الحب المتأخر أول رواية لي لا تفوتكم

(( الحب المتأخر ))
هذه قصة من وحي الخيال وإن كان هناك تشابهه بالواقع فهي من سبيل الصدفة الغير مقصودة...
الجزء الأول:
أم راشد: فطوم قومي يامال الوجع قومي بسررعه أبطلع للسوق انتبهي للي عالنار لا ينحرق
فطوم بتثاقل: أوف مابوه إلا أنا قولي لسوير
راشد: ههه تبين سوير تقوم أقول كثري منه ذا البنت مادري من طالعه عليه
سوير: مب شغلك كيفي لا بعد بتحكمون بي كل واحد بهالبيت له شغل بنفسه ماله دخل بحد
وأنتي يا فطوم اسمعي كلام امتس وقومي
أم راشد: أنتي أكبر منه وبعدين مابي أسمع هالكلام مره ثانية بدال ماتقولين يمه لاتعبين نفستس خلين أطبخ أنا تقومين تقولين هالكلام
فطووم:خلاص هذاي قمت أعوذ بالله مايقول أحد شي بهالبيت إلا يطبون عليه عشر
وبعدين ياسوير مهيب أمتس أنتي بعد
سوير: ههه إلا وحنا نقدر نغيره هذي الغالية ام راشد الله يخليها لي <<وتذهب لتضم أمها
راشد: يتطنز(هذي الغالية ام راشد الله يخليها لي) يالله يمه ما تبين أوديتس وإلا هونتي
ام راشد: إلا هذاي بس أبلبس عباتي وأجي
في السيارة:
ام راشد: راشد هد وراك مسرع
راشد: يمه منب بزر عشان تقولين لي هالكلام وبعدين معليش يمه عندي شغل بنزلتس شوي وأرجع منب متأخر
أم راشد: لا أخاف لحالي يوليدي
خلص شغلك وبعدين ودن للسوق
راشد: طيب يمه ليه ماجبتي وحده من البنات معتس
ام راشد: مب طايعات خواتك ماركات ومادري وشو خل أشوف أختي منيرة تسان بتجي معي اتصل عليه وعطن أكلمه
راشد:هاه خلين أدور رقم بيتهم أجل
وافقت منيره إنه تجي معه وراحن معه بناته الريم و سمر
وبعد أسبوع لزمت ام راشد إن منيره وبناته يتقهوون عندهم:
فطووم: حياالله من جانا تو مانور البيت
منيره: البيت منور بأهله
وجلسو يسولفون ................................................
الريم: فطوم وين سوير ماشفته إلى هالحين
فطوم: مادري هي أكيد بغرفته وين تختفي
الريم : برووح لمه عادي
فطوم: البيت بيتك خوذي راحتس
سمر: أجل فطوم أمشي نجلس بالمجلس ونخلي أمي وامتس يسولفون لحالهم
فطوم : يالله أحسن بعد
الريم تطق الباب على غرفة سوير
سويربصراخ: مين؟؟
الريم: سوير افتحي أنا الريم
سوير: ههه تضحك ياراشد تعرف تقلد ماشاء الله عليك
في هذه الاثناء يمر راشد ويشوف الريم
راشد: خير وش هالصراخ وش بكم؟
الريم : هاه لا بس أطق على سوير ولافتحت تحسبن أنت
راشد << مسوي أخلاق: الرريم هلا والله وشلونك؟
الريم بإستحياء: بخير وتلف تطق سوير افتحي بسررعه
راشد يحاول يشوف الريم زين لأنه من زمان ماشافه ويقطع عليه تأملاته صراخ سوير:هاه وش تبي؟
