التكيس

يا عالم يا ناس معقوله مافيه ردود 50%من النساء عندها تكيس

ما ادري لانه ما فيني
بس لازم تعالجينه عشان تحملين ان شاء الله
و اسمع انه اللي فيهم يأكلون كلوميد
لا تأكلين اي شي الا باستشارة الدكتور
الله يرزقج و يرزقني و يرزق كل المسلمات

هلا حبيبتي
التكيس يسبب زيادة في الوزن وحب الشباب وارتفاع بهرمون الذكورة وحجم المبيض يكون كبير ..أنا مافيني بس اختي تعاني منه من كم سنه تقريبا..أما مدة علاجه فالعلم عند الله ممكن يصير الحمل بعد شهر من العلاج أو شهرين أو أكثر حسب إذا كان التكيس بسيط أو شديد لاقدر الله..أما الكلوميد فما اعتقد انه علاج للتكيس لأن اختي تاخذ حبوب ديان وجلكوفاج أما الكلوميد فهو منشط للمبيض..وبالنسبة لآخر سؤال ..صحيح ممكن يكون التكيس خطر إذا لم يعالج ..وممكن يسبب العقم لاقدر الله..اختي نصيحتي لج عليج بعسل السدر وتخلطينه بغذاء الملكة وتاخذين ملعقة كبيرة قبل الفطور بنص ساعه ..طبعا مع أخذ العلاج اللي تكتبه لج الدكتورة ..وكل شيء بئيد رب العالمين ..على فكرة في وحده من أهلنا عندها تكيس وبنفس الوقت تحمل كل سنه ماشاء الله عليها ..لا تخافين منه إن شاء الله يكون بسيط وتحملين في القريب العاجل وتبشرينا ..اللهم آمين
وسامحيني اختي طولت عليج بالكلام

نعم التكيس يسبب زياده في الوزن اما بالنسبه لمدة العلاج فكل شي بيد رب العالمين فيه ناس تتعالج من اول شهر وفيه اللي تقعد شهور وممكن سنيين تتعالج منه اما علاج التكيس فهو مثل ماقالت امواج الذهب الجلوكافاج واذا كنتي لاترغبين في الحمل فيستخدم معاه حبوب منع الحمل لوقف نشاط المبيض اما اذا رغبتي في الحمل فيستخدم الكلوميد ولكن تحت الاشراف الطبي اما خطورته فهو يسبب تاخر في الحمل واضطراب في الهرمونات وايضا اضطراب في الدوره ......اخيرا الله يشفيك ويشفيني لاني اعاني منه زيك........

صباح الخير يا فراشات
كيفكم
انا اعاني من التكيس واضطراب في الدورة بس وزني طبيعي ولا اعاني من التشعر ولا عندي حبوب شباب اللهم لك الحمد
سؤال لامواج الذهب تقولين وحدة من قريباتك عندها تكيس وتحمل كل سنة ماشاء الله
عندها اضطراب في الدورة يعني ما تنزل الا كل شهرين ؟؟
الله يشفينا واياكم ويرزقنا الذرية الصالحة
صار للدورة شهر ونص ما نزلت وعملت تحاليل وما طلع حمل بس من 10 ايام نزل معاي كم نقطة دم وراح شو مشكلتي؟؟
التكيس يسبب العقم؟؟؟؟؟؟؟
مشكورين

عزيزتي فلوة مو شرط اللي عندها تكيس يصير عنها اضطراب في الدورة ..يعني اختي عندها تكيس بس تجيها الدورة كل شهر..وبالنسبة لي قريبتي أنا ما أدري اذا الدورة منتظمه عندها أو لاء..بس اعتقد ان التكيس عندها خفيف مو شديد..والله يرزق الجميع بالذرية الصالحة عاجلا غير آجل...اللهم آمين

مشكورة اختي امواج الذهب
معليش سؤال ثاني عسل السدر وين الاقيه واذا لقيته شكثر غذا الملكات احط معاه ادري بسبب لك صداع مشكرة مرة ثانية لا تعطيني وجه ترا اسئلتي واجد الله يوفقك

اختي انا كان فيني تكيس الدوره كانت تتأخر اسبوع 10 ايام ومره تاخرت شهر بعدها اكتشفت انه فيني تكيس شديد مثل ماقالت الدكتوره عطتني جلوكوفاج اللي هي حبوب السكر تشيل التكيس وعطتني كلوميد في الدوره وكمان ابر منشطه وحصل تبويض كويس لكن ماصار حمل والشهر اللي بعده حملت ونزل على طول الحمدلله على كل حال
الاجابه على اسألتك:
1)ماتوقع انه التكيس يزيد الوزن انا فيني مع انه جسمي مره نحيف ولافيه ظهور للشعر
2)المده التقريبيه على حسب الجسم واستجابته للعلاج
3)الكلوميد ينشط البويضات مو شرط للي عندهم تكيس حتى اللي عندهم ضعف فالتبويض او صغر حجم البويضه
4)اكيد خطر اذا لم يتعالج
الدكتوره قالت لي احتمال يكون فيه حمل مع وجود التكيس بس اكيد الاحتمال ضعيف

ام مرام
امواج الذهب
مشتاقه لطفل
فلوه
rose-xp
شاكره لكم تفاعلكم وردودكم
الاكثر من رائعه الله يرزقكم الذريه الصالحه يارب