الجامعات الاهليه سئلتكن بالله تدخلن وتساعدني وتريحني طالبتكم

شماليه متهوره

13-08-2022 - 03:41 am

السلام عليكم ورحمه الله وبركاته
اخباركم بنات علومكم ....
بنات والله والله انا طالبه مساعدتكم لاتخيبون ضني فيكن
والله مالي احد غيركن ..
الموضوع ومافيه ..انا توني متخرجه من الثانويه وبشهاده علميه وللحين ماسجلت باي شي وحيل محتاره المهم انا من عرعر وابي اسجل بااحد الجامعات الاهليه وابي جامعه فيها اقسام حلوه واهم شي بها قسم اداره اعمال وابي ادرس فيها انتظام ماابي انتساب انا سمعت عن كليه الدراسات التطبيقيه المجتمع بالرياض ويقولون التسجيل يبدا ب7 /10 وماادري هي على حسابي والا حكوميه ولازم نسبه ترا انا نسبتي ضعيفه وابي اي جامعه اهليه زينه بها قسم تربيه خاصه واتمنى تفيدوني بااي جامعه وكم رسومها ووش اقسامها واهم شي تكون انتظام ومتى التسجيل فيها
سئلتكم بالله ردوا علي وارموني وربي متعذبه مره
طالبتكن يالنشميات ......

التعليقات (9)

شماليه متهوره

13-08-2022 - 07:24 am

اي نسيت وعاي لو في اي جامعه اهليه بالرياض او بالدمام واو بجده اهم شي ادرس هالسنه وبقسم تربيه خاصه او اداره اعمال
طالبتكن تساعدني وربي مهمومه

شماليه متهوره

13-08-2022 - 08:25 am

معقوله مافي احد يبي يساعدني والله لاادعيلها من قلبي الي ترد علي وتريحني ياناس وربي محد حاس فيني قاعده اكتبلكم الموضوع وانا ابكي بالله عليكم ساعدوني

رغدبنت أبوها

13-08-2022 - 09:26 am

السلام عليكم
كل سنه وانتي طيبه
شوفي جامعه الملك عبدالعزيز بجده ادخلي انتساب و ع حسابك
طيب عندي فكره ليه ماتدرسي في اي جامعه لمده سنه بعدين تحولي لاي جامعه ثانيه فيها القسم الي تبغيه بس اساليه هو ممكن او لا قبل لاسوي اي قرار
ماقول غير الله يوفقك ويسر لك الامر ويارب تلاقي الجواب الشافي لك

شماليه متهوره

13-08-2022 - 10:27 am

هلا رغد مشكوره حبيبتي على ردك لسوالي بس انا ماابي انتساب طيب جامعه الملك عبد العزيز فيها انتظام وعلى حسابي واذا فيه اقدر اسجل فيها بعد العيد
وعلى رايك ماراح اقدر احول انا سئلت الجامعه الي عندنا طيب ماتدرين عن كليه المجتمع الي بالرياض

رغدبنت أبوها

13-08-2022 - 11:28 am

والله ياقلبي ماعندي خبر
انتي اكثري من الاستغفار وربي يسرلك الخير

شماليه متهوره

13-08-2022 - 12:29 pm

مشكوره ياقلبي وان شاء الله يفتحها علي وعليك وعلى كل وحده مهمومه
ماقصرتي ياخيتي

رغدبنت أبوها

13-08-2022 - 01:30 pm

اميين ييارب

*ذبحني شوقه*

13-08-2022 - 02:31 pm

شوفي هالرابط ممكن يفيدك
جامعات وكليات التعليم الأهلي الجامعي

مشتاقه للمطر

13-08-2022 - 03:32 pm

الله يفرج همك يارب ويناولك اللي ف بالك ياكريم
حبيبتي والله حاسه فيك
وان شاء الله نسمع عنك اخبار طيبه
بشرينا
اوكي

صدر قرار ملكي تأجيل الدراسة عن الموعد المحدد←
أبي مساعدة→