التجمع التآسع المشي ع السير بنيه خير أجتمعنا وبعدهآ محبةمن الله أستمرينا الله يدومهآ

السلام عليكم ورحمه الله وبركاته
مساء الورد
مساء الحب
مساء الوفاء والأخلاص على الجميع
كيف حال الجميع بدون استثناء
صراحه ماني عارفه من وين أبد
ولا كيف أرتب حروفي لآن الوصف يعجز عن التعبير
بالتجمع الثامن فكرت انه أخر تجمع للجميع يعني يظل فتره حسب استمرار الجميع
وماكنت متوقعه ان راح يظل مطالبه ومن الجميع للآستمرار وفتح تجديد
رغم الظروف رغم ضعف الأراده وقوتهآآآ
الا ان سبحان الله فيه شي يمنعنا ان نتوقف او نبتعد عن بعضنا
احس اني مسؤله عنكم حتى لو ع حساب استمرار شخص واحد
من بنات قروبي وطلبت مني اظل معاها راح اظل لاني مانسيت ولا بنسى ايامنا وتعبنا مع بعض
ابي الكل يووصل الى اللي يبيه يحس انه انجز فعلاً وانه مافي شي بعيد عن الله
انا صريت ان التجمع السابق اللي هو الثامن انه يكون وصل لهدفي
اني اجني ثمره تعبي
و الحمدالله بفضل من ربي وصلت
وكآآآآآآن فرحتي اكبر والله يشهد عشان فرحتكم معآآآآي
لاني عشت لحظه بلحظه مع بنات قروبي
وحسستهم بخوفي
وحسستهم بزعلي
وحسستهم بفرحتي
وحسستهم بكل شي عشته مع وزني ومع حالاتي النفسيه
الله يشهد كنت شايله همهم
مو عشاني لا عشان عارفه ظلو يحاتوني مثل ما انا جلست احاتي نفسي واحاتيهم
بشهد الله لو بدعي وبدعي وبووصف كل وحده منهم مارح اوفي
لكن كلمه حق تنقال
ماعمري نسيتهم من دعوااتي وهذا محبه من الله الحمدالله
عسى ربي يتممهآ علينا
ويشهد الله اكبر طمووح لي الحين اشوفهم واصليين لأوزان مثاليه من غير شر
ويفرحون بحياتهم واسئل الله اجابه الدعووه أمين
التجمع الثامن
دام تقريباً 6 شهور
من شهر 10
واليوم نبدا بتجمع جديد ان شاء الله يكون تجمع خيير ومحبه وبركه علينا
بنسبه لي
انا لي فترره ماقسست من وصلت للوزن اللي كنت ابيه ومارح اقيس الا بعد كم شهر
لاني مابي افكر بوزني لان وصلت لحاله مسوسه وزن
وازيد المششي
ويبنى لي عضل والاحظ زياده ونقصان بوزني
عشان كذا فضلت
لي فتره
اني اكل اشياء معتدله + المششي
والحمدالله احس مرتاحه كذا
وعقبال ما اوزن ويكون وزني ثابت وللأبد من غير شرر
صراحه كل ثقه بالله ثم المشي المشي المشي
هو اللي غير حياتي
وغيرر نفسيتي وكل شي
لذلك بكل تجمع وبكل مكان وكل من يسئلني
اقول لهم الله الله بالمشي من دونه مارح توصلون ومارح تحسسون بلذه تعبكم
ابدا
لاني واثقه وعن تجرربتي هو سلاحي بعد ربي
عشان كذا ودي الكل يحس
ولا يترك فرصه قدام عيونه
عنده الحل وربي ولا هو صعب
انتم بس اقنعو انفسكم حببو أنفسكم بالمشي
صح في بدايتي كنت متكسله وشايله هم الدنيا مابي امشي
بس اقسم بالله بعد كم شهر من استمراري وشفت تغير بشكلي ونفسيتي عشقته بسم الله علي لاحول ولاقوه الا بالله ربي يتمم علي
لاتلموني
لانه غير حياتي
وعقبال الجميع الله يحببكم بالخير ويحببكم بالشي اللي من صالحكم
طولت عليكم بكلامي
بس
وغير كذا انصحكم انصحكم وكثير اكرر كلامي الدعاء ثم الدعاء ثم الدعاء
لا تحسدون انفسكم منتو خسرانين والله انه عظيم وله نتائج ثمينه
ادعي بصلاتك ادعي وانتي ساجده واثقه ان ربي بيعينك وبيووفقك
وصدقوني ماخاب من رجاء الله
نظامي
و قااعدتي
و راي للأبد ماارح يتغير
وبظل احطه لكم بكل مكان لماا ينرسخ فيكم
وتحفظونه وتطبقوونه عن ظهر غيب
لاني مابي احد يفوت الحلل من بيين يده
(((( صراحه
انا اشوف ان الدايت خصوصا اللي استمرت من التجمع الاول الى الأن
اكيد حست وتعرف هالشي
ان الدايت مو صعب وان الوحده تسوي لها نظام حلو خفيف بحيث تاكل اللي تبينه
ولا تحرم نفسها
والمشي بعد اللي جربته ومشت الحمدالله حست مافي شي صعب لان
المشي مو مثل مالكل متوقعه
موعيب ان الأنسان يجرب ويفشل حتى لو خربط وجته حاله وزاد وزنه سواء من الظروف ولا اي شي صار له..
