الحركات الجديدة لزفات العرايس

1. لين مسكها آخر شي ،،ولمها ،، وخذها معاه للكوشه وهي تضحك


2. هذي قمة المصخرة... تخيلي بس المراكض اللي يصير


3. وتوصل لجدتها !! وتطلع العرووس !!


4. نو كومنت

زفات العرايس ..مو صاحين
الزفة الاولى: تتبدي الزفة ،،، وتدخل بنت لابسة فستان أسود قصير،، ومسويه عجفتين ،، وفي يدها حلاوة مصاص ،،وتمشي للكوشه!!!
وفجأءه ينتبه الموجودين لشي !!
لحظه !!! لحظه !!! هل بنت أهي نفسها العرووس !!!!!!!
شوي يدخل المعرس ،،وفي يده فستان العرس،، ويلبسها الفستان ،، ويفل شعرها ،،وياخذ الحلاوة المصاص من يدها ويحذفه!!
(يعني انها أنتقلت من عالم الطفوله ،، لعالم ثاني )
الزفة الثانية: تدخل العرووس بسرعه ،، و تركض للكوشه ،،وويوه المعازيم كلها تتغير للدهشه ،،، وكلهم في بالهم سؤال واحد "وي شفيها تراكض !!"،،وعيونهم تلاحقها بأستغراب؟!! ،،، و OPps يطيح جوتي العرووس ،،!!!
(وه شالفشيله !!،،، امبيه ،،ليش محد من خواتها شال الجووتي !!،، خل ياخذونه يعطونه اياها !!! )
في هالحظة يدخل المعرس ،، ولما يووصل لعند الجوتي ،، يرفعه ،، ويمشي لي العرووس ،، ينزل لمستواها و،،،، ويلبسه أياها !
انه يازعم "جوتي سندريلا"
الزفة الثالثة: القاعه مغطيه بلون الأخضر ،، ودرجاته ،، من طاولات وكراسي وستندات تزينها ورود وشويه أغصاان ،،والسقف مغطي بأورااق
"اوكي كل شي تمام "
شووي يطلع طرزان @@ لا مواحد،،هاي مجموعه طرازنات !! شسالفه !
لحظة شووي ،،، لا ،، لا ،،هاي مو طرزان ،هاي الفلبينيات الي يباشرون الضيووف،،ملبسينهم لبس طرزان !!
أنا من جفت بطاقة الدعوه مكتوبة على ورقة شير ،،عرفت ان ماوكلي بيعرس اليووم
الزفة الرابعة: في واحد من الاعرااس ،، دخلت العرووس ودخلت معاها شهقات وعلامات أستنكار و ..
ليش؟!
لأن العروس أدخلت لابسه مايو قطعتين !! وبكل جراءه ووقاحه ،، ووقفت عند الكوشه !! واهي تبتسم !!
دخل بعدها الزوج ،، حامل بيدينه فستان عرسها ،، ولبسها أياه !!
وسط الدهشة والأستنكار !!
الزفة الخامسة: دخلت العروس على الموسيقى الكلاسيكيه بهدووء ،، وثواني ودخل زوجها،، أول ماشافت العرووس زوجها ،،رفعت فستانها وصارت تركض !! وتدور بين الطاولات !! وزوجها مثلها رقع البشت وصار يركض وراها!!

لين مسكها آخر شي ،،ولمها ،، وخذها معاه للكوشه وهي تضحك

هذي قمة المصخرة... تخيلي بس المراكض اللي يصير

الزفة السادسة: بدت الزفة بمسرحية !! كان الممر مغطى بلون أخضر والستندات مغطى بأغصان،، دخلت بنت صغيره لابسة جاكيت أحمر ،، وأم العرووس وقفت في آخر الممر !! "يعني ليلى والذيب " وصارت البنت تنادي (مسجل طبعا ) ،،اين العرووس ياجدتي !!،، أين العرووس هند ياجدتي ؟؟،، اين العرووس ياجدتي !!

وتوصل لجدتها !! وتطلع العرووس !!

نو كومنت

الزفة السابعة: تدخل العرووس وجدامها بنت ماسكه بالونات وعلى الأطرااف واقفين بنات وماسكين شمووع ،،أتيها بنت صغيره وفي يدها سله فيها ولاعه،، تولع العرووس الشمووع ،، ليما توصل للستيج ،،وبعدها أتيها البنت وفي يدها مقص وتقص الخيط وتطير البالونات ،، "وفي حركة ثانيه أن يكون عندها قفص وتفتحه وتطير العصافير" المهم الممر الي تمشي فيه العرووس يكون أقوواس ،، وفي آخر قووس مربوط به باقتها ، تفك الباقة،، وتصعد على الكووشه!!!
الزفة الثامنة: تدخل العرووس معا المعرس ،،اووبس ،،سوري أقصد ،، المعرس يدز العرووس على كرسي متحرك ،، مزين بالورود !!
والعرووس تلوح للمعازيم ،،وتبتسم من دون لاتحس ان حركتها مالها معنى !!
الزفة التاسعة: يدخل العرووسين القاعه ،، بس لا مو اي دخله،، هاي دخلة شيووخ
داخلين بسياره لكزس !! ويوقفون في النص !! ويتبادلون الدبل !!ويسوق السياره للعند الكوشه ،، ينزل المعرس،،ويفتح الباب للعرووس!!
الزفة العاشرة: موسيقى هاديه وتمشي العرووس أول خطوتين بخجل وحيا !! وفجاءه يتغير صوت الموسيقى وتبدى الموسيقى المصريه،،تحذف عليها وحده من صديقاتها ،، حزام أبيض،،وترقص العرووس مصري للكوشه !!وتجوف أمها واخواتها ،، ويرقصون كلهم !!
ويدخل المعرس وياخذ له شوط معاها !!
الزفةالاخيرة: العرس على شكل فقرات ،،الفقرة الأولى خطاب بالعربي!!الفقره الثانيه ،، خطاب من خوات العرووس بالأنج!!،،الفقره الثالثه مقطع من مسرحية شكسبير!! والفقره الرابعه أسئله على الحضوور !!
هههاي ذكرونى بطابور المدرسة
هااي شويه من الزفات خذتها لكم من منتديات ،، يعني مو عارف هالعالم لين وين تبي توصل !!
وحده تقوول دخلت في زفتها بنتين لابسين جناح ويرقصون باليه حولها !!يعني لو انا مكانها شوتهم !!بروحي في حاله وفي ثنتين يناقزون حوولي!!
ووحده تقول طيرت حمام معليه عادي ،، لكن الأخت الي طيرت فرااشات ،،شتبي من الدنيا !!
(--- انا عندي خوات فيهم فوبيا من الفرااشات !! شاسوي بهم حزتها
وحده تقول نثرت لولو صناعي ع الموجودين!! أنا أشهد انها فلعت الموجودين
وحده تقوول دخلت القاعه الا اجووف بنت طايحه ،،رحت لها وانا اقوول "وي سمله عليها شفيها البنت !!"وبالأخير طلعت تمثل مشهد مسرحيه
وبس
انتضر ردودكم