التحليل ما قبل الزواج

فرااشه ورديه

11-09-2022 - 04:03 pm

بنات طمنوني وقولي لي التحيل من اسويه قد ايش ياخذ وتطلع النتيجه ؟؟
وبعدين انا وخطيبي مو نفس المدينه ... يعني لازم خطيبي يسوي التحليل اول وبعدين اخذ نتيجته وانا اروح احلل ؟؟ ولا كيف ؟؟ الله يسعدكم طمنوني استناكم كعادتي

التعليقات (9)

*طوق الياسمين*

11-09-2022 - 06:35 pm

هو يسوي التحليل
وانتي تسوي التحليل
وتاخذو الورقتين حقت النتايج وتعرضوها على دكتور وهو يشرح لكم النتيجه...
اتمنى لك التوفيق

فرااشه ورديه

11-09-2022 - 07:36 pm

الله يسعدك يارب بهذي الساعه ربي يستجيب لدعائي وربي سويتي خير فيني
يعني انا اقدر اسويها مو شرط لازم نفس ورقته ؟؟
وياخذ قد ايش والنتيجه تطلع؟
جاوبوني بنوتات وربي محتاجتكم ؟

روح الغالي (:

11-09-2022 - 08:37 pm

انا بقولك طريقتي
خطيبي بمدينة وانا بمدينة اوكي
خطيبي سوا التحليل السبت واعطاني هو الاربعاء
بعدين رحت انا واعطيتهم اوراق خطيبي وكان يوم
الأثنين وطلعت النتيجة الأثنين الي بعده
النتيجة تأخذ اسبوع بس 7 ايام
وهذي التفاصيل ياحلوة والله يتمم لك على خير
ودعواتك لي بالتوفيق والستر

شووق الحلوة

11-09-2022 - 09:38 pm

انا سويته بس جلس اربع ايام يمكن عشانه بنفس المدينه
اتطمني ووكلي امرك لله وكل شئ يصير بامر الله سوى الزواج او غيره

*طوق الياسمين*

11-09-2022 - 10:39 pm

آآآآآآآآآمين
تسلمي على الدعوه الحلوه ياعسل..
___
بالنسبه للوقت
يكون على حسب المستشفى اللي تسوي فيه التحليل...
واكيد انتي تسوي النتيجه بدون ورقة خطيبك لأنها مو شرط..
اتذكر وحده من الدكتورات القت محاضره في ثانوية الريان...تقول انه اي بنت المفروض تسوي الفحص هذا حتى لو انها مو مخطوبه وتكون الورقه عندها

{.. رٍحِـيًـل للمٍـجَـهُـوٍ?

11-09-2022 - 11:40 pm

شوفي عيوني ...
أنا بمدينة وخطيبي بمدينة ...
أنا سويت التحليل بنفس مدينتي
وهو سواها بنفس مدينته ..
نتيجتي أخذت أسبوع .. والمدة تختلف من مدينة للثانية ..
بعد ما طلعت نتيجتي طلبتها منهم .. قالوا لي لا ما نعطيك النتيجة ...
وقالوا إنه هو يرسل نتيجته على فاكس المستشفى اللي انا سويت التحليل فيه وعطوني رقم الفاكس على أساس أعطيه وإذا وصلتهم هم يطابقونها ويعطوني النتيجة الأخيرة إما توافق أو عدم توافق.. أو أنا أرسل النتيجة للمستشفى اللي هو مسوي فيه التحليل وهم يطابقونها هناك بمدينته...
اللي صار إنه هو أرسلها .. وصلت نتيجة تحليله الصباح أنا استلمت النتيجة النهائية بعد الظهر اللي هو التوافق الحمد لله
يعني السالفة كلها على بعضها أخذت أسبوع تقريبا
أتمنى أكون افدتك ... ويمكن النظام يختلف من مدينة للثانية
وبالتوفيق

^^هنوني^^

12-09-2022 - 12:42 am

انا سويته الاسبوع الي فات ب24 ساعه مستعجل خ بس بفلوس في مستشفى حكومي لان في المساء بفلوس والصباح فري
اما المستشفيات الحكوميه كلها تاخذ 7 ايام الا الي بيدفع فلوس انا والله دفعت لان ام خطيبي ازعجتنا في هالتحليل بيجيها جلطه لو تنتظر اسبوع -
بس وتاخذون الورقتين وتعرضونها على دكتور ويعطيكم شهاده التوافق الي تتملكون بها والله يتمم علي وعليك وعلى بنات المسلمين امين

فرااشه ورديه

12-09-2022 - 01:43 am

الى كل من رد على موضوعي ربي يسعدها دنيا واخره يارب والله يسهل اموركم ويسخرلكم ازواجكم ويكتب لك الذوريه الصالحه يارب طمنتوني وافدتوني

روح الغالي (:

12-09-2022 - 02:44 am

آمين الله يستجيب منك

لاول مره بالمنتديات عطور الماركات العالميه على شكل روج←
تبغي زوجك أو خطيبك خاتم باأصبعك→