الحقوني زوجي يقول كل سنه راح نعيد عند اهله

fo0ofh

26-05-2022 - 02:05 am

السلام عليكم
كيفكم يافراشات امس كنت ااتناقش مع زوجي حول مسالة اين نقضي العيد هذه السنه والمفروض اصلا
اني اعيد عند اهلي لان العيد اللي راح كنت عند اهله واحنا كنا متفقين من بداية الزواج انوه نعيد سنه عند
اهلي وسنه عند اهله بس فجاءه انقلب علي وقال لاعمري اسمعك تقولين بعيد عند اهلي انا الرجال ولازم
المره تكون مع رجلها(والله ظلم)
انا الحين باسالكم وش رايكم في هاالمساله ومين اللي معاه االحق؟؟
الله يخليكم ردو علي والله مقهوره

التعليقات (9)

العقيق

26-05-2022 - 04:54 am

أفا ليش زعلانة يا حلوة ، إلا فهميني بالأول ، إنتو بعيد عن أهلكم يعني يا عند أهله يا عند أهلك ، ما يصير تزورونهم بيوم واحد أو إنكم تقسمون أيام العيد على البيتين ؟؟
وبعدين إذا أصر فعادي روحي عند أهله وخلج عادية ولا تعانديه ولو إنها صعبة الظاهر بالنسبة لج ، راح يقدر بالأخير وتكبرين بنظره وعسى في الأخير يعرف بروحه إنه قصر معاج من هالناحية وإن شاء الله راح يغير رايه ، إذا مو هالعيد فإن شاء الله في عيد الأضحى ولا يهمج
وتسلمين

fo0ofh

26-05-2022 - 05:55 am

تسلمين اختي العقيق ومشكوره على الرد
انا اهلي في الدمام واهله في الرياض وطبعا ما نقدر نزورهم بيوم واحد صعبه

فوز2

26-05-2022 - 06:56 am

مو مشكله روحي معه بيت اهله باول يوم او يومين بالعيد لكن بعدها لازم تروحين تعيدين اهلك وبكذا تكونين ارضيتيه وزرتي اهلك احسن لك من الجدال والمشاكل .. دمتي بود

بنت جيرانكم

26-05-2022 - 07:57 am

حبيبتي مو مشكله خذي الحل الوسط
أول يومين عند أهله بعدين عند أهلك
وصدقيني اذا ماسويتي مشكله بتكبرين في عينه و بيسوي لك اللي تبين
الله يسعدك و يوفقك يارب

بنت الاصول000

26-05-2022 - 08:58 am

حبيبتي انا رايي مثل راي البنات
يعني روحي اول يومين لاهله بعدين روحي لاهلك

جلكسي بالعسل

26-05-2022 - 09:59 am

انا اقول مثل راي البنات ولا تعاندينه اعترضي في البدايه واذا شفتيه مصر قوليله معليه حاضر انت زوجي ولازم اسمع كلامك صدقيني بيحس بشعور انامالا حق وانتوا متفقين من البدايه وبيحترمك والعيد باقي عليه وقت

رووووضه

26-05-2022 - 11:00 am

حبيبتي عيدي أول يووم عند أهله و اليوم الثاني روحي بيت اهلج

توته الفراشه

26-05-2022 - 12:01 pm

قسمي العيد بين أهلك و اهله
او مثلا عيد رمضان عند اهلك والحج عند أهله
واذا عندك اطفال خليهم يقولون نبي الدمام ننبسط هناك اكثر
والعيد فرحه لا تخربينها على نفسك وزوجك انبسطي معاه وين ما يكون
وبعدين انتي وشطارتك حاولي تغرينه بالسفر أو حجز شاليهات أو استراحه
أهم شيء لا تعانيده عشان ما ياخذ الدعوة عناد وفرض شخصيه
أتمنى اكون أفدتك

* الدلوعه *

26-05-2022 - 01:02 pm

انا رايي من راي الاخت العقيق وباقي الفراشات واحسن لج لا تخلينه ياخذ السالفه عناد
والله يسعدج انشالله وهينيج

الإرتباط بزوج متزوج وتبعياته←
كنز اسمه لعل في علاج مشاكل الزوجين→