لكن العيب اللي يزد من يأسه ولو شاف وزنه زاد اوو خبص يومين او 5 ويقول خلاص مو قادر اضبط نفسي
لان هذا راح يجيب نتيجه عسكيه ولا راح يقدر الأنسان يضبط نفسه..
بالعكس انا عن نفسي لوو شفت نفسي خربطت وربي صحيح اندم
بس بنفس الووقت اكوون مو متندمه تدرون ليش
لاني من اول مابديت دايت الى الأن خذتها قاعده
ان أتحمل نتاائج اي خربطه سويتها
واعقب نفسي.. واعقابها بأيش!!
ازيد وقت المشي اللي امشييه دايمآً
يعني انا امشي في اليووم ساعتين
صراحه اذ خربطت اززيد على الساعتين ساعه زياده
يعني اخلي نفسي امشي 3 ساعات باليوم
يعني باليوم اللي خربطت فيه كذا
او اذ كنت امشي ساعه اخليي المشي ساعتين
يعني لازم احررق اللي خربطته
عشان ماحس بذنب واحس ان خربت الدنيا
صدقووني يابنات
ان هالطريقه اللي خلتني الى يوومكم استمر بالدايت الحمدالله ونااجحت معي
وانا بالأمانه اقول كلمه حق عن نفسي
الحمدالله انتظم مشاء الله علي ونادراً ما اخربط
وافرغ طااقتي باليوم المفتوح اللي هو يوم الجمعه واكل كل اللي نفسي فيه
من شبسات. ومقليات و شوكلاته كل شي
وامشي بعد فيها حوالي الساعتين وثلاث
واليوم المفتووح كسر للأسبووع والحمدالله بعد يظل يحررق الجسم طول الاسبوع ويساعدك ع نزول الوزن اكثر...
يعني
حلو اننا ننتظم طول الأسبوع
ناكل تخفييف ونقلل من النشويات ونتبعد عن الحلويات والأكلات اللي سعراتها عاليه+ المشي مايقل عن ساعه او ساعتين
واذ جاء الجمعه اكلي اللي تبينه ياجعلك تاكلين قوزي لوحدك عادي مايضضرك ههه
والله ثم والله اللي تسووي كذا
راح توصل للوزن المثالي حتى لو بالبطئ
هذا هوو خطتنا يابنات
واللي تمشي عليها والله ثم والله بتجي تبشرني وبتفرح من نفسهآآآ
اسئل الله ان يحقق آمانينا وأمانيكم أمين أمين
واخيرآ
حبايبي
اتمنى من اي وحده امر عليها او اطري على بالهآ تدعي لي بظهر الغيب
احتاج ولا استغنى عن دعواتكم
ولاتنسون ان الملائكه باي دعاء لأغيرك تقول ولكِ بالمثل
الله يستر عليكم دنيا واخرى ويوفق الجميع لما يحبه ويرضاه
ويارب توصلون لأوزانكم اللي تبوونها وانتم بفرح ومسره
يارب اهدني وييسر لي واشرح صدري آمين
يارب اغفر للمسلمين والمسلمات والمؤمنين والمؤمنات الأحياء منهم والأموات
واللهم صلي وسلم على سيدنآ محمد
طيبة حييل