الحر تسعي له الحرة

الحر تسعي له الحرة
ياحر يا اللى علىالمشراف لك جره
تعاف نزل الوطا وتعانق القمه
تموج حد السما والارض مخضره
يدله معاك الحزين وينجلي همه
جزم عزوم تريح البال وتسره
في هدتك تنثر الخفاق وتلمه
قلب الهواوي معاك يغادر امقره
لا شاف جولك دعاك ولوح بكمه
لا اقبلت شيخ يحب الشعب ويبره
ولا ادبرت برق لمع في طارف اليمه
ولا فعت من ماكرك ثم خذت لك فره
يزمك الوجد للصمان وتزمه
الديره اللى بوبل الغيث مسمره
ريحه نفلها يتل القلب ويخمه
داري ولا جا لها النسيان لو ذره
لها سلام جميل وافين كمه
يا طير روحي مع راعيك منجره
هاك السنافي كريم الاصل والذمه
اهيم لو ينذكر طاريه مغتره
ويفز قلبي على طاري بنى عمه
يا طير قله يشوف الحال لو مره
راعيك ما هو بيمي مير انا يمه
الجمر يصلي بصدر ضاق من حره
والعاشق اللى يوده فاير دمه
لبست ثوب الغرام وقلت له زره
ويمد كفه ولكن ما نطق فمه
يا ذا النداوي ابيه بخير وشره
سمه اهبال وجنون زايد سمه
الحر هو غاية تسعي له الحره
والنايفه تعشق{ النايف} وتهتمه