الجاذبية والدلع لكل انثى بالصور موضوع متكامل اسرار الانوثة فرصة عمر

1. وهذي صورته


2. واو فعلا دلوعه لما تحطين الشريطه الحمراء على شعرك وهو مموج ,,,


3. السر الثاني هو : العيون


4. يعني افهموها خلو النت للنهار وبطلوا السهر


5. نظرات الدلع هي :


6. نظره تفكير بس ما يخفى عنها الدلع


7. يالله الحين خلونا مع السر الثالث و

بسم الله الرحمن الرحيم
السلام عليكم ورحمة الله وبركاته ...........
حبيت اقدم لكم هالموضوع عن الجاذبيه والدلع الي تحتاجها كل انثى وبدون مقدمات فاصلا الموضوع طويل بس خليكم متابعين معي
فيه اشياء مهمه في الانثى تزيد من جادبيتها ودلعها واناقتها فعندنا الشعر
الشعر : ما ننكر اهميه الشعر بالدلع ,,, يعني الشعر مثل ما يقولون تاج جمال المرأه ,, حاولي تحافظين على تاج جمالك وتلمعينه وتجملينه بدل ما تهملينه ,, اكيد الدلوعه تودي شعرها يمين ويسار وهي مو مهتمه ,, ترفع شعرها تسدل شعرها تربطه بشرايط وكلبسات حلوه ولا تهتم ,,, تسوي فيه حركات بكل ثقه ,,, لان شعرها صحي وجميل حتى لو ماكان ناعم
كيف تهتمين بشعرك ؟؟؟ خلطات العنايه بالشعر : في خلطات كثيره وسريعه وما تكلف اي وقت واي جهد مثل ماسك الزبادي للشعر ,, طبعا ما يخفى علينا فوائد الزبادي للبشره والشعر ,,, هذا اذا ماكان عندج اي وقت ,, اما اذا كان لديك القليل من الوقت ممكن تخلطين مجموعه زيوت مثل زيت الخروع وزيت اللوز المر وزيت الزيتون وزيت جنين القمح ,,,, الخ واقصد زيوت الشعر وتخلينها بعلبه وقبل الحمام بساعه تخلينها على شعرج ما راح تخسرين اي شي وراح تشتفدين شعر اقل تساقطا ,, اقل تقصفا ,, اكثر لماعا ,,,, هذي الخلطات السريعه وما اقصد فيها البنات الي ماشاء الله مهتمين بشعرهم على طول ,, خصصي يوم واحد بالاسبوع لشعرك وخلطاته ,,, اعتقد ان تاج جمالك يستحق ولو يوم واحد بالاسبوع ....
اختيار الشامبو المناسب للشعر : طبعا كل وحده نوعيه شعرها مختلفه عن الثانيه ,, اكيد من كل شامبو في انواع مختلفه ومتنوعه للعنايه بالشعر اختاري النوع المناسب مع البلسم وكريم التصفيف ( المجموعه كامله ) ,,, وهذي المعلومه ما تخفى عليكم يا حلوات بس في بنات يستخدمون الشمبو والبلسم من نوع واحد وكريم التصفيف نوع ثاني ,,, اكيد مو غلط بس كل شي من نفس المجموعه افضل .....وطبعا لاتنسين الاستحمام بالماء البارد لان الماء الساخن يسبب تساقط الشعر وتقصفه
الاستشوار : اذا كان شعرك يحتاج للاستشوار بصوره دائمه في كريمات تنباع لحمايه الشعر من الاستشوار وحرارته ,, اذا ما حصلتي في السوبرماركت تحصلين بالصالونات ,, عادي يبيعونها ,, فيه (كريستال سيروم حلو مره

وهذي صورته

بدائل الاستشوار : فيه بنات كل مااستحموا وغسلو شعورهم على طول سشوار وبعد فتره تحصلين شعرها متقصف ويتساقط لان الحراره لها تأثير سئ عالشعر ,, في بدائل ثانيهعن تصفيف الشعر بالمجفف مثل الموس (MOUSS) ما اقصد الموس الس يستخدمونها لازاله الشعر ههه , اقصد الرغوه الي تجي في علبه طويله ,, تخلينها والشعر رطب وتسوي الشعر مموج ( كيرلي) يعني تعطي شكل جديد وجميل واكيد الدلوعه لازم تغير ستايل شعرها من وقت لوقت ,,هذا مثال للموس الي اقصده
طبعا في انوع كثيره واحسن نوع استخدمته هو ويلا ... من البدائل الاخرى الرولات الي تنحط بالشعر
طبعا تعطي نتيجه حلوه وجذابه ,,, مثل هذي

