التصميم والمصممين

1. صباحكم عسل يا أحلى فراشات

صباحكم عسل يا أحلى فراشات

حبيت أطرح موضوع مرة محيرني .... ألاحظ في الفترة الأخيرة إن غالبية الناس طاحوا في المصممين طيحة قشرا ... كل ما جت بطاقة زواج حتى لو من الجيران بدت عملية البحث عن أفضل وأحيانا أغلى مصمم!!!!!!!!!!!! على قدم وساق ...... حتى لو الحرمة قد الحال بس أهم شي شفوني تراني ألبس من (....) وبعدين اذا رحت للمناسبة تبدا الاسطوانة المعتادة فستانك من وين ؟ اذا قلت من المصمم الفلاني قالت : واو وانا أقول من وين جت كل هالأناقة , أما ان كان جوابك شريت القماش من طيبة أو العويس أو حتى الأندلس وألفت موديله وفصله الخياط اللي عند بيتنا قالت : بصراحة باين انه شغل برببسة وتجميع أي كلام !!!! (حتى ولو انه ذوق) أنا ماقول لاحد يشتري من السيركون أويسوي عند مصمم بالعكس سوي اللي تبين لكن بحدود مثل يكون زواج قريبك مره اختك عمك أوانك بنت نعمة ومريشة......الخ ، لكن اللي أعارضه ان الواحدة صارت تحط فلوسها في فستان وأحيانا تتسلف عشان تجاري اللي حواليها حتى ولو انها دورية اخوانها....ويمكن ماتصدقون ان فيه اقمشة مايتعدى سعرها 20 ريال اذا صممت لها موديل رايق ودخلتيهاعند خياط مضبوط بتطلع أحلى بألف مرة من شغل أطلق مصمم............... كل العملية يبي لها (ذوق راقي- مزاج رايق - سعة بال) وعلى ضمانتي ان شاء الله انتي نجمة الحفلة