الحقوني ابي مفارش بأسرع وقت

نمارق
السوانى
باخشوين
كل واحد اروع من الثانى

فيه الجار الله للمفارش
وعندك محل في طريق الملك فهد مفارشه فخمه بس اذا لقيت اسمه ابكتبه لك

الله يعافيكم ويجزاكم الجنه ويوفقكم ويفرج لكم ...
اعذروني انقطعت الفتره اللي راحت صار عندي ظروف وامي دخلت المستشفى وحالتنا حاله بس الحمد لله كل شي اوكي الحين << وش عندها عرضت الشريط ^_^
غنوه الله يعطيك العافيه ماقصرتي بس عندي ملاحظة عالمعارض اللي قلتيها ..
باخشوين تدفعين الاف على خام بس بدون الاكسسوار وتلاقين نفس المفارش عند غيره وبأسعار اقل بشي مايصدق ..
اما السواني ونمارق اوكي حلوين ويجننون بعد بس شغل امريكي يعني تاخذ مفرش واحد اوكي لكن مايناسب كثير للعرايس رغم فخامته,,
مهاوي يسلمو والله ماقصرتي ..
الجار الله شفنا فيه قطع حلوه واسعاره معقوله ..
مشكوره وتسلمين والله ..
فيه وحده من صديقاتي اخت زوجها تمدح محل بوشيقر تقول يفصل المفرش اللي تبين بالالوان اللي تبين والخام انتي تختارينه وبعد باكسسوارات خاصة لك تقول انها جابت اكسسوارات من عندها وسووها لها في المفرش .. بس ماني متأكده من اسمه اخذت رقمه وكلمتهم وسألتهم عن حركة التفصيل .. قالوا نسوي لك اللي تبين وعندهم عينات واكسسوارات بنفس المحل ويقول اذا تبين شي خاص لك من غير اللي من عينات المحل نسويه لك .. ويطلع بعد اسبوع ^_^ وناسه شكلي حتى انا بسوي لي واحد ..
عاد بكرا ان شاء الله بنروح لهم ونتفق معاهم ونشوف اللي عندهم وشو

السلام عليكم:::
المحل الي تتكلمين عنه اسمه <<لوجان>> وهو بسوق اشيقر بالدور الثاني وفعلا" عندهم مفارش عرايس روعه
أنا تعاملت معاه بنفاسي يسوي لك شغل مميز,,,,
اخترت من عندهم تصميم مفرش مشغول بالكريستال وطلبت منهم يكون لون المفرش اوف وايت والكريستالات حمرا واخترت معها اغطيه طاولات وسله زباله واغلفه مناديل و قطعه للاريكه وجبت من عندي مهد البيبي وروب الاستقبال وطلبت منهم يشتغلون عليها بالكريستال,
بصراحه الطقم صار خيال وحمولتي مره انهبلو عليه وان شاالله تلاقين طلبك عندهم .
والله يوفق اختك ويشفي امك ويخليها لكم.

بنية أبوي
حبيبتي فيه محلات كثيره بالرياض للمفارش وروعه وللمتزوجين شئ خيالي
هناك محل اسمه "" لوجان"" زي ما قالت اختي مدحته لي وحده من البنات معي بالجامعه وشريت منه
مفارش قمه في الروعه واسعارهم رمزيه ولاعندهم كذلك تصميم مفارش على حسب الطلب
وبعد فيه عندك محل ثاني هذا بعد من اروع المحلات اللي زرتها بالرياض
السواني هذا ماعليه كلام بعد جدا رائع عنده مفارش فخمه وهاديه
وانتي اختاري بس لا تنسين زيارة لوجان لا يفونك

حمستوني ياريتني بالرياض <<<< غارت البنت
بنات من تعرف محلات بجدة تفصل مفارش ويلبس لك اشياء انتي تجيبينها زي سلة المهملات ومفارش الطاولات وزي كذا ضروري بنات الله يسعدكم

بنات بليز
المحل اللي تقولو عنه لوجان بسوق اشيقر وينه تحديدا
ياريت اللي تعرف تقولي الوصف

غفارين
مرحبا حبوبه عندك بجده محل أسمه العروسه مرره أشياءه حلوه وكمان المفتي بس لا تسألي عن العناوين ماأعرف فين

اهلين بنوتات الله يجزاكم خير يارب جميعا ويوفقكم ويفرج لنا ولكم يارب ..
فعلا زي ماقلتي اختي صار هو لوجان ورحنا له مع اني كنت مشككه بكلام البنت ^_^ لان ماقد سمعت عن تفصيل مفارش عندنا كله صيني تاخذين غصب عليك ولا اقضبي الباب ^_^
المهم سوينا مفرش رايق طبعا مالحقنا نجيب الاكسسوارات ونتشرط لان مافيه وقت بكرا هالوقت احنا شيل وحط ^_^ الله يوفقها حبيبتي << خلاص بتصيح
المهم اخترنا اللون بيج داخل فيه الزهر (على الوان الغرفه ) ونفس ماقلتي اختي em اخترنا القطع اللي نبي وان شاء الله باكر العصر طالع واشوى انهم تفهموا كلمنا صاحب المحل عشان يخليه مستعجل ^_^ كشخه
عاد يارب يكون حلو زي اللي بالعرض
بنات من تعرف محلات بجدة تفصل مفارش ويلبس لك اشياء انتي تجيبينها زي سلة المهملات ومفارش الطاولات وزي كذا ضروري بنات الله يسعدكم
غفارين فعلا المفتي دايم اسمع عنه انه شي خيالي بس والله مازرته .. ان شاء الله تلاقين طلبك عنده ..
بنات بليز
المحل اللي تقولو عنه لوجان بسوق اشيقر وينه تحديدا
ياريت اللي تعرف تقولي الوصف
هذا ياطويلة العمر على قولة البنات بسوق اشيقر (انا اسميها وشيقر خ) الدور الثاني تلاقين محلات المفارش مجموعه جنب بعضهم وهو من ضمنهم .. بتلاقين عرضهم غريب انا اول مادخلت احسبهم محل اثاث كل المحل سراير والمفارش عليها .. بس حركه اعجبتني ^_^
ان شاء الله تلاقين فيه اللي يعجبك ...
,,,,,,,,,,,,,,,,,,,,,,,,,,,,,,,,,,,,
em17
شوشو الحلوه
غفارين
مضاوي الغالي
nanamoon
مشكورات حبوبات عالطله الحلوه
.. والله يوفقنا واياكم يارب