التبكير و التأخير في التجهيز

والله انا برايي تبدا م نالحين
لان هم بصراحه

بصراحة من ناحية هم الا هم و شقا ..
و خصوصا اللي مثلها ما تبي أي شي ... تبي أشياء حلوة كثير ..

السلام عليكم ورحمة الله
نصيحة مني إنج تبدين من الحين لأن يتراوى لج إن باقي وايد بس بالنسبة للأغراض الي بتشترينها يبي لج وقت و على ما تدورين و تلفين و خصوصاً انتوا السعوديين ما شاء الله عليكم تاخذون أشياء وايد ههه
و خصوصاً انكم إخوات ثنتين يعني بتجهزون في نفس الوقت و كل وحدة بتعطل الثانية
وعلى العموم لو بديتي من ألحين وخلصتي من وقت ما بيظرش شي بس لو تأخرتي و صادتج الزحمة بتنسين ألف شي وشي و بترتبكين و حالة فجهزي على راحتج علشان تقارنين بين الأسعار و بضايع المحلات و كل شي على راحة أحسن
وترى اخذي هاذي النصيحة من وحدة مجربة لأني عروس و دايخة في التجهيزات و نص الأشياء ما خذيتها لا و زواجي بعد اسبوع
و بالتوفيق إن شاء الله

والله اختي انصحك تبديم من الحين
انا باقي على زواجي 7 شهور ومن هالايام بديت
لاني ابغى اخلص كل اغراضي قبل الزواج بشهر او اكثر
عشان ارتاح
وانتبه لنفسي وافضالها
والله انصحك لا تتاخرين اكثر

لازم تبدين الحين حبيبتى في الاخير تفرغى لتجهيز الحفله
واذا بتعتنين بجسمك يبغا لك قبل شهر او شهرين تبدين لكن الاغراض من الحين لازم تشدين حيلك

أشكركم كثير على هالنصايح ..
بس أمي شسوي فيها .. لمن قلت لها ببدأ أجهز ..
تقول ليش انتي طايرة جذا .. .. حاولت افهمها ان يبي له ..
قامت تقول لي لا حتى لو قبل العرس بشهر و الا شهرين يمدي ..
و بصراحة جاني احباط قوي .. امي تفكر على زمانها احنا نشتري اي شي عادي ..
نبي اشياء كشخة و حلوة .. و في اخر شهرين نبي ندور على احسن فستان عرس و المشغل و التصوير و هالاشياء ..
خصوصا ان احنا عندنا أيام ما نقدر نطلع فيها السوق .. فجدا بيصير زحمة بعدين ..
اما امي من يوم قالت لي ليش انتي طايرة .. تعقدت ما ابي أتسوق .. اذا اللي تبي تجهز مبكر عشان تلقى أشياء أحسن لها و لزوجها يسمونها طايرة ...