راشد:سوير افتحي الريم تبغاك هذيهي عندي
تفتح سوير الباب :هلا والله ومررحبا
وتسلم على الريم وتناظر راشد:خير عسى ماشر غلطان بالغرفة تقلع يالله
الريم تدخل غرفة سوير وراشد وسوير هواش عند الباب
سوير: أعوذ بالله مابغى ينقلع
الريم: حرام عليك والله له ساعة واقف معي حبيب وش زينه
سوير: أقول لا تقعدين تمدحين تراي أعرفه أخوي واللي يسمعتس يحسبه شي وهو اللهم .... مادري وش أقول بس خلينا منه شوفي وش قالي أحمد << تعرفت عليه بالماسنجر
الريم<< خبله مثله: ورين وش قال عساه بس كلام زين يستاهل حجرتس بالغرفة
سوير: مب شغلتس عاجبن جتنا أمي الثانية تعالي شوفي بس
منيره: يالله طولنا الله يعافيتس نادي البنات خلينا نمشي
ام راشد: طيب ألبسي عباتس خلين أشوف وينهن؟ فطوم و ينتس يمه روحي نادي سمر و الريم يالله مشوا
فطوم: هذي سمر هينا بروح أنادي الريم
ام راشد :الريم وينه وش تسوي فوق؟
فطوم: عند سوير مادري وش يسون
ام راشد:طيب خلي سوير تنزل تسلم على خالته قبل لاتروح
فطوم: سمي إن شاء الله
تروح فطوم فوق وهي ترقا الدرج تشوف راشد ينزل
فطوم: راشد وين سوير والريم
راشد: بغرفه سوير ماشفتهن طلعن
فطوم: طيب وين بتروح
راشد: ابطلع شوي عند العيال ليش تبين شي؟
فطوم: لا خلاص هونت أحسبك فاضي
راشد: ليه وش كنتي تبين؟
فطوم: كنت أبي نطلع نتعشى سوا تدري من مات أبوي الله يرحمه وكلن يتعشى لحاله وإلا أنا غلطانة؟
راشد: لا أبد منتي غلطانة غالية والطلب رخيص أجل يالله تولموا بناظر التلفزيون إذا جهزتو قولولي ؟
فطوم بسرور: مشكور يا أحلى أخو بالدنيا بروح أنادي الريم وسوير نسيت إنهم بيمشون
راشد: طيب وراه ماتجي خالتي منيره معنا؟
فطوم:مادري قله غديه تطيع؟
وتذهب فطوم وتنادي سوير والريم
الجزء الثاني
راشد: خاله بطلب منتس طلب
منيره: سم ياولدي وش تبي؟
راشد: حنا بنطلع نتعشى برا وش رايتس تجين أنتي وعيالتس معنا؟
منيره: والله ياولدي ماأقدر العيال الله يصلحهم وراهم مدراس خله مره ثانية أحسن هالمره شفناكم والمره الجاية نستعد عشان نطلع بدري مب هالوقت
راشد: وش دعوى ياخالة هالحين الساعة 9 وماراح نطول كله ساعة وراجعين
في هذه الأثناء تدخل سوير ووراه ريم وفطوم
سوير: ماشاء الله تعرفون تخططون وتعزمون بأنصاف الليالي
فطوم: وجع وش أنصاف الليالي تونا مصلين العشاء أنتي ووجهتس
راشد: هاه وش قلتو بتروحون
منيره:لا ياولدي هالحين فهد عند الباب يالله يابنات البسن عبياتكن واطلعن تأخرنا على فهد له ساعه واقف وانتن تسحبن
سويربصوت عالي: فهههودي عند الباب وراه ماقلتولي
راشد:طيب هذاتس دريتي وش بتسوين يعني!
