
والله ماشاء الله عليهم جامعه الامام محد يسوي كذا مثلهم
وقلت لك ثلاثه من صديقاتي انقبلو وقريت اسمائهم بنفسي ..والطريقه هاذي عرفتها السنه اللي فاتت من منتدى جامعه الامام ومن صديقاتي اللي راحوا
ولما تنزل النتائج تطلع في الجرايد الالكترونيه (الرياض ) وتطلع في موقع جامعه الامام وفي منتدى جامعه الامام
وفي كثير من المنتديات ..
تخلين اي احد يروح يودي ملفك في رمضان
وكنت اقرى هذا الكلام في منتدى جامعه الامام
السنه اللي فاتت ان اغلب اللي سجلو راحو في رمضان وانقبلو وبدون واسطه بعد
عشان كذا انصحك تروحين في رمضان متى عاد ما ادري اتوقع مافيه وقت محدد لان فيه ناس رايحين شهر عشره وانقبلو
والاوراق المطلوبه هي :
شهاده الثانويه واربع صور منها
شهاده حسن السيره والسلوك وثلاث صور
نتيجه اختبار القدرات وصورتين على الاقل
تطبعينها من المركز الوطني للقياس والتقويم
صور كرت العائله ثلاث نسخ ..
وزي ماقلت تنزل النتيجه في شهر عشره قبل الدراسه بأسبوع حتى لو تأخرت لاتخافين تابعي قوقل كل شوي
وترى يسمونها الدفعه الاحتياطيه
واذا شفتي الاسماء لاحضي جنب اسم الطالب تاريخ المراجعه يعني يراجعهم في تاريخ كذا وكذا
والتاريخ متأخر شوي يعني لاتستعجلين وتنتضرين توصلك النتيجه بسرعه
وفيه فرصه ثالثه
اللي هي الانتساب في جامعه الامام
وهذا ردي لاحد الاخوات عن الانتساب في جامعه الامام فضلت احطه لانه شامل
في جامعه الامام نوعين من الانتساب
1- أنتساب مطور
2- أنتساب تقليدي
وكلها لازم تدرسين قبلها دوره تأهيليه مدتها ترم واحد ورسومها ثلاثه آلاف ريال
وطريقه دراستها على النت ..وفي وقت الاختبارات تختبرين في الجامعه ..أو في مراكز اختبارات
.........................
لما تخلصين الدوره التأهيليه تختارين أحد انواع الانتساب سواء تقليدي او مطور ..
الانتساب المطور ..تدرسين على النت ورسومه الفين وخمس ميه ريال2500.
وتخصصاتها (..شريعه ...دعوه ... أداره أعمال .. أقتصاد ..)
ادراه اعمال واقتصاد ماتقدرين تحولين الا بعد مرور ثلاثه اترام على دراستك
ويشترط للتحويل معدل 3.75
وهذا الشرط صعب صراحه
اما الدعوه والشريعه تقدرين تحولين من الترم الاول والمعدل المطلوب للتحويل هو 2.75
يعني تقدرين تحولين بسهوله مايحتاج تجتهدين بس جيبي تقدير جيد
هل هذا صعب ؟
وتخصص الدعوه اسهل من الشريعه
والاختبارات راح تكون صح وخطأ اوا ختياري
يعني سهل تحلين الاسئله وتتفوقين فيها كمان
أما الانتساب التقليدي مجاناً ..وطبعاً معروف تذاكرين في البيت وماتدرسين الا في الاختبارات النهائيه
وتخصصاته ( أصول دين ..ولغه عربيه )
واذا جبتي معدل مرتفع تقدرين تحولين أنتضام وتاخذين مكافأه وتكتب في شهادتك انك انتضام
بس اذا مضى على شهادتك الثانويه أكثر من خمس سنوات ماتقدرين تنتضمين ...
ملاحضه : بعد الدوره التأهيليه يقبلونك انتساب على طول يعني مافيه مفاضله وناس تنقبل وناس لا ..
كل اللي يدرس دوره تأهيليه ينقبل انتساب على طول ..
واذا عندك استفسارات ادخلي على منتدى الجامعه راح يفيدونك عن مواعيد التسجيل وغيره
في النهايه اتمنى لكم التوفيق والسداد يارب
تحيتي للجميع
منقول من منتدى القبول الموحد - أوفى البشر