واو فعلا دلوعه لما تحطين الشريطه الحمراء على شعرك وهو مموج ,,,

العنايه بالصالون : اكيد تروحين الصالون لاغراض مختلفه ,, اجعلي شعرك غرض من هذه الاغراض وخصصي له يوم في الصالون للاعتناء به من حمام زيت وماسكات وغيرها ,,
اختاري ما يناسب شعرك : طبعا الشعر لازم اطرافه تتعدل بالمقص كل 3 شهور والا تكون اطرافه تعبانه وناشفه ,,, احرصي على هالنقطه .. حتى لو كنتي ما تبين تقصرين من طوله فقط قومي بتعديل الاطراف ,,,, اكيد المظهر الجديد المتجدد يعطي الدلوعه ثقه في نفسها ,, جددي في مظهرك ,, اختاري قصه الشعر المناسبه مع الصبغه المناسبه لك ... اكيد في كثير بنات يخافون يقصون شعرهم او يصبغونه ,, وياكثرهم الي اعرفه ,, لكن انا اقولهم جربوا والتجربه خير برهان ,, راح تشعرين باحساس جديد شرط ان القصه او الصبغه تكون ملائمه وعلى يد خبيره
طبعا تكلمنا عن السر الاول وهو الشعر الان سوف نتكلم عن ثاني سر من اسرار الدلع ...

السر الثاني هو : العيون

اه من العيون وسحر العيون ,, العيون مركز معرفه الاخرين لمدى ثقتك في نفسك وحبك لذاتك وتقديرك لها ,, كلما كانت العيون منكسره ضعيفه متردده دل ذلك على قله الثقه والتردد وكلما كانت نظراتك حازمه ثابته قويه وسعيده دل هذا على الثقه وحب النفس ( ما اقول صيري قويه عيون ,, بس خليك ثابته ) طبعا العين الجميله الصافيه اكيد صاحبتها يحق لها تتدلع ونص ,,, لكن الي عينها تحيط بها الهالات وماتعتني برموشها ,, اكيد صاحبتها ماراح تتدلع ولا شئ .. اكيد العيون من اسرار الدلع ,, يعني الدلوعه تتفنن بنظراتها ... نظره عينها متزنه وحلوه ,, تجذب الكل من نظرتها ,,,
كيف تكونين ذات عين جميله وجذابه ؟؟ العين كسائر اعضاء الجسم , احنا كلنا نعرف شلون نحافظ عليها ونهتم فيها ,, لكن مع الاسف ننصح عيالنا والصغار وننسنى نطبق النصائح على انفسنا,, يالله خلنا نتكلم عن طرق الحفاظ على العين الجميله
الغذاء : طبعا ما ننسى دور الغذاء في جمال العين , معروف ان السمك يساعد على تصفيه العين ,, كي تكوني ذات عين صافيه وشعر غليظ اكثري من السمك ,, سبحان الله ربي ما خلق شي الا ومنه مليون فايده. وطبعا اكيد في اطعمه تساعد على تقويه البصر واطعمه تدمر العين وتتلفها مثل الدهون الي مو بس تأثر على القلب والشرايين ,,,ومن الاكلات التي تساعد على تقويه البصر : المشمش , الذره , صفار البيض , الكبد , البقدونس , السبانخ, الفلفل الاخضر , المناجو , الطماطم..... طبعا ما ننسى الماء الي له فوائد للجسم كله واكيد له فائده للعين وجمالها ..
العنايه : طبعا في طرق كثيره للعنايه بالعين ,, اشهرها قطع الخيار الطازجه التي توضع على العين وطبعا هذا شي زين للموظفات والامهات لانه يساعد على تقليل اجهاد العين وتورمها ,,
ايضا كمادات اكياس الشاي لراحه العين وللعين المتعبه ,, طبعا الطريقه الصحيحه لاستخدامها هي وضعها في ماء مغلي و نتركها تختمر 5 دقايق ,, بعدين نضعها بالثلاجه لمده ربع ساعه واخيرا على العين ,, طبعا هالطريقه معروف اثرها ومفعولها على العين ,, طبعا ما ننسى الكريمات لحول العين,, عندنا انواع كثيره مثل اولاي ...او كريم فيتامين e من بودي شوب ,, او كريم VICHEY طبعا هالماركه معروفه وسمعت بنات يتكلمون عن الكريم وقدرته على ازاله السواد حول العين ,, للامانه ما جربته وما اعرف اجاوب عن اي سؤال يخص هالكريم ,, لكن هو كريم معروف موجوده باغلب الصيدليات ... ماننسى الرموش لانهم جزء مهم من العين و ما ننسى العنايه فيهم من خلال الزيوت مثل زيت الخروع الي يكثف الرموش ,, والابتعاد قدر المستطاع عن الماسكرا الي تكسر الرموش وتتلفهم
السهر : مافي شي يعدم العين ويتلفها ويفقدها بريقها وجمالها مثل السهر وقله النوم ,, طبعا اخذ قسط كافي من النوم يخلي عينك جميله ومشعه على عكس السهر الي يتعبها ,,,

