الحب ثم الحب ثم الحب في احسن منه

سلام لاحلى فراشات فرفوشات منكوشات ,حابه اقولكم شي في خاطري دايم اسمع حريم في المنتدى وغيره تقول زوجي يحبني مايحبني فأحب اوضح شي , مافي اثنين متزوجين مايحبوا بعض ليه لان الله عز وجل يقول( وجعلنا بينكم موده ورحمه) هذي الايه كلنا نعرفها بس هل نعرف معناها هل نحن مؤمنين بها ,الله جعل ولاحظي الفعل ماضي يعني الله جعل وقدر انه اي اثنين يتزوجوا بينهم الموده والرحمه الايه واضحه وصريحه ,طيب ليش كثير من الحريم ماتحسس انه زوجها يحبها ؟ الجواب لانه مايظهر حبه لها لكن هو من داخله يحبها لازم تثق كل وحده بذا الشي اذا هي مؤمنه بكلام الله , ثانيا لو كل وحده مننا يالمتزوجات عاملت الله في زوجها راح ترتاح وتهنى وتسعد في الدنيا والاخره ,يعني قبل ما تسوي اي شي لزوجك شوفي يرضي الشي هذ الله ولا لا وعاملي كل الناس بذا الشكل لاتقولون لي الطيبه بذا الوقت ماتنفع لوكان من جد ماتنفع ماجا الرسول لنا وعلمنا الاخلاق, ولا كان بيقول في عام 2010 غيروا اخلاقكم لان الطيب وقتها ماينفع ,يمكن زوجك والناس ماتبادلك الطيب لكن دينا علمنا نسوي والاجر على الله ,والي صبر في الدنيا له السعاده في الاخره . ثالث شي عودي نفسك اذا زعلتي ولا احد ضايقك انك تشتكي لله والله تحسين برااحه, احيانا تكوني متضايقه من زوجك وودك تكلمينه وهو جنبك بس مايبغى يكلمك و(الله) وهوالله وقتها اقرب لك من اعز الناس عليك , تكلمي مع الله عادي بلهجتك العاديه استشعري وجود الله معاك في كل وقت ,في احسن من الله يكون مدد وعون لك الي بيده كل شي ويقدر يسخر لك اي شي سبحانه . اخر شي ودي اقوله عيشي بالحب الحب الي يحيي الروح مو الحب الي يبكي وينكد,شوفي الحياه من غير الحب مسستحيله , الجسم عشان يعيش لازمه غذاء ,والروح عشان تعيش لازمها حب ,الحب اكسجين الحياه ,الي مايحب روحه ميته عايش ومو عايش والحب الي انا اقصده هو حب الله لما الله يكون اهم شي في حياتك قبل ماتسوي اي شي تشوفين يرضيه ولا لا وقتها بتحيا روحك وبتنفتح لك اشياء كثير حلوه جربي غيري حياتك على هذا الاساس ماراح تندمي ابدا .اتمنى لكم حياه حلوه واخره احلى واحلى.