سوير: وش بسوي يعني أكيد بسلم عليه وبشوف وشلونه وإلا بعد ممنوع
ام راشد: أنتي بتسلمين عليه ولابعد سلمتي على أمه
سوير:هههاي ياحبيلتس ياخالتي وراتس ماعلمتين
راشد:تعلمتس وش تقول تعالي سلمي تراتس ماسلمتي
علي
سوير:إييه وش أسوي إنشغلت بطلعتكم وهاشفتو نسيت نفسي حتى مادري وش أقول
وإلا أنتم وجيهكم وجه طلعات
تسلم على خالته
ويتجمعون يحاولون يقنعون منيرة إنهم يطلعون معهم
يدخل فهد وراشد
فهد بعد مايسلم عليهم: يمه كل شي قالي عنه راشد شوفي بروح أجيب أخواني وأجي بنطلع مع خالتي أم راشد نتعشى معهم مدام أبوي مسافر وإلا وش رايتس يام راشد
أم راشد:الله يعافيك يوليدي بس أخاف أمك ماوده
سمر: وليه أمي ماوده لاشغل ولا مشغله شوي ماراح نتأخر
منيره:لا أبد ماعندي شغل بس عشان اخوانتس
فهد: بالنسبه لأخواني بكرره ولاواحد بيداوم إجازه هدية من لهم
تصارخ سوير: فديتك فديت خشمك أنا << تقمز تحب راسه وتلفت بعدين تقعد متسحية
الجميع:ههه
راشد:إيه خلاص بكره الإربعاء يعني وناسة إجازه 3أيام
سوير: وناسة هذي لراشد الماجد وبعدين اللي بيداوم كيفه مب إجباري إجازك
راشد:ليش بداومين يعني؟
سوير:إييه بداوم ليه لا
راشد:هالحين لتس يومين مارحتي المدرسة ويوم جت على كذا قلتي بروح
سوير:إيه ذكرت عندي شغل توي أدري قالتلي الريم تو
ام راشد: كيفه خله تسوي اللي تبي يالله خلنا نلحق خالتك لبيتهم عشان نروح سوا
راشد يناظر سوير بإحتقار:إن شاء الله يمه
الجزء الثالث:
والعايلتين جالسين بالهاف مون
منيره: شفتي وش صار لام عبدالله
ام راشد: لا والله ماسمعت شي ليش وش صار له؟<<حش قصيميات
سوير: الريم شوفي ذولا وش قاعدين يسوون؟
الريم: وش يسوون؟ ماشفت؟
سوير: مسوين لي فلم هندي وشكلهم ماعندهم ماعند جدتي
فطوم: سوير نزلي إيدتس دروا إنتس تقصدينهم
سوير: طييب ..الريم بسولف أنا وياتس لحالنا<<وتناظر فطوم وسمر
فهد: راشد تعال أبي أكلمك شوي
راكان<< أخو فهد 18سنة: ليه والكلام مايصلح لنا يعني
فهد: لا مايصلح لك يالله راشد منتب قايم
راشد: إلا هذاي
سوير: الريم ..شوفي أخوي وأخوتس خلينا نروح لهم
الريم: لا فيه راشد منب رايحه روحي لحالتس
سوير بإندهاش:هاه وش هاللي أسمع عاشقتن أخوي
الريم: لا <<خافت !! ماعشقته بس شفته تو أثروه يهبل
سوير: واللي تشوفينه قدامتس تحبينه
الريم: إيه أحسن من غيري اللي أشوفه مب اللي أسولف معه<< تلمح
تعصب سوير: أقول على زق ابروح أقوله
الريم:ياالدبة ياويلتس وقسم بالله لاسوي شي مب من مصالحتس وترا به فهد
سوير: داريه إنوه به أجل وشوله بروح
الريم:عاشقتن أخوي وقدام عيوني
سوير: من زين عيونتس عاد
أقول اسكتي وبعدين ما أحبه بس كذا ولد وابترزز
يجون عندهم راشد وفهد
راشد: هاه وشلونكم؟
سوير: أبد طيبين بس مانبي شوفك ....واالا نسيت تقصد الغالية والله ياخوي إنك تعرف تلمح<< تستحي الريم وتقبص سوير
راشد: أقول اص بس وش ذا الهرج
يقاطعه فهد: سارا أنتي بأي سنة؟
سوير باستحياء: كبر الريم أختك
الريم تقرب لسوير: شكله يحبتس
تضحك سوير بينه وبين نفسه
يضحك راشد وفهد وهم يناظرون بعض<<لأن كل واحد مايدري وش كبر أخته
فهد: يعني بأي سنة أنتي والريم
سوير والريم: ههه
الريم:حنا بثالث ثانوي ليه فيه شي
راشد: إلى هالحين ياسوير أنتي بثالث مب المفروض تخلصين الجامعه الحين
سوير:ههه خلصت الجامعة قوية هاذي أقول أنت تدري إني
مع الريم بنفس الفصل بجنب بعض بعد
فهد: ابسألك أنت هالحين وش دخل الريم بالسالفة وبعدين ماله داعي سؤالي بأي سنة؟ كم عمرك طيب؟
سوير: أنت ماتدري إن أخوي وأختك قصة حب قيس وليلى بالدمام (ههه)
الريم: سويروه وجع عن السخافة
وتروح الريم عند الحريم،،،
فهد وهو يناظر راشد: ريموه وش هالكلام تعالي
راشد: سوير إن ما انقلعتي هالحين والله ماتلومين إلا نفستس
سوير: أصلا ماقعدت عندك قاعدة عند ولد خالتي فهودي الله يخليه لي
فهد يبتسم: ههه
سوير: فهودي تدري كم عمري
وإلا إلى هالحين
فهد: لا والله إلى هالحين مادريت كل شوي مدخلتنا بموضوع
سوير: يابعد عمري يا فهوودي عمري 20 سنة وأنت؟
فهد: عمري25 سنة
طيب وراتس إلى هالحين بالثانوي
سوير: والله مادري وش أقولك أنا ودي أخلص بس وش أسوي صديقاتي يرسبون ومانقدر نفارق بعض ونجلس معهم بس إن شاء الله هالسنة بنجح
راشد: وماشاء الله عليتس وش هالصديقات اللي ماتقدرين تفارقينهم
سوير: صديقات عمر الله يخليهن لي
يالله بروح أشوف صديقة عمري
ريمي وراه زعلت عن إذنكم
سمر: رنا روحي قولي لامي متى العشاء متنا جووع
رنا<< بنت منيره 13سنة: طييب
وعند الحريم :
رنا: يمه يقولن البنات جوعانيين وحنا بعد عطونا شي ناكله
ام راشد: لا اصبري يمه نادي راشد خلي أشوف وراهم أبطو
@@@
سوير تحاول تراضي ريمي
سوير: الريم وشبتس والله مايستاهل كل هالزعل
الريم:................
سوير:ريموه قسم بالله سخافة شوفي توي مكلمه لينا بنت خالتي جواهر وتقول بتجي هي وبنات خالتي حصة
الريم مندفعة: لا لا سوير تكفين لا يجي أحد مالي خلق
سوير: يالخبلة مب جايين هينا بيجون لبيتنا وبعدين وراتس وشبتس؟
الريم: ........... لا مافيه شي بس.....
سوير: بس وشو أحتسي قولي!!
الجزء الرابع:
الريم: خلاص مافيه شي
سوير: ريم بسرعة تكلمي تراي على أعصابي
الريم<<يالله تتكلم: سوير تو وأنا عند الحريم سمعت أمتس تقول لأمي إإأانكم خطبتو لرراشد لينا بنت خالتي جواهر
سوير: طيب وبعدين!!
الريم بعصبيه: وشو وبعدين!!
سوير:وإذا صرنا خاطبين لينا لراشد أنتي وش دخلتس أقول أهم شي رضيتي علي
الريم:أنتي خليتس على جنب بس مادري أحس إني بديت أحب راشد
سوير: ههه لا شفتي إذا قلتلتس عن حبي لأحمد قمتي تتطنزين وبعدين مالقيتي إلا راشد فيه مليون واحد أحسن منه
الريم: إييه خلاص اسكتي أعوذ بالله من لسانتس محد سلم منه
يابنات يالله تعالن تعشن<< كان هذا صوت ام راشد
يروحون يتعشون وإذا خلصو ركبو السيارات و اتفقو إنهم ينامون ببيت أم راشد عشان تكمل فرحتهم
بالسيارة:
الريم تقبص سوير: سوير
سوير:هاه وجع وش هالقبصة
الريم: لا بس بقولتس دقي على لينا تعذري ماودي تجي
مالي خلقه
سارا: ههه اللي يسمعتس بيقول جارات وأنتن...
تقاطعه ريمي: أقول اسكتي كلامتس ماله داعي فاهمه وقصري حستس
سوير: طييب أوريتس...ماما وشلونتس؟
أم راشد: بخير يمه شلونتس أنتي؟
سارا: تمام .. يمه بسألتس وشلون لينا؟وش صار عليكم؟
أم راشد:مادري والله عنه بس إن شاء الله بخير
راشد: سوير عن الهذره الزايده وانطمي يالله
سوير: مب شغلك طيب يمه ليه ما خطبتو الريم جمال ودلال وتهبل وش زينة؟
اسكت الجميع
الريم بحاله مايعلم به إلا الله من الحياء
سوير: راشد جاوبن وراك مارديت شف تراه فرصة وماراح تتكرر
الجميع: .........<مافيه رد
سويرتعصب : الحين بيجون بنات خالتي جواهر وتفاهموا وخذ قرارك ياراشد بشكل نهائي
يدخلون البيت طبعا كلن لغرفته
الريم تأخرت وهي تنزل من السياره قاصدة عشان تكلم راشد<< قصيمية قووية
الريم بإرتباك: ررإاآشد
راشد: هلا والله آمري بغيتي شي ويلتفت على وراء<<طبعا هم بالسيارة ويشوف الجمال والشعر طبعا افتشت بعد ماكانت متلثمة <<أعرف أوصف صح
الريم: صدق اللي سمعته
راشد يتجاهل: وش سمعتي؟
الريم: إنك خطبت لينا
راشد: ياحبيبتي هالاشاعات مالي دخل به
الريم: يعني ماخطبته؟
راشد: شوفي خليهم يقولون وإذا خلصو يسكتون لأني أنا اللي بتزوج مب هم
الريم:يعني ماتبيه؟
راشد يستخف دمه:
طيب أنتي هالحين وش دخلتس بتملكين لنا؟
الريم: هاه لا أبد بس حبيت اتطمن
راشد: ويهمتس من أباخذ
الريم: أكييد طبعا منتب ولد خالتي ولازم أدور اللي يسعدك
راشد: سعادتي تدرين متى تكتمل؟!!
ريم: متى؟
راشد: إذا أخذتس!!
الريم: !!!!!؟؟؟!!!<<ولاكلمه
راشد: ريمي اسمعي تراي من الحين أنتي لي سمعتي
الريم تستانس وتنزل بسرعة إلى غرفة سوير تقوله وش صار!!
سوير: آإاآأحللففي
الريم: والله العظيم منتب مصدقة إسأليه
سوير: إقلع حرركات والله أخوي رومانسي وأنا مادرري
الريم: إييه تصدقين عاد توي أعرف الحب وش يسوي
سوير: ههه بس مع راشد اسمحي لي ماعندك سالفة
الريم: على زق <=داخلة عرض صح
والله إنه يهبل
سوير: دارية إنه يهبل حتى أنا جايزلي<معجبني وأحبه بس أغض البصر عشان ماانفتن به
الريم و سوير: ههه
تدخل فطوم وسمر على سوير و الريم...
فطوم: وجع وش هالضحك
صوتكن واصل آخر الحاره
سوير: آخر الحاره وإلا أوله والله محد له شغل بفتح خشتي<< فمي .. وبضحك اابستانس
سمر: استانسي ما قلنا شي بس بهدوء
سوير تتطنز: اقول بفصل حنا استانسي بهدوء أقول فارتزي<طسي يعني انقلعي عن وجهي
فطوم: سوير إن محترمتي نفستس والله لأقول لراشد يأدبتس
سوير وهي تناظر الريم: من يأدبن وش قلتي ؟ماسمعت!!
فطوم: أخوتس يعني منهو
سوير: إمحق من أخو لو تدرين أخوتس وش يسوي ماقلتي هالحتسي
فطوم: ليش هو سوا شي غلط وبعدين أخوتس الكبير
سوير: أقوول انقلعي يالله أخوتس وأخوتس والله لو إنتس قاعدة تمدحين حمودي
فطوم: منهو ذا حمودي بعد
سوير: هاه لا بس اسم من راسي خلاص اطلعن برا يالله
سمر: لا والله ما أطلع مدام السالفة به حمودي وحجرتس بالغرفة من أمس الأول
سوير: وشو من امس الأول مذيع أخبار يشرح الأحوال الجوية ههه
فطوم: أقوول لاتقعدين تضيعين منهو أحمد ذا
سوير: ما ضيعت ولا شي وبعدين من قال لك إنه أحمد حمودي يمكن محمد موب شرط أحمد
فطوم: تو قالت لي الريم
سوير تناظر الريم بعصبية<< نظرة حادة: ريموه وش اللي اسمع؟
فطوم: سمعتي ما سمعتي يالله جاوبي وإلا والله لأفضح بتس كل حارتنا
سوير: فضحي لأنتس أنتي اللي بتندمين أنا أبتزوجه وأنت اقعدي عند حبيب الريم
سمر: فطوم وش السالفة خواتنا يحبن وحنا
فطوم تقاطعه: وشو حنا أنتي وجهتس الله لايقوله بسم الله علي
سوير تعلق على كلام سمر: أنتن فاتكن قطار الحب
الريم: أول مره اسمع بقطار الحب اسمع قطار الموت
فطوم: قطار مووت يشيلكن ونفتك من بلاويكن
سمر: لا قطار الزواج وبعدين فطوم وشو تدعين عليهن ذي أختس وذي أختي
سوير: وبعدين بلا محاضرات فطوم تكفيين لا تخربين فرحتي
فطوم:أزين منتس
وش فرحتوه بعد
سوير: الحين بتجي لينا وابستانس على الهوشة
الجميع مستغرب ومايدرون وش تقصد سوير بكلامها
الجزء الخامس
سوير: فطوم روحي استقبلي البنات تحت بلييز
فطوم: لا والله وراه ماتروحين أنتي أحسن مب أنتي اللي عازمتهم
سوير: يالله ريمي تعالي معي يمكن تشوفين راشد
الريم: طيب
فطوم وسمريناظرون بعض مايدرن وش السالفة؟؟!
بعد ماسلمو البنات على بعض
فطوم تهمس بإذن سارا: اسمعي ياويلتس إن فتحتي الموضوع معهم ترا بعلم أمي<<موضوع الهوشة
سوير: طيب خلاص
اسمعن بنات البزارين<<الاطفال .. نايمين وعشان مايقومون ويخربون جمعتنا بننزل للبدروم فيه دجيه تحت وبنرقص ونستهبل واللي ماتبي تقعد هينا
الجميع: لا بننزل تحت
ومع الرقص واللجة<< الإزعاج
الخدامة"سونيا": سارا سارا
سوير: هاه وش تبين أنتي بعد
سونيا: راشد يبغى أنت فوق
سوير:هاه ليش ماقالتس وش يبي؟
سونيا: لا يبغى أنت ليه يقول كلام حق أنا..هو كلام سوير يجي فوق سرعه
فطوم: خلاص انقلعي شوفي وش يبي؟
سوير: أصلآ بروح منب مشاوره أحد بس بشوف وش يبي وهو معصب وإلا لا؟
فطوم: ليه مسويه شي عشان تخافين؟
سوير: لاوالله ماخفت ولاشي منهو هو عشان أخاف منه
@@@@
وفي الصالة:
راشد: سوير من فيه تحت
سوير: شباب يعني من فيه بنات خالاتي
راشد: أدري إنهن بنات خالاتي بس منهن
سوير وهي تبتسم: أنا <<هع بس رقيت والدبه والعصله وام كشه والمغروره والمستشاره والملسونة
راشد وهو طاير عيونه: ههه وماشاء الله كل ذولي قاعدة معهن
سوير: إييه وأنا أختك بس ماقلتلي وشوله سؤالك
راشد: أنتي بالأول جاوبي على اللي سألتس بعدين أعلمتس وشوله
سوير: اسمع فتح اذانك وعيونك عدل أوكيه
الدبه: هذي حنان يعني ماشاالله عليه تاكل الأولي والتالي وإذا بدت تاكل وخر عن طريقه ولا تقول له يكفي عمره 19سنة
أما العصله: فهي سمرمر الحمد لله اللي يشوفه يقول مجاعه بافريقيا مايدري إن كل شي بيده على قوله أمي وده تطلع مثل هالرشيقات كيفه بس وكلوه شوي عمره 23سنة
والملسونة: هذي الله يسلمك مهاوي الله يكفينا شره ماتعرفله إي واحد عنده مشكله هي معه وتزيد الطين بله
وتكون مره بالسياسة ومرتن بالاقتصاد ومايقوله أحد كلمه إلاترد عليه بعشر كل كلمه بلسانه وكل واحد قد دافعت عنه ولا بعد ماتسلم منه لابشارع ولابإشاره ولا بأي مكان تتحرش فيك غصب عمره 18سنة
والم