يعني افهموها خلو النت للنهار وبطلوا السهر

الاضاءه : مشاهده التلفزيون بالظلام او الجلوس عالكمبيوتر او القراءه بالظلام لها لها اثر على المدى البعيد على العين ,, طبعا ما يحتاج اقول شلون يصير شكل العين لانها اكيد ما راح تكون حلوه ,,,مثل ما ننصح الاطفال بعدم ممارسه اي شئ بالظلام لازم نطبق هالنصيحه على نفسنا بالاول لانها ان ما ضرت عيونا في الوقت الحالي راح تضرها لاسمح الله بالمستقبل
ادوات التجميل : طبعا كثره المكياج والمكياج الردئ يخرب العين ويتلف منطقه ماحول العين مما يسرع بظهور التجاعيد ,, طبعا لازم نتدارك الامر قبل فوات الاوان وطبعا في طرق نجمل بها العين من خلال وضع الكحل والمسكار والشدو كلها تعطي انوثه زياده ... ايضا وضع العدسات التي تناسب لون البشره وشكل العين تخليك جميله ونظراتك اجمل ,,,
كيف تكونين ذات نظره دلع ؟؟ كل وحده تبي تكون نظرتها تنم عن الدلع ,, نظره تاسر فيها زوجها والمحيطين فيها ,, طبعا بعد ما تكون عينك جميله ورموشك طويله يجي دور النظرات الاسره ,, طبعا اذا عصبتي لازم تسوين كونترول على نفسك ,, في ناس لما يغضبون تطلع عينهم لبره اكيد ما تحبين زوجك يشوفك بهالطريقه لانها تمحي اي دلع ورقه في باله عنك ,,,

نظرات الدلع هي :

النظرات الحالمه .... اكيد النظرات الحالمه هي طريق للزوج اقصد نظرات الحب مثل الافلام لما تكون العين مزيج من الخجل والحب والدلال والحنان هذي النظره ما راح تتقنينها الا بالتدريب والتكرار ,, نظره ليست فقط تجعلك دلوعه بل مثيره في عين زوجك
نظرات رقيقه .... وهي النظرات التي يتخللها تحريك الرموش بخفه ودلال اكيد تعتبر نظره دلع ,,, اكيد عرفتو النظره الي اقصدها والي هي مثل نظرات بطلات الكارتون الرقيقات الدلوعات الي يحركون رموشهم بكل رقه نعومه ,,و حلو انك تحريكين رموشك بهدوء بينما يكون زوجك يتكلم معاك وينظر في عينك , واخيرا خلونا نشوف صور هالنظرات والتي تدل على الدلع والثقه بالنفس
نظره امتنان وسعاده وحب وفيها شحنه كبيره من الدلع
نظره عتاب ممزوجه بالدلع

نظره تفكير بس ما يخفى عنها الدلع

يالله الحين خلونا مع السر الثالث و

هذا السر مو بس سر للدلع بل سر للجمال وهو البشره ... قد شفتوا وحده ينقال عنها جميله وبشرتها مو حلوه ؟؟؟؟ اكيد الجواب لا ,, في بنات ماشاء الله عليهم اشكالهم عاديه بس لان بشرتهم صافيه وحلوه هذا يعطيهم جمال مو طبيعي ... اول شي راح نتكلم عن بشره الوجه عندي مجموعه اسئله .... هل لديك برنامج عنايه يوميه لوجهك ؟؟؟ هل تشترين احدث ماتوصل له خبراء تجميل البشره ؟؟؟ هل تقومين بعمل ماسكات واقنعه لوجهك ؟؟؟ هل تقومين بعمل تنظيف دوري لوجهك؟؟؟ هل تضعين واقي الشمس على وجهك؟؟ هل تنامين لفترات كافيه ؟؟؟ هل تشربين لترين من الماء يوميا ؟؟؟ هل تاكلين الفواكه والخضار بكثره ؟؟؟ طبعا الي اغلب اجاباتها نعم هي انسانه تهتم ببشرتها والي اغلب اجاباتها لا ما يحتاج اقول طبعا لازم يكون لديك برنامج للعنايه اليوميه بالبشره صباحا ومساء من خلال الكريمات الخاصه والغسولات الخاصه بالوجه من مجموعه كامله طبعا .. وفي انوع كثيره ( دوف . نيفيا , كلين اند كلير . لوريال , اولاي , كلينك ,,,, والخ ) اختاري الي يناسب بشرتك عني انا افضل شي مشى مع بشرتي لانها دهنيه اولاي و الحمدلله لا يسبب جفاف ولا شئ ومرتاحه معاه وهذي انواع من مجموعات العنايه
ولا ننسى للحصول على وجه جميل الماسكات والاقنعه الي يفضل ان تكون طبيعيه ولا شك ان قناع الزبادي والخيار افضل الاقنعه على الاطلاق حتى وان كانت نتائجه لا تظهر الا على المدى الطويل
,, بالاضافه الى قناع العسل الذي يجعل بشرتك صافيه ومشدوده وهذا يحميك من تقدم العمر وتجاعيده
ولا شك من اهميه عمل التنظيف الدوري العميق لبشره الوجه في المراكز المتخصصه او الصالونات المضمومه .. ربما تظهر لك كم بثره في بادئ الامر ولكن مع التعود ستمليكن بشره رائعه
:ق1:للامانه منقول لعيونكم